Harithamithra Telugu News

Home Blog

ఎద్దులతో విద్యుత్ ఉత్పత్తి: ‘నంది రథం’ – గ్రామీణ భారత్‌లో సరికొత్త ఇంధన విప్లవం! – Nandi Rath bull powered electricity

Kiran Podishetty
-
0
ఎద్దులతో విద్యుత్ ఉత్పత్తి: ‘నంది రథం’ – గ్రామీణ భారత్‌లో సరికొత్త ఇంధన విప్లవం! – Nandi Rath bull powered electricity

Nandi Rath bull powered electricity | ప్రస్తుత కాలంలో వ్యవసాయానికి విద్యుత్ అత్యంత కీలకం. కానీ పెరుగుతున్న విద్యుత్ ధరలు, అప్పుడప్పుడు ఎదురయ్యే కోతలు రైతన్నలను ఇబ్బంది పెడుతున్నాయి. దీనికి తోడు గ్రామీణ ప్రాంతాల్లో వీధి పశువుల (stray cattle) సమస్య రోజురోజుకూ పెరుగుతోంది. ఈ రెండు సమస్యలకు ఒకే పరిష్కారాన్ని కనిపెట్టారు లక్నోకు చెందిన మాజీ డీఎస్పీ శైలేంద్ర సింగ్. అదే ‘నంది రథం’ (Nandi Rath).

ఏమిటీ నంది రథం? ఎలా పనిచేస్తుంది?

నంది రథం అనేది జంతువుల శక్తితో విద్యుత్తును ఉత్పత్తి చేసే ఒక వినూత్న యంత్రం. ఎద్దుల బలాన్ని ఉపయోగించి, కాలుష్యం లేని, చౌకైన విద్యుత్తును ఇది తయారు చేస్తుంది.

Nandi Rath : పనిచేసే విధానం:

  • నిర్మాణం: బలమైన లోహపు నిర్మాణంతో కూడిన ఒక వాలుగా ఉండే ర్యాంప్‌ (Inclined Ramp)పై ఎద్దులు నడుస్తాయి.
  • శక్తి మార్పిడి: ఎద్దులు నిరంతరం వృత్తాకారంలో నడుస్తుంటే, ఆ కదలిక ఒక ప్రత్యేకమైన గేర్ బాక్స్, ఫ్లైవీల్ సిస్టమ్ ద్వారా ఆల్టర్నేటర్లకు చేరుతుంది.
  • విద్యుత్ ఉత్పత్తి: ఈ కైనెటిక్ ఎనర్జీని (చలన శక్తిని) విద్యుత్ శక్తిగా మారుస్తుంది.
  • సామర్థ్యం: ఒక ఎద్దు గంటకు దాదాపు 5 kW విద్యుత్తును ఉత్పత్తి చేస్తుంది. అదే సోలార్ ప్యానెల్స్‌ను జత చేస్తే, ఇది 10 kW వరకు పెరిగి, నీటి పంపులు, పిండి గిర్నీలు, మరియు గృహ అవసరాలకు సరిపోతుంది.

రైతులకు దీని వల్ల కలిగే లాభాలేంటి?

  1. అత్యంత చౌకైన విద్యుత్: యూనిట్ విద్యుత్ ధర కేవలం రూ. 1.50 మాత్రమే. ఇది గ్రిడ్ విద్యుత్ ధరతో పోలిస్తే చాలా తక్కువ.
  2. వీధి పశువుల సమస్యకు పరిష్కారం: రైతులకు భారంగా మారిన వీధి పశువులకు ఈ యంత్రం ద్వారా ఒక పని దొరుకుతుంది. ఎద్దులకు ఆశ్రయం, సంరక్షణ కల్పించడమే కాకుండా, అవి ఆర్థికంగా ఆదాయ వనరులుగా మారుతాయి.
  3. ఇంధన స్వయంసమృద్ధి: డీజిల్ లేదా గ్రిడ్ విద్యుత్‌పై ఆధారపడాల్సిన అవసరం ఉండదు.
  4. పర్యావరణహితం: ఇది ఎలాంటి కాలుష్యాన్ని విడుదల చేయదు, కేవలం స్వచ్ఛమైన ఇంధనాన్ని అందిస్తుంది.

గ్రామీణ ఆర్థిక వ్యవస్థకు కొత్త ఊపిరి

ఈ ప్రాజెక్టును శైలేంద్ర సింగ్ తన సొంత పొలంలోనే విజయవంతంగా పరీక్షించారు. దీనికి ప్రపంచ పేటెంట్ కూడా ఉంది. ఇది కేవలం ఒక ప్రయోగం మాత్రమే కాదు, గ్రామీణ భారత భవిష్యత్తుకు మార్గదర్శకం. భవిష్యత్తులో ప్రభుత్వం సబ్సిడీలు అందించి, కో-ఆపరేటివ్ సొసైటీల ద్వారా దీన్ని గ్రామాలవారీగా విస్తరిస్తే, ప్రతి పల్లె కూడా విద్యుత్ పరంగా స్వయంసమృద్ధి సాధిస్తుంది.

ప్రాచీన కాలం నుండి మన భారతీయులు ఎద్దులను ‘నంది’గా, దైవంగా భావిస్తారు. ఆ ఎద్దుల శక్తితోనే ఆధునిక విద్యుత్ అవసరాలను తీర్చుకోవడం అంటే మన మూలాలను గౌరవించుకుంటూనే, ఆధునిక సాంకేతికతను అందిపుచ్చుకోవడం. తక్కువ ఖర్చుతో, పర్యావరణానికి మేలు చేసే ఈ ‘నంది రథం’ పల్లెటూళ్లలో కొత్త వెలుగులు నింపాలని ఆశిద్దాం.

పర్యావరణ పరిరక్షణలో భాగస్వాములు అవుదాం.. హరిత భారతాన్ని నిర్మిద్దాం!

గ్రీన్ మొబిలిటీ, సోలార్ ఎనర్జీ మరియు పర్యావరణానికి సంబంధించిన తాజా విశేషాల కోసం హరితమిత్రను సందర్శిస్తూ ఉండండి. నిరంతర వార్తా అప్‌డేట్స్ కోసం మా సోషల్ మీడియా వేదికలపై కనెక్ట్ అవ్వండి:

ఈ సమాచారం మీకు నచ్చితే లైక్ చేయండి, మీ అభిప్రాయాన్ని కామెంట్ చేయండి. పర్యావరణం పట్ల అవగాహన పెంచేలా ఈ కథనాన్ని మీ స్నేహితులకు షేర్ చేయండి! 🌳✨

TG Organics App | రైతులకు గుడ్ న్యూస్.. మే 4న ‘TG ఆర్గానిక్స్’ యాప్ ప్రారంభం

Kiran Podishetty
-
0
TG Organics App | రైతులకు గుడ్ న్యూస్.. మే 4న ‘TG ఆర్గానిక్స్’ యాప్ ప్రారంభం

సేంద్రీయ సాగులో సరికొత్త అధ్యాయం

తెలంగాణ రాష్ట్ర ప్రభుత్వం సేంద్రీయ వ్యవసాయాన్ని ప్రోత్సహించడంలో మరో కీలక అడుగు వేసింది. రసాయనాలు లేని ఆరోగ్యకరమైన ఆహార ఉత్పత్తులను వినియోగదారులకు నేరుగా అందించేందుకు, సేంద్రీయ రైతుల ఉత్పత్తుల విక్రయానికి “TG ఆర్గానిక్స్” (TG Organics App) అనే ప్రత్యేక మొబైల్ యాప్‌ను సిద్ధం చేసింది. వికారాబాద్ జిల్లా, తాండూర్ వేదికగా మే 4న వ్యవసాయ శాఖ మంత్రి తుమ్మల నాగేశ్వరరావు ఈ యాప్‌ను లాంఛనంగా ప్రారంభించనున్నారు.

