ఎలక్ట్రిక్ వాహనాల ద్వారా ఫుడ్ డెలివరీ
EV పాల‌సీ ప్ర‌క‌టించిన స్విగ్గీ
2025 నాటికి ఎలక్ట్రిక్ వాహనాల ద్వారా రోజుకు 8 లక్షల కిలోమీటర్ల క‌వ‌రేజీ
పర్యావరణ ప‌రిర‌క్ష‌ణే ధ్యేయంగా swiggy , రిలయన్స్ బీపీ మొబిలిటీ లిమిటెడ్ మరియు హీరో లెక్ట్రో సంస్థల మ‌ధ్య ఒప్పందం కుదిరింది. ఎలక్ట్రిక్ వాహ‌నాల‌తో ఫుడ్ డెలివరీ చేయాల‌ని నిర్ణ‌యించాయి. EVల ద్వారా వాహ‌న నిర్వహణ ఖర్చులో 40% వరకు ఆదా చేయ‌వ‌చ్చ‌ని భావిస్తున్నారు. కాలుష్య రహితమైన ఎలక్ట్రిక్ వాహనాల‌ను ఉప‌యోగించి తన డెలివరీను విస్తరించే ప్రయత్నాలను ప్రారంభిస్తున్నట్లు స్విగ్గీ ప్రకటించింది. ఈ ట్రయల్స్ 2025 నాటికి EVల ద్వారా ప్రతిరోజూ 8 లక్షల కిలోమీటర్ల మేర డెలివరీలను కవర్ చేయడానికి స్విగ్గీ లక్ష్యంగా పెట్టుకుంది.
రిలయన్స్ BP మొబిలిటీ, హీరో లెక్ట్రోతో భాగస్వామ్యం
swiggy దేశవ్యాప్తంగా తన డెలివరీ భాగస్వాముల కోసం ఎలక్ట్రిక్ వాహ‌నాలు, మరియు బ్యాటరీ స్వైపింగ్ స్టేషన్లను నిర్మించడానికి రిలయన్స్ BP మొబిలిటీ లిమిటెడ్ (RBML) తో ఒప్పందం కుదుర్చుకుంది. అదనంగా స్విగ్గీ కార్గో ఇ-సైకిళ్ల ద్వారా స్విగ్గీ ఆర్డర్‌లను ఎండ్-టు-ఎండ్ డెలివరీని ప్రారంభించడానికి UK లోని ప్రముఖ లాస్ట్ మైలు డెలివరీ కంపెనీ అయిన ప్రముఖ ఇ-సైకిల్ తయారీదారు మరియు ఫాస్ట్ డిస్పాచ్ లాజిస్టిక్స్ హీరో లెక్ట్రోతో భాగస్వామ్యం కుదుర్చుకుంది. ప్రస్తుతం బెంగళూరు, న్యూఢిల్లీ మరియు హైదరాబాద్‌లో ఇవి నడుస్తున్నాయి.
ఎలక్ట్రిక్ వాహనాల ద్వారా డెలివరీలు చేయడం వల్ల వాహనాల రన్నింగ్ వ్యయం 40% వరకు తగ్గుతుంది. ఇది swiggy డెలివరీ భాగస్వాములకు అధిక ఆదాయాన్ని ఇస్తుంది. ఈ అంశంపై నీతి ఆయోగ్ చీఫ్ ఎగ్జిక్యూటివ్ ఆఫీసర్ అమితాబ్ కాంత్ స్పందిస్తూ.. ష పర్యావరణ అనుకూలమైన మొబిలిటీ వైపు మారడానికి EV లను స్వీకరించడానికి కృషి చేయాలి. ఈ దిశలో స్విగ్గీ నిబద్ధత స్వాగతించదగిన పరిణామం అని కొనియాడారు. భావి త‌రాల కోసం ఇతర ప‌రిశ్ర‌మ‌లు తమ వ్యాపారంలో EV లను వినియోగించాల‌ని ఆయ‌న కోరారు. స్విగ్గీ సీఈవో శ్రీహర్ష మాజేటీ మాట్లాడుతూ, “వ్యాపార వృద్ధి, వాటాదారుల ప్రయోజనాలు, సమాజ శ్రేయస్సు కోసం పర్యావరణంపై ప్రభావాన్ని తగ్గించేలా అడుగులు వేయాల‌ని చెప్పారు. మా కార్యకలాపాల వల్ల కలిగే పర్యావరణ ప్రభావం గురించి కూడా తాము శ్ర‌ద్ధ వ‌హిస్తామ‌ని, EVలకు మారడం ఈ దిశలో ఒక కీల‌క‌మైన దశ అని తెలిపారు.
25 కిలోమీటర్ల వేగంతో 70-75 రేంజ్‌
ఫుడ్ డెలివరీ కోసం.. రిలయన్స్ BP మొబిలిటీ లిమిటెడ్ (RBML) ప్రతి కొన్ని కిలోమీటర్లకు బ్యాటరీ మార్పిడి స్టేషన్లను ఇన్‌స్టాల్ చేస్తుంది. ఒక ప్రీ-ఛార్జ్డ్ బ్యాటరీతో దాదాపు 65-80 కిలోమీటర్ల వరకు ప్ర‌యాణించ‌వ‌చ్చు. ఈ బ్యాటరీ మార్పిడి కూడా ఐదు నిమిషాల కంటే తక్కువ సమయం పడుతుంది. దీనివ‌ల్ల వినియోగ‌దారుల‌కు అత్యంత వేగంగా ఫుడ్‌ను చేర‌వేసే వెసులుబాటు క‌ల్పిస్తుంది. తక్కువ స‌మ‌యంలో ఎక్కువ మందికి డెలివరీలు చేయడం ద్వారా ఎక్కువ ఆదాయాన్ని అందిస్తుంది. EV లు, మార్పిడి స్టేషన్లు, బ్యాటరీ పనితీరును పర్యవేక్షించే యాప్‌లు ఎలా ఉపయోగించాలో డెలివరీ ప‌ర్‌స‌న్ల‌కు swiggy శిక్షణ ఇస్తోంది. డెలివరీల కోసం హీరో లెక్ట్రో మరియు ఫాస్ట్ డెస్పాచ్ లాజిస్టిక్స్‌తో స్విగ్గీ పనిచేస్తోంది. ప్రస్తుతం హైదరాబాద్‌లో పైలట్ ద‌శ‌లో ఉంది. రాబోయే నెలల్లో ఇతర మెట్రో న‌గ‌రాల‌కు విస్తరించనున్నారు. హీరో లెక్ట్రో కార్గో ఈ – సైకిళ్లు – ప్రత్యేకంగా డెలివరీల కోసం రూపొందించబడ్డాయి. గరిష్టంగా 25 కిలోమీటర్ల వేగంతో 70-75 రేంజ్‌తో ప్రయాణించగలవు. అవి తక్కువ దూరం ప్ర‌యాణించేందుకు అనువైనవి. కాలుష్య రహితంగా ఉండడంతో పాటు, బ్యాటరీ అయిపోయినప్పుడు వాటికి తక్షణ మార్పిడి చేసుకోవ‌చ్చు. అవి రెగ్యులర్ ప్లగ్ పాయింట్‌లపై ఛార్జ్ చేయబడతాయి. అలాగే పెడల్ పవర్‌తో కూడా నడుస్తూ ఉంటాయి.