ఈ సందర్భంగా వ్యవసాయ శాఖ మంత్రి తుమ్మల నాగేశ్వరరావు సచివాలయంలో ఉన్నతాధికారులతో సమీక్ష నిర్వహించారు. ఈ కార్యక్రమంలో వ్యవసాయ శాఖ సెక్రటరీ కె. సురేంద్ర మోహన్ (IAS), తెలంగాణ రాష్ట్ర విత్తన, సేంద్రీయ దృవీకరణ అథారిటీ డైరెక్టర్ ఇతర అధికారులు పాల్గొన్నారు.

సేంద్రీయ వ్యవసాయం అంటే ఏమిటి?

మంచి యాజమాన్య పద్ధతులు పాటిస్తూ, రసాయన ఎరువులు, పురుగు మందులు, జన్యుమార్పిడి (GMO) పంటలను వాడకుండా, ప్రకృతి సిద్ధమైన వనరులు, సేంద్రియ ఎరువులను ఉపయోగించి చేసే వ్యవసాయాన్నే ‘సేంద్రీయ వ్యవసాయం’ అంటారు. నేడు అధిక దిగుబడుల కోసం రసాయనాల వాడకం పెరగడంతో, ఆహారంలో విషపూరిత అవశేషాలు పేరుకుపోతున్నాయి. దీనివల్ల ప్రజల ఆరోగ్యం దెబ్బతినడమే కాకుండా, భూసారం కూడా దెబ్బతింటోంది. ఈ నేపథ్యంలో, ప్రపంచవ్యాప్తంగా సేంద్రీయ వ్యవసాయంపై ఆసక్తి పెరుగుతోంది.

మార్కెట్లో నకిలీ ఉత్పత్తుల బెడద – ప్రభుత్వం చొరవ

సేంద్రీయ ఉత్పత్తుల పట్ల అవగాహన పెరుగుతున్న కొద్దీ, మార్కెట్లో నకిలీ ఆర్గానిక్ ఉత్పత్తుల అమ్మకాలు పెరిగాయి. దళారులు సాధారణ పంటలను సేంద్రీయ ఉత్పత్తుల పేరిట అధిక ధరలకు అమ్ముతూ వినియోగదారులను మోసం చేస్తున్నారు. ఈ సమస్యను అరికట్టడానికి, తెలంగాణ రాష్ట్ర ప్రభుత్వం సేంద్రీయ దృవీకరణ (Organic Certification) ప్రక్రియను పటిష్టం చేసింది.

తెలంగాణలో సేంద్రీయ ధ్రువీకరణ – గణాంకాలు

  • ప్రారంభం: 2016లో తెలంగాణ రాష్ట్ర విత్తన & సేంద్రీయ దృవీకరణ అథారిటీ ద్వారా ఈ సేవలు ప్రారంభమయ్యాయి.
  • ప్రస్తుత పరిస్థితి (జనవరి 2026 నాటికి): రాష్ట్రంలో సుమారు 10 వేల మంది రైతులు, 50 వేల ఎకరాలలో సేంద్రీయ సాగు చేస్తున్నారు.
  • నిర్వహణ: 206 ఆపరేటర్లు, 24 ఆర్గానిక్ ఫార్మర్స్ గ్రూపులు (ICS) ద్వారా దృవీకరణ జరుగుతోంది.
  • ప్రకృతి వ్యవసాయం: అదనంగా 61,125 ఎకరాలలో, 489 క్లస్టర్లలో ప్రకృతి వ్యవసాయ దృవీకరణ కోసం నమోదు ప్రక్రియను కూడా ప్రారంభించారు.

ధ్రువీకరణ ప్రక్రియ (Certification Process):

భారత ప్రభుత్వ వ్యవసాయ ఉత్పత్తుల ఎగుమతుల అభివృద్ధి సంస్థ (APEDA) నిర్దేశించిన NPOP, PGS ప్రమాణాల మేరకు ఈ దృవీకరణ జరుగుతుంది.

  • ఎలా పొందాలి?: రైతులు/గ్రూపులు సంస్థ వద్ద నమోదు చేసుకోవాలి. అధికారులు పంట క్షేత్రాలను తనిఖీ చేస్తారు. అవసరమైతే ల్యాబ్ పరీక్షలు నిర్వహిస్తారు.
  • ధృవీకరణ పత్రాలు: తనిఖీ అనంతరం ‘స్కోప్ సర్టిఫికెట్’ (ఉత్పత్తికి), ‘ట్రాన్సాక్షన్ సర్టిఫికెట్’ (విక్రయానికి) జారీ చేస్తారు. వీటి చెల్లుబాటు ఒక సంవత్సరం ఉంటుంది.
  • ఛార్జీలు: ఎకరాకు రూ. 2960/- నుండి, 25 ఎకరాల వరకు రూ. 3200/- మాత్రమే రుసుము ఉంటుంది.

TG Organics App – ప్రత్యేకతలు

రైతులు పండించిన సర్టిఫైడ్ ఆర్గానిక్ ఉత్పత్తులను వినియోగదారులకు నేరుగా చేరవేసే లక్ష్యంతో ఈ యాప్‌ను రూపొందించారు.

యాప్ ఫీచర్లు:

  • డౌన్‌లోడ్: ప్లే స్టోర్ నుండి యాప్ డౌన్‌లోడ్ చేసుకుని OTP ద్వారా లాగిన్ అవ్వాలి.
  • ఎంపిక: వినియోగదారులు తమకు కావలసిన పంట గ్రూపులు, ఉత్పత్తులను ఎంచుకోవచ్చు.
  • స్థానిక లభ్యత: మొదటగా వినియోగదారునికి 50 కిలోమీటర్ల పరిధిలోని రైతుల వివరాలు కనిపిస్తాయి (పరిధిని మార్చుకోవచ్చు).
  • నేరుగా సంప్రదింపులు: రైతు చిరునామా, ఫోన్ నంబర్, లొకేషన్ వివరాలు లభిస్తాయి. ధర నిర్ణయించే అధికారం రైతుకే ఉంటుంది, కాబట్టి ధర విషయంలో నేరుగా మాట్లాడుకోవచ్చు.
  • ప్రస్తుత స్థితి: ఇప్పటికే సుమారు 500 మంది రైతులు, 100కు పైగా ఆర్గానిక్ ఉత్పత్తులు యాప్‌లో అందుబాటులో ఉన్నాయి. ఎకలవ్య ఫౌండేషన్, CSA వంటి ఇతర సంస్థల రైతుల వివరాలను కూడా ఇందులో పొందుపరుస్తున్నారు.

సేంద్రీయ ధ్రువీకరణ వల్ల కలిగే ప్రయోజనాలు:

  1. వినియోగదారులకు భరోసా: నకిలీ ఉత్పత్తుల భయం ఉండదు, నాణ్యమైన ఉత్పత్తులు లభిస్తాయి.
  2. మార్కెట్ నియంత్రణ: మార్కెట్లో అవకతవకలు తగ్గుతాయి.
  3. పారదర్శకత: దృవీకరణ పత్రాలు ఉండటం వల్ల వాణిజ్యపరంగా ఎగుమతులకు కూడా అవకాశం ఉంటుంది.

ముగింపు: తెలంగాణ ప్రభుత్వం చేపట్టిన ఈ “TG ఆర్గానిక్స్” యాప్, రైతులకు మంచి ధరను, వినియోగదారులకు నాణ్యమైన ఆహారాన్ని అందించే వంతెనగా మారనుంది. రైతులు ఈ అవకాశాన్ని వినియోగించుకుని, నకిలీ ఉత్పత్తులను అరికట్టడంలో ప్రభుత్వం చేపట్టిన ఈ ప్రయాణంలో భాగస్వాములు కావాలి.

మరిన్ని వ్యవసాయ సమాచారం కోసం ‘హరితమిత్ర’ను అనుసరిస్తూ ఉండండి!

Oben Rorr Evo vs Matter Aera 5000 : మీ కోసం ఏ ఎలక్ట్రిక్ బైక్ బెస్ట్?

Kiran Podishetty
-
0
Oben Rorr Evo vs Matter Aera 5000 : మీ కోసం ఏ ఎలక్ట్రిక్ బైక్ బెస్ట్?

భారత్‌లో ఎలక్ట్రిక్ మొబిలిటీ రంగం దూసుకుపోతోంది. కొన్ని నెల‌లుగా అనేక ఆక‌ర్ష‌ణీయ‌మైన మోడ‌ళ్లు మార్కెట్‌లోకి వ‌స్తున్నాయి. బెంగళూరుకు చెందిన ఈవీ స్టార్టప్ ఓబెన్ ఎలక్ట్రిక్, ఈ రోజు ‘రోర్ ఇవో’ అనే కొత్త ఈవీ బైక్‌ను విడుదల చేసింది. ఈ కొత్త ఎలక్ట్రిక్ మోటార్‌సైకిల్, మ్యాటర్ ఏరా 5000కు పోటీగా నిలుస్తుంది. ఈ మోడళ్లు ఒకదానితో ఒకటి ఎలా పోటీపడతాయో ఇక్కడ క్లుప్తంగా చూద్దాం.

ఓబెన్ రోర్ EVO vs మ్యాట‌ర్ ఎరా 5000: పనితీరు, రేంజ్‌

పనితీరు విషయానికి వస్తే, ఓబెన్ రోర్ ఎవో 9 kW మోటార్‌ను 3.4 kWh బ్యాటరీతో జతచేసింది. ఇది గంటకు 110 కిలోమీటర్ల గరిష్ట వేగాన్ని అందుకుంటుంది. ఇది సుమారు 3 సెకన్లలో 0 నుండి 40 కిలోమీటర్ల వేగాన్ని అందుకోగలదు.
మరోవైపు, మ్యాటర్ ఏరా 5000 11.5 kW గరిష్ట శక్తిని, 2.8 సెకన్లలో 0–40 kmph వేగాన్ని అందుకుంటుంది. దీని గరిష్ట వేగం 105 kmphగా ఉంది. ఇక్కడ అతిపెద్ద తేడా రైడింగ్ అనుభవంలో ఉంది: ఏరా 4-స్పీడ్ మాన్యువల్ గేర్‌బాక్స్‌ను క‌లిగి ఉంటుంది.

రేంజ్చ‌ బ్యాటరీ విషయానికి వస్తే, రోర్ ఎవో 180 కి.మీ.ల IDC రేంజ్‌ను అందిస్తుందని కంపెనీ పేర్కొంది. దీనిలో 3.4 kWh LFP బ్యాటరీ ప్యాక్ అమర్చారు. ఇక మ్యాటర్ ఏరా 5000 పెద్దదైన 5 kWh బ్యాటరీతో వస్తుంది, కానీ ఇది 172 కి.మీ.ల కొద్దిగా తక్కువ రేంజ్‌ను అందిస్తుంది.

ఫీచర్Oben Rorr EvoMatter Aera 5000
ధర₹99,999 నుండి₹1.81 లక్షలు
బ్యాటరీ3.4 kWh5.0 kWh
రేంజ్ (IDC)180 km172 km
గరిష్ట వేగం110 kmph105 kmph
గేర్‌బాక్స్లేదు (ఆటోమేటిక్)4-స్పీడ్ మాన్యువల్
డిస్‌ప్లే5-inch TFT7-inch Touchscreen

ఓబెన్ రోర్ EVO వర్సెస్ మ్యాటర్ AERA 5000: ఛార్జింగ్

ఛార్జింగ్ అనేది మరో ముఖ్యమైన అంశం, ఈ విషయంలో రెండు మోటార్‌సైకిళ్లు ఫాస్ట్-ఛార్జింగ్ సామర్థ్యాలను అందిస్తున్నాయి.

Rorr Evo కేవలం 90 నిమిషాల్లో 0 నుండి 80 శాతం వరకు ఛార్జ్ అవ్వగలదు. Aera 5000 సాధారణ ఛార్జింగ్‌కు సుమారు 5 గంటల సమయం తీసుకుంటుంది, కానీ ఫాస్ట్ ఛార్జర్‌ను ఉపయోగించి దాదాపు అంతే సమయంలో 0–80 శాతం వరకు ఛార్జ్ చేయగలదు.

ఓబెన్ రోర్ EVO vs మేటర్ AERA 5000: హార్డ్‌వేర్

హార్డ్‌వేర్ పరంగా చూస్తే, మ్యాటర్ ఏరా 5000లో టెలిస్కోపిక్ ఫ్రంట్ ఫోర్కులు, డ్యూయల్ రియర్ షాక్‌లు ఉన్నాయి. మోటార్, బ్యాటరీ రెండింటికీ లిక్విడ్ కూలింగ్ అమ‌ర్చారు. బ్రేకింగ్ విష‌యానికొస్తే 270 mm ఫ్రంట్ డిస్క్, 220 mm రియర్ డిస్క్‌తో పాటు ABS నిర్వహిస్తుంది.
మరోవైపు, రోర్ ఎవోలో టెలిస్కోపిక్ ఫ్రంట్ సస్పెన్షన్, రియర్ మోనోషాక్‌తో పాటు రెండు వైపులా డిస్క్ బ్రేకులు ఉన్నాయి. ఇందులో అల్యూమినియం బ్యాటరీ కేసింగ్, చైన్ డ్రైవ్ సెటప్ కూడా ఉన్నాయి.

ఓబెన్ రోర్ EVO vs మేటర్ AERA 5000: ఫీచర్లు

రెండు మోటార్‌సైకిళ్లలోనూ ఫీచర్లు, టెక్నాలజీ బలంగా ఉన్నాయి. రోర్ ఎవో 5-అంగుళాల TFT డిస్‌ప్లే, నావిగేషన్, జియో-ఫెన్సింగ్, యాంటీ థెఫ్ట్‌ , రైడింగ్ శైలి ఆధారంగా పవర్ డెలివరీని సర్దుబాటు చేసే ప్రత్యేకమైన SmartiQ AI రైడ్ మోడ్‌తో వస్తుంది. ఇది ఎమ‌ర్జెన్సీ అల‌ర్ట్‌ల‌తో కూడిన ఫాల్ డిటెక్షన్, ఈ సెగ్మెంట్‌లోనే మొదటిసారిగా 10 లీటర్ల స్టోరేజ్ వంటి ఫీచర్లను కూడా అందిస్తుంది.
మరోవైపు, మ్యాటర్ ఏరా 5000 పెద్ద 7-అంగుళాల టచ్‌స్క్రీన్ డిస్‌ప్లేతో పాటు 4G కనెక్టివిటీ, నావిగేషన్, OTA అప్‌డేట్‌లు, దాని యాప్ ద్వారా అనేక కనెక్టెడ్ ఫీచర్లను పొందుతుంది. ఇందులో కీలెస్‌ ఆపరేషన్, గేర్ పొజిషన్ ఇండికేటర్ మరియు షిఫ్ట్ అసిస్ట్ కూడా ఉన్నాయి.

ఒబెన్ రోర్ EVO vs మేటర్ AERA 5000: ధర

ఓబెన్ రోర్ ఎవోను ఎక్స్-షోరూమ్ ధర రూ. 99,999 ప్రారంభ ధరతో విడుదల చేశారు, దీని ధర తర్వాత రూ. 1.25 లక్షలకు పెరుగుతుంది. దీనితో పోలిస్తే, మ్యాటర్ ఏరా 5000 ఎక్స్-షోరూమ్ ధర రూ. 1.81 లక్షలుగా ఉంది.

ముగింపు :

  • Oben Rorr Evo : మీరు బడ్జెట్ ఫ్రెండ్లీగా, మెయింటెనెన్స్ తక్కువగా ఉంటూ, సిటీలో రోజువారీ ప్రయాణాలకు, వేగవంతమైన ఛార్జింగ్‌కు ప్రాధాన్యత ఇస్తే ఇది బెస్ట్ ఛాయిస్.
  • Matter Aera 5000 : మీరు టెక్నాలజీ (7-inch స్క్రీన్, 4G), గేర్ మార్చే అనుభవం (Manual Gearbox), పెద్ద బ్యాటరీని కోరుకుంటే ఏరా 5000 సరైన ఎంపిక.

Oben Rorr Evo లాంచ్: రూ. 99,999కే సరికొత్త ఎలక్ట్రిక్ బైక్ – ఫీచర్లు ఇవే!

Kiran Podishetty
-
0
Oben Rorr Evo లాంచ్: రూ. 99,999కే సరికొత్త ఎలక్ట్రిక్ బైక్ – ఫీచర్లు ఇవే!

పర్యావరణ హితమైన ప్రయాణానికి (Sustainable Mobility) మారుపేరుగా నిలిచే ఎలక్ట్రిక్ వాహనాల మార్కెట్లోకి మరొక అద్భుతమైన బైక్ వచ్చింది. ఓబెన్ ఎలక్ట్రిక్ (Oben Electric) సంస్థ తన సరికొత్త ‘రోర్ ఎవో’ (Rorr Evo) ఎలక్ట్రిక్ మోటార్‌సైకిల్‌ను భారత మార్కెట్లో విడుదల చేసింది. సామాన్య ప్రజలను ఆకర్షించే ధరతో, అద్భుతమైన ఫీచర్లతో వస్తున్న ఈ బైక్ గురించి పూర్తి వివరాలు ఇక్కడ ఉన్నాయి.

ధర, ఆఫర్

ఓబెన్ ఎలక్ట్రిక్ ఈ బైక్‌ను ప్రారంభ ధరగా రూ. 99,999 (ఎక్స్-షోరూమ్) కే అందిస్తోంది. అయితే, ఈ ధర మొదటి 10,000 మంది కస్టమర్లకు మాత్రమే వర్తిస్తుంది. ఆ తర్వాత దీని ధర రూ. 1.25 లక్షలకు పెరిగే అవకాశం ఉంది. కాబట్టి ఎలక్ట్రిక్ బైక్ కొనాలనుకునే వారికి ఇది మంచి అవకాశం.

Oben Rorr Evo : Technical Specifications

ఫీచర్ (Feature)వివరాలు (Details)
ధర (Price)₹99,999 (మొదటి 10,000 మందికి) / ₹1.25 లక్షలు (తర్వాత)
గరిష్ట వేగం (Top Speed)110 km/h
Acceleration0–40 km/h in 3 సెకన్లు
బ్యాటరీ కెపాసిటీ (Battery)3.4 kWh LFP బ్యాటరీ
రేంజ్ (IDC Range)180 km
ఛార్జింగ్ సమయం (Charging)90 నిమిషాల్లో 0-80%
గరిష్ట శక్తి (Peak Power)9 kW
టార్క్ (Torque)250 Nm (Wheel Torque)
బ్యాటరీ వారంటీ8 ఏళ్లు
రేటింగ్స్IP67 (బ్యాటరీ), IP68 (మోటార్)
సస్పెన్షన్ముందు: టెలిస్కోపిక్ ఫోర్క్స్
గ్రౌండ్ క్లియరెన్స్200 mm
బరువు (Curb Weight)140 kg
స్టోరేజ్ (Storage)4L (ట్యాంక్) + 6L (అండర్-సీట్)
డిస్‌ప్లే (Display)5-అంగుళాల కలర్ TFT
రైడింగ్ మోడ్స్4 మోడ్స్ (ఎకో, సిటీ, పర్ఫార్మెన్స్, మొదలైనవి)
బ్రేకింగ్ సిస్టమ్డ్యూయల్ డిస్క్ బ్రేక్స్ (యూనిఫైడ్ బ్రేకింగ్ సిస్టమ్)
Oben Rorr Evo

పనితీరు (Performance) & బ్యాటరీ

  • వేగం: ఈ బైక్ గంటకు గరిష్టంగా 110 కిలోమీటర్ల వేగంతో ప్రయాణించగలదు. కేవలం 3 సెకన్లలోనే 0 నుండి 40 కి.మీ వేగాన్ని అందుకోగలదు.
  • బ్యాటరీ: ఇందులో శక్తివంతమైన 3.4 kWh LFP బ్యాటరీ ప్యాక్ ఉంది.
  • రేంజ్: IDC క్లెయిమ్ ప్రకారం ఇది 180 కిలోమీటర్ల రేంజ్‌ను ఇస్తుంది. వాస్తవ వినియోగంలో 100 కి.మీ కంటే ఎక్కువ రేంజ్ ఆశించవచ్చు.
  • ఛార్జింగ్: కేవలం 90 నిమిషాల్లో 0 నుండి 80% వరకు ఛార్జ్ అవుతుంది.
  • మన్నిక: బ్యాటరీకి IP67 మరియు మోటార్‌కు IP68 రేటింగ్ ఉంది, ఇది వివిధ వాతావరణ పరిస్థితుల్లో బైక్ సురక్షితంగా ఉండేలా చేస్తుంది. అంతేకాకుండా దీనికి 8 ఏళ్ల బ్యాటరీ వారంటీ ఉంది.

ప్రత్యేకతలు & సాంకేతికత

  • చైన్ డ్రైవ్: సాధారణంగా ఎలక్ట్రిక్ బైక్స్‌లో కనిపించని చైన్ డ్రైవ్ సిస్టమ్‌ను ఇందులో అందించారు, ఇది సంప్రదాయ బైక్ రైడర్లకు నచ్చుతుంది.
  • డిజైన్: 200 మిమీ గ్రౌండ్ క్లియరెన్స్ ఉండటంతో భారతీయ రహదారులకు చాలా అనుకూలంగా ఉంటుంది.
  • స్టోరేజ్: 4-లీటర్ల ట్యాంక్ స్టోరేజ్, 6-లీటర్ల అండర్-సీట్ స్టోరేజ్ ఉంది.
  • స్మార్ట్ ఫీచర్లు: 5-అంగుళాల TFT డిస్‌ప్లే, 4 రైడింగ్ మోడ్స్ (ఎకో, సిటీ, పర్ఫార్మెన్స్), నావిగేషన్, కాల్/మ్యూజిక్ అలర్ట్స్, లైవ్ ట్రాకింగ్ మరియు యాంటీ-థెఫ్ట్ ఫీచర్లు ఉన్నాయి.

స్మార్ట్‌ ఫీచర్లు :
Oben Rorr Evo ప్రధానంగా రోజువారీ వినియోగానికి స‌రిగ్గా స‌రిపోతుంది. ఇది మెరుగైన సౌకర్యం కోసం 680mm పొడవైన సీటును, 780mm తక్కువ సీటు ఎత్తుతో వ‌స్తుంది. దీని గ్రౌండ్ క్లియరెన్స్ 200mmగా ఉంది. సీటు కింద, ట్యాంక్ స్టోరేజ్ ఏరియాతో కలిపి ఇందులో 10 లీటర్ల స్టోరేజ్ కూడా ఉంది. ఇందులో డ్యూయల్ USB ఛార్జింగ్ పోర్ట్‌లు, రివర్స్ మోడ్ కూడా ఉన్నాయి, ఇవి సిటీ రైడింగ్‌ను సులభతరం చేస్తాయి.

ఇది 5-అంగుళాల కలర్ TFT డిస్‌ప్లేతో వస్తుంది, ఇది నావిగేషన్, రైడ్ డేటా మరియు కాల్, టెక్స్ట్, మ్యూజిక్ కోసం స్మార్ట్ అలర్ట్‌లను అందిస్తుంది. మొబైల్ యాప్ ద్వారా, మీరు జియో-ఫెన్సింగ్, రైడ్ హిస్టరీ, దొంగతనం నుండి రక్షణ మరియు రిమోట్ డయాగ్నోస్టిక్స్ వంటి ఫీచర్లను యాక్సెస్ చేయవచ్చు. Rorr EVO 230 mm నీటిలో నడిచే సామర్థ్యాన్ని కూడా అందిస్తుంది.

భద్రత : విషయానికి వస్తే, ఈ బైక్‌లో ఎమర్జెన్సీ అసిస్ట్‌తో కూడిన ఫాల్ అలర్ట్, యూనిఫైడ్ బ్రేక్ అసిస్ట్ డ్రైవర్ అలర్ట్ సిస్టమ్ వంటి ఫీచర్లు ఉన్నాయి. వెడల్పాటి వెనుక టైరు స్థిరత్వాన్ని మెరుగుపరుస్తుంది.

ఏమి చెబుతున్నారు సీఈఓ?

ఓబెన్ ఎలక్ట్రిక్ సీఈఓ (Oben Electric CEO) మధుమిత అగర్వాల్ మాట్లాడుతూ, “ఎలక్ట్రిక్ వాహనాలు కేవలం ప్రత్యామ్నాయాలు మాత్రమే కాదు, అవి ప్రత్యేకమైన మోటార్ సైకిళ్లు. నిజ జీవిత రైడింగ్‌లో ఇవి పెట్రోల్ బైక్‌లను మించి పనితీరును ప్రదర్శిస్తాయని నిరూపించడానికి Rorr Evo ను రూపొందించాం” అని తెలిపారు.

Kharif 2026 | రైతులకు నాణ్యమైన విత్తనాలే లక్ష్యం – మంత్రి తుమ్మల కీలక ఆదేశాలు

Kiran Podishetty
-
0
Kharif 2026 | రైతులకు నాణ్యమైన విత్తనాలే లక్ష్యం – మంత్రి తుమ్మల కీలక ఆదేశాలు

Kharif 2026 Seed Distribution Telangana | తెలంగాణ రాష్ట్రంలో రాబోయే వానాకాలం (ఖరీఫ్) 2026 సాగు సన్నాహకాల్లో భాగంగా, వ్యవసాయ శాఖ మంత్రి శ్రీ తుమ్మల నాగేశ్వరరావు గారు సచివాలయంలో కీలక సమీక్ష నిర్వహించారు. రైతులకు నాణ్యమైన విత్తనాలను అందుబాటులో ఉంచడం మరియు నకిలీ విత్తనాల విక్రయాలను పూర్తిగా అరికట్టడంపై ఆయన స్పష్టమైన ఆదేశాలు జారీ చేశారు.

ఖరీఫ్ 2026: ముఖ్యాంశాలు

  • Kharif 2026 సాగు అంచనా: రాష్ట్రంలో సుమారు 134.66 లక్షల ఎకరాల్లో సాగు జరిగే అవకాశం ఉంది.
  • విత్తనాల లభ్యత: 19.42 లక్షల క్వింటాళ్ల విత్తనాలు అవసరమని అంచనా వేయగా, ప్రస్తుతం 38.21 లక్షల క్వింటాళ్ల నిల్వలు సిద్ధంగా ఉన్నాయి.
  • పత్తి విత్తనాలు: 52 లక్షల ఎకరాల పత్తి సాగు లక్ష్యంతో, 212.11 లక్షల ప్యాకెట్లను అందుబాటులో ఉంచారు.
  • సరఫరా: మే 15 నుండి విత్తనాల స్టాక్‌ను రైతులకు అందుబాటులోకి తీసుకురావాలని కంపెనీలను ఆదేశించారు.

Kharif 2026 : నకిలీ విత్తనాలపై ‘జీరో టాలరెన్స్’

నకిలీ విత్తనాల తయారీ, విక్రయాలపై మంత్రి తుమ్మల కఠిన హెచ్చరికలు జారీ చేశారు:

  • జిల్లా నుండి మండల స్థాయి వరకు ప్రత్యేక టాస్క్‌ఫోర్స్ బృందాల ఏర్పాటు.
  • రాష్ట్ర సరిహద్దుల్లో తనిఖీలను కట్టుదిట్టం చేసి, అక్రమ రవాణాను అరికట్టడం.
  • GOT ఫెయిల్ అయిన పత్తి విత్తనాలను పూర్తిగా నిషేధించడం.
  • విత్తన కంపెనీలు ప్రతి నెలాఖరులో స్టాక్ వివరాలను ప్రభుత్వానికి సమర్పించాలి.
  • కో మార్కెటింగ్ విధానంపై ఉన్న లోపాలను సవరించాలని, అవసరమైతే దానిని రద్దు చేసే అవకాశాలను పరిశీలించాలని అధికారులకు సూచన.

రైతులకు డిజిటల్ వెదర్ అలర్ట్స్

ఈ సమీక్షలో భాగంగా డెవలప్‌మెంట్ ఇన్నోవేషన్ ల్యాబ్ ప్రతినిధులు మంత్రిని కలిశారు. రైతులకు వాతావరణ పరిస్థితులపై ముందస్తు సమాచారం అందించేందుకు ప్రయోగాత్మక ప్రాజెక్టును వివరిస్తూ, SMS, WhatsApp ద్వారా రైతులకు సూచనలు అందించే విధానాన్ని వారు వివరించారు. ఈ ప్రాజెక్టు అమలుపై పరిశీలన జరిపి తగిన నిర్ణయం తీసుకోవాలని మంత్రి అధికారులను ఆదేశించారు. రాష్ట్రంలో వ్యవసాయ రంగాన్ని బలోపేతం చేయడమే ప్రభుత్వ ధ్యేయమని, నాణ్యమైన విత్తనాల సరఫరాలో ఎలాంటి రాజీ పడకూడదని మంత్రి తుమ్మల నాగేశ్వరరావు స్పష్టం చేశారు.

కేంద్ర మోటార్ వాహనాల నిబంధనల్లో భారీ మార్పులు: ఇథనాల్, హైడ్రోజన్, బయోడీజిల్‌కు ప్రాధాన్యం

Kiran Podishetty
-
0
కేంద్ర మోటార్ వాహనాల నిబంధనల్లో భారీ మార్పులు: ఇథనాల్, హైడ్రోజన్, బయోడీజిల్‌కు ప్రాధాన్యం

న్యూఢిల్లీ: భారతదేశంలో పర్యావరణ అనుకూల ఇంధనాల వాడకాన్ని ప్రోత్సహించడానికి, ముడి చమురు దిగుమతులను తగ్గించడానికి కేంద్ర ప్రభుత్వం ఒక చారిత్రాత్మక నిర్ణయం తీసుకుంది. కేంద్ర మోటారు వాహన నిబంధనలు (Central Motor Vehicles Rules), 1989కి కీలక సవరణలు చేస్తూ కేంద్ర రోడ్డు రవాణా మరియు రహదారుల మంత్రిత్వ శాఖ ముసాయిదా నోటిఫికేషన్‌ను విడుదల చేసింది.

30 రోజుల్లోగా సూచనలు, అభ్యంతరాలు

ఏప్రిల్ 27, 2026న జారీ చేసిన ఈ ముసాయిదాపై ప్రజలు, వాహన తయారీదారులు, ఇతర భాగస్వాములు తమ అభిప్రాయాలను 30 రోజుల్లోగా తెలియజేయాలని ప్రభుత్వం కోరింది. అందిన సూచనలను పరిశీలించిన అనంతరం ప్రభుత్వం తుది నిబంధనలను ఖరారు చేస్తుంది.

ఇథనాల్ విప్లవం: E20 నుండి E100 వరకు!

పెట్రోల్‌లో ఇథనాల్ కలిపే ప్రక్రియ (Ethanol Blending) దేశ ఆర్థిక వ్యవస్థకు ఊతం ఇస్తోంది. ప్రభుత్వం అందించిన గణాంకాల ప్రకారం.. ప్రతి ఏటా సుమారు 45 మిలియన్ బ్యారెళ్ల ముడి చమురు ఆదా అవుతోంది. దీనివల్ల ఇప్పటివరకు ₹1.65 లక్షల కోట్ల విదేశీ మారక ద్రవ్యం ఆదా అయ్యింది.

కొత్త మార్పులు: ప్రస్తుతం వాడుకలో ఉన్న E10 పెట్రోల్‌తో పాటు, E20 (20% ఇథనాల్), E85 (85% ఇథనాల్), ఏకంగా E100 (100% ఇథనాల్) ఇంధనాలను కూడా నిబంధనల్లో చేర్చాలని ప్రభుత్వం ప్రతిపాదించింది. ఏప్రిల్ 2023 తర్వాత తయారైన వాహనాలన్నీ E20 ఇంధనానికి అనుకూలంగా ఉన్నాయని ప్రభుత్వం స్పష్టం చేసింది.

బయోడీజిల్, హైడ్రోజన్ ఇంధనాల్లో మార్పులు

కేవలం పెట్రోల్ మాత్రమే కాకుండా డీజిల్, హైడ్రోజన్ ఇంధనాల విషయంలోనూ స్పష్టమైన ప్రమాణాలను ప్రభుత్వం ప్రతిపాదించింది:

  1. బయోడీజిల్ (Bio-Diesel): ప్రస్తుతం ఉన్న B10 (10% బయోడీజిల్) నుండి B100 (100% బయోడీజిల్) వాడకానికి వీలుగా నిబంధనలను విస్తరించనున్నారు.
  2. హైడ్రోజన్ (Hydrogen): సాంకేతిక స్పష్టత కోసం ‘హైడ్రోజన్+CN’ అనే పదాన్ని ‘హైడ్రోజన్+CNG’గా మార్చాలని నిర్ణయించారు.

పర్యావరణానికి మేలు – సామాన్యుడికి లాభం

ఈ కొత్త నిబంధనలు అమలులోకి వస్తే, భారతదేశం ఇంధన స్వయం సమృద్ధి దిశగా వేగంగా అడుగులు వేస్తుంది. అధిక స్థాయిలో ఇథనాల్ వాడకం వల్ల వాహన ఉద్గారాలు తగ్గి కాలుష్యం నియంత్రణలోకి వస్తుంది. అలాగే, ప్రత్యామ్నాయ ఇంధనాల లభ్యత పెరగడం వల్ల సామాన్యుడిపై ఇంధన ధరల భారం తగ్గే అవకాశం ఉంది.

హరిత ఇంధనాల దిశగా ప్రభుత్వం తీసుకుంటున్న ఈ చర్యలు, 2070 నాటికి ‘నెట్ జీరో’ లక్ష్యాన్ని చేరుకోవడంలో కీలకపాత్ర పోషించనున్నాయి.

Oil Palm | మే నెలలో గోద్రేజ్ ఆయిల్ పామ్ ఫ్యాక్టరీ ప్రారంభం

Kiran Podishetty
-
0
Oil Palm | మే నెలలో గోద్రేజ్ ఆయిల్ పామ్ ఫ్యాక్టరీ ప్రారంభం

సాంప్రదాయ పద్ధతులను వీడి, ఆధునిక సాంకేతికతను అందిపుచ్చుకుంటేనే వ్యవసాయం లాభసాటిగా మారుతుందని రాష్ట్ర వ్యవసాయ శాఖ మంత్రి తుమ్మల నాగేశ్వరరావు తెలిపారు. సోమవారం రఘునాథపాలెం మండలం రైతు వేదికలో నిర్వహించిన “రైతు ముంగిట్లో శాస్త్రవేత్తలు” కార్యక్రమంలో ఆయన ముఖ్య అతిథిగా పాల్గొన్నారు. ఖమ్మం జిల్లా కొత్త కలెక్టర్ దివాకర టి.ఎస్. తో కలిసి ఆయన ఈ కార్యక్రమంలో పాల్గొన్నారు.

కీలక అంశాలు:

  • ఆయిల్ పామ్ సాగు (Oil Palm Farming)పై నొక్కి: రైతులు ఆయిల్ పామ్ వంటి లాభదాయక పంటల వైపు మళ్లాలని మంత్రి సూచించారు. ఈ పంట సాగు చేసే రైతులకు నాలుగేళ్ల పాటు ₹51,000 సబ్సిడీ అందజేస్తామన్నారు. ఆయిల్ పామ్‌లో అంతర పంటలుగా పత్తి, మిర్చి, పప్పుధాన్యాలు సాగు చేసుకోవచ్చని, దీనివల్ల అదనపు ఆదాయం లభిస్తుందని వివరించారు.
  • యాంత్రీకరణకు నిధులు: గత పదేళ్లలో వ్యవసాయ యాంత్రీకరణ నిర్లక్ష్యానికి గురైందని, ప్రస్తుత ప్రభుత్వం దీనికి భారీగా నిధులు కేటాయించేందుకు సిద్ధంగా ఉందని మంత్రి వెల్లడించారు. ఈ నిధులను ఎలా ఖర్చు చేయాలో రైతులే స్వయంగా సూచనలు ఇవ్వాలని ఆయన కోరారు.
  • మే నెలలో కొత్త ఫ్యాక్టరీ: ఖమ్మం జిల్లాలో గోద్రేజ్ ఆయిల్ పామ్ ఫ్యాక్టరీని మే నెలలో ప్రారంభించనున్నట్లు, అలాగే జిల్లాలో ఆయిల్ పామ్ నర్సరీ ఏర్పాటుకు గోద్రేజ్ సంస్థ ఆసక్తి చూపుతోందని తెలిపారు.
  • ఆర్గానిక్ ఫార్మింగ్:
  • జిల్లా కలెక్టర్ దివాకర మాట్లాడుతూ రాబోయే రోజులలో ఆహార భద్రత చాలా కీలక అంశంగా మారనుందని, పెరుగుతున్న జనాభా, భూసారం తగ్గడం వంటి సమస్యలు కీలకం కానున్నాయని అన్నారు. వ్యవసాయం సరైన పరిజ్ఞానంతో చేయగలిగితే ఎకరానికి రెండు నుంచి మూడు లక్షల వరకు సంపాదించే అవకాశం ఉంటుందన్నారు. రైతులు యూరియా వాడకం వీలైనంత వరకు తగ్గించాలన్నారు.

మన వ్యవసాయ శాఖ మంత్రి కూడా స్వయంగా రైతేనని, ఆయన పంట పొలాలలో యూరియా వినియోగించడం జరగదని, ఆర్గానిక్ ఫార్మింగ్‌తో మంచి లాభాలు ఉంటాయని అన్నారు. రసాయనాలతో పండించిన పంటలు తినడం వల్ల ప్రజలు అనేక రోగాల బారిన పడుతున్నారని అన్నారు. మనం తినే ఆహారం కలుషితం కావద్దని, నేడు రైతులకు వివిధ అంశాలపై అవగాహన కల్పించేందుకు ఆచార్య జయశంకర్ వ్యవసాయ విశ్వ విద్యాలయం నుండి వచ్చిన మేధావులు వచ్చారని, రైతులకు ప్రాక్టికల్ పరిజ్ఞానం అందించే దిశగా చర్యలు చేపట్టామన్నారు.

₹13,000 కోట్లతో ‘మష్రూమ్ మిషన్’! (MushroomMission)

Kiran Podishetty
-
0
₹13,000 కోట్లతో ‘మష్రూమ్ మిషన్’! (MushroomMission)

అమరావతి: ఆంధ్రప్రదేశ్‌ను దేశంలోనే అతిపెద్ద పుట్టగొడుగుల ఉత్పత్తిదారుగా నిలబెట్టేందుకు ముఖ్యమంత్రి ఎన్. చంద్రబాబు నాయుడు నేతృత్వంలోని ప్రభుత్వం భారీ ప్రణాళికను సిద్ధం చేసింది. సుమారు ₹13,000 కోట్ల పెట్టుబడితో దేశంలోనే మొట్టమొదటి ‘మష్రూమ్ మిషన్’ (MushroomMission) కు ఏపీ శ్రీకారం చుట్టబోతోంది.

లక్ష్యం: బీహార్‌ను అధిగమించి అగ్రస్థానానికి..

ప్రస్తుతం ఏడాదికి 45,000 టన్నుల ఉత్పత్తితో బీహార్ దేశంలో మొదటి స్థానంలో ఉంది. ఈ మిషన్ ద్వారా ఆంధ్రప్రదేశ్ తన వార్షిక ఉత్పత్తిని 67,500 టన్నులకు పెంచి, దేశంలోనే నంబర్ వన్ స్థానాన్ని కైవసం చేసుకోవాలని లక్ష్యంగా పెట్టుకుంది.

MushroomMission : కీలక అంశాలు:

  • భారీ సబ్సిడీ : మొత్తం ₹13,000 కోట్ల వ్యయంలో 40 శాతం అంటే దాదాపు ₹5,184 కోట్లను కేంద్ర, రాష్ట్ర ప్రభుత్వాలు సబ్సిడీ రూపంలో రైతులకు అందజేయనున్నాయి.
  • యూనిట్ల ఏర్పాటు: రాష్ట్రవ్యాప్తంగా 1.62 లక్షల పుట్టగొడుగుల సాగు మరియు వ్యాపార యూనిట్లను ఏర్పాటు చేయనున్నారు.
  • మహిళా సాధికారత: రాష్ట్రంలోని బలమైన స్వయం సహాయక బృందాల (SHG) నెట్‌వర్క్ ద్వారా గ్రామీణ మహిళలను ఈ సాగులో భాగస్వాములను చేయనున్నారు.
  • ప్రాధాన్యత రకాలు: మన వాతావరణానికి తట్టుకునే మిల్కీ మష్రూమ్, వరి గడ్డి మష్రూమ్ మరియు బటన్ మష్రూమ్ రకాల సాగుపై దృష్టి సారిస్తారు.

మార్కెటింగ్ మరియు ఎగుమతులు:

పుట్టగొడుగులను ‘వ్యవసాయ ఉత్పత్తులు’గా వర్గీకరించడం ద్వారా రైతులకు మరిన్ని వెసులుబాట్లు కల్పించనున్నారు. దేశీయ డిమాండ్‌తో పాటు గల్ఫ్ దేశాలకు ఎగుమతి చేయడం ద్వారా విదేశీ మారక ద్రవ్యాన్ని ఆర్జించేందుకు ఈ ప్రాజెక్ట్ దోహదపడనుంది.

Kharif Crop | రానున్న ఖరీఫ్‌లో ‘ఎల్ నినో’ ముప్పు

Kiran Podishetty
-
0
Kharif Crop | రానున్న ఖరీఫ్‌లో ‘ఎల్ నినో’ ముప్పు
  • మార్కెట్‌లో డిమాండ్ ఉన్న సన్న రకాలకే ప్రాధాన్యం
  • పప్పుధాన్యాలు, నూనెగింజల సాగు పెంచడమే లక్ష్యం
  • ఏకపంట విధానం వద్దు – భూసారాన్ని కాపాడుకుందాం
  • అధికారులతో మంత్రి తుమ్మల నాగేశ్వరరావు సమీక్ష

Kharif Crop Planning : రానున్న ఖరీఫ్ సీజన్‌లో వర్షపాత పరిస్థితులు, సాగు ప్రణాళికపై రాష్ట్ర వ్యవసాయ శాఖ మంత్రి తుమ్మల నాగేశ్వరరావు ఉన్నతస్థాయి సమీక్ష నిర్వహించారు. రాబోయే సీజన్‌లో ‘ఎల్ నినో’ ప్రభావంతో సాధారణం కంటే తక్కువ వర్షపాతం నమోదయ్యే అవకాశం ఉందన్న హెచ్చరికల నేపథ్యంలో, రైతులకు నష్టం కలగకుండా ముందస్తు చర్యలు చేపట్టాలని అధికారులను ఆదేశించారు.

మే 15లోగా సమగ్ర నివేదిక

వాతావరణ శాఖ నుండి మే 15వ తేదీ నాటికి పూర్తి స్థాయి నివేదికను తెప్పించుకోవాలని మంత్రి సూచించారు. వాతావరణ అంచనాలు మరియు ఆయా జిల్లాల వ్యవసాయ పరిస్థితులకు అనుగుణంగా జిల్లా వారీ సాగు ప్రణాళికలను (District-wise Crop Plans) సిద్ధం చేయాలని అధికారులకు దిశానిర్దేశం చేశారు.

మార్కెట్ డిమాండ్ ఉన్న ‘సన్నాల’కే ప్రాధాన్యం

ఓపెన్ మార్కెట్‌లో మంచి డిమాండ్ ఉన్న సన్న రకం వరి వంగడాలనే రైతులకు అందుబాటులోకి తీసుకురావాలని మంత్రి స్పష్టం చేశారు. దీనివల్ల రైతులకు కనీస మద్దతు ధర (MSP) కంటే అదనపు ఆదాయం లభించే అవకాశం ఉంటుందని ఆయన పేర్కొన్నారు.

పప్పుధాన్యాలు, నూనెగింజల సాగు పెరగాలి

గత కొన్నేళ్లుగా రాష్ట్రంలో పప్పుధాన్యాలు, చిరుధాన్యాలు, నూనెగింజలు, కూరగాయల సాగు గణనీయంగా తగ్గడంపై మంత్రి ఆందోళన వ్యక్తం చేశారు. నిత్యవసర పంటల కోసం ఇతర రాష్ట్రాలపై ఆధారపడకుండా తెలంగాణ స్వయం సమృద్ధి సాధించాలని పిలుపునిచ్చారు. విస్తీర్ణం: ఈ పంటల సాగు విస్తీర్ణాన్ని పెంచేందుకు ప్రత్యేక కార్యాచరణ రూపొందించాలని అధికారులను ఆదేశించారు.

ఏకపంట విధానం (Monocropping) వద్దు..

ఒకే రకమైన పంటను (ముఖ్యంగా వరి) పదే పదే వేయడం వల్ల భూసారం తగ్గిపోతోందని మంత్రి హెచ్చరించారు. వరి సాగు పెరగడం వల్ల యూరియా వినియోగం విపరీతంగా పెరుగుతోందని, దీనివల్ల భూమి ఆరోగ్యం దెబ్బతింటుందని పేర్కొన్నారు. కేంద్ర ప్రభుత్వం ఎరువుల ధరల మధ్య ఉన్న వ్యత్యాసాన్ని సరిచేయాలని, అప్పుడే రైతులు యూరియాపై అతిగా ఆధారపడకుండా ఉంటారని పునరుద్ఘాటించారు.

Kharif Crop : కొనుగోలు కేంద్రాలపై ముందస్తు అంచనా

వచ్చే సీజన్‌లో ధాన్యం సేకరణ అవసరాలను ఇప్పుడే అంచనా వేయాలని అధికారులకు సూచించారు. రైతులకు ఇష్టమైన, మార్కెట్‌లో డిమాండ్ ఉన్న విత్తనాలను సరఫరా చేయాలని ఆదేశించారు. మిల్లు యజమానులు, ఎఫ్‌సిఐ (FCI) అధికారులతో సమావేశమై, కొనుగోలు ప్రక్రియను ముందే సమన్వయం చేసుకోవాలని సూచించారు.

123...112Page 1 of 112
© Newspaper WordPress Theme by TagDiv