- హిల్ హోల్డ్ అసిస్ట్, బ్లూటూత్, టచ్స్క్రీన్ — అన్ని ఒక్క స్కూటర్లోనే
- ఒకే ఛార్జ్తో 153 కి.మీ ప్రయాణం — రోజువారీ రైడ్స్కి సరైన ఎంపిక
- మెటల్ బాడీ, స్మార్ట్ డిజైన్ — భద్రతా ప్రమాణాలకు కొత్త నిర్వచనం
Bajaj Chetak Models | ప్రముఖ ఆటోమొబైల్ దిగ్గజ సంస్థ బజాజ్ ఆటో ఈవీ రంగంలో దూసుకుపోతోంది. తన పాపులర్ మోడల్ చేతక్ ఎలక్ట్రిక్ సిరీస్ ఎలక్ట్రిక్ స్కూటర్ మార్కెట్లో మరో సరికొత్త మైలురాయిగా నిలుస్తోంది. ఆధునిక టెక్నాలజీ, ఎక్కువ రేంజ్, ప్రీమియం ఫీచర్లతో క్లాసిక్ చేతక్ ఇప్పుడు పూర్తి ఎలక్ట్రిక్ రూపంలో మరింత ఆకర్షణీయంగా మారింది.
కొత్త చేతక్ లైనప్
బజాజ్ తన 2025 ఎలక్ట్రిక్ లైనప్లో చేతక్ 3001, 3501, 3502, మరియు 3503 మోడళ్లను మార్కెట్లో ప్రవేశపెట్టింది. ఇవి అత్యాధునిక 3.5 kWh లిథియం-అయాన్ బ్యాటరీలు కలిగి ఉండి 153 కి.మీ వరకు రేంజ్ అందిస్తాయి. టచ్స్క్రీన్ డిస్ప్లే, బ్లూటూత్ కనెక్టివిటీ, హిల్ హోల్డ్ అసిస్ట్, కీలెస్ యాక్సెస్ వంటి స్మార్ట్ ఫీచర్లు ఇప్పుడు అన్ని మోడళ్లలో అందుబాటులో ఉన్నాయి.
మోడల్ వారీగా ధరలు, వివరాలు
| మోడల్ | బ్యాటరీ | రేంజ్ | గరిష్ఠ వేగం | ముఖ్య ఫీచర్లు | ధర |
|---|---|---|---|---|---|
| చేతక్ 3001 | 3.0 kWh | 127 కి.మీ | 63 కి.మీ/గం | హిల్ హోల్డ్ అసిస్ట్, రివర్స్ లైట్ | ₹1,11,938 |
| చేతక్ 3501 | 3.5 kWh | 153 కి.మీ | 73 కి.మీ/గం | TFT డిస్ప్లే, బ్లూటూత్, నావిగేషన్ | ₹1,39,189 |
| చేతక్ 3502 | 3.5 kWh | 153 కి.మీ | 73 కి.మీ/గం | TFT టచ్స్క్రీన్, TecPac, కీలెస్ యాక్సెస్ | ₹1,31,978 |
| చేతక్ 3503 | 3.5 kWh | 151 కి.మీ | 63 కి.మీ/గం | రంగుల LCD, స్మార్ట్ అలర్ట్స్ | ₹1,18,939 |
బ్యాటరీ, రేంజ్
ఈ సిరీస్లో కీలకమైన అంశమేంటంటే అప్గ్రేడ్ చేసిన 3.5 kWh లిథియం-అయాన్ బ్యాటరీని ఉపయోగించారు. ఇది ఇప్పుడు చేతక్ 3501 మరియు 3502 లకు ఒకే ఛార్జ్పై 153 కి. సర్టిఫైడ్ రేంజ్ ఇస్తుంది. స్టాండర్డ్ ఛార్జర్ని ఉపయోగించి స్కూటర్ను 80% ఛార్జ్ చేయడానికి దాదాపు 3 నుండి 3.5 గంటలు పడుతుంది, అయితే ఆప్షనల్ ఫాస్ట్ ఛార్జింగ్ ఆ సమయాన్ని మరింత తగ్గించవచ్చు.
చేతక్ గరిష్టంగా గంటకు 73 కి.మీ వేగాన్ని అందుకుంటంది. ఇది రోజువారీ ప్రయాణాలకు, చిన్న నగర ప్రయాణాలకు చక్కగా సరిపోతుంది. ఇందులో ఎకో, స్పోర్ట్ మోడ్లు ఉన్నాయి.
టెక్నాలజీ, స్పెసిఫికేషన్స్..
బజాజ్ కొత్త చేతక్ స్కూటర్ ఇప్పుడు 5.5-అంగుళాల రంగు TFT టచ్స్క్రీన్ డిస్ప్లేను కలిగి ఉంది. ఇది బ్లూటూత్ ద్వారా మీ ఫోన్తో కనెక్ట్ చేసినప్పుడు కాల్స్, మెసేజ్ అలర్ట్లను, నావిగేషన్, మూజిక్ కంట్రోల్స్ చేసుకోవచ్చు.
అధునాతన చేతక్ యాప్ రైడర్లకు వారి స్కూటర్ గురించి బ్యాటరీ స్టేటస్, లైవ్ లొకేషన్, యాంటీ-థెఫ్ట్ హెచ్చరికలు, రైడ్ గణాంకాలతో సహా రియల్-టైమ్ అప్డేట్లను అందిస్తుంది. కొన్ని వేరియంట్లలో టెక్ప్యాక్ సాఫ్ట్వేర్ సూట్ కూడా ఉంటుంది. ఇది హిల్ హోల్డ్ అసిస్ట్, ఓవర్-స్పీడ్ హెచ్చరికలు, సీక్వెన్షియల్ బ్లింకర్లు, కీలెస్ యాక్సెస్, హ్యాండ్స్-ఫ్రీ నియంత్రణ కోసం వాయిస్ కమాండ్లు వంటి లక్షణాలను కలిగి ఉంటుంది.
డిజైన్, భద్రత
మరే ఇతర స్కూటర్లలో లేని విధంగా బజాజ్ చేతక్ పూర్తి మెటల్ బాడీతో దృఢంగా ఉంటుంది. దీనిలో 35-లీటర్ అండర్-సీట్ స్టోరేజ్, 5-లీటర్ గ్లోవ్బాక్స్ హెల్మెట్లు, నిత్యావసరాలకు అవసరమైన స్థలాన్ని అందిస్తాయి.ఇక సస్పెన్షన్ విషయానికొస్తే టెలిస్కోపిక్ ఫ్రంట్ ఫోర్కులు, డ్యూయల్ రియర్ షాక్ అబ్జార్బర్లు ఉన్నాయి. ఇవి ఎగుడుదిగుడుగా ఉన్న రోడ్లపై సజావుగా ప్రయాణించేలా చేస్తాయి. ముందు డిస్క్, వెనుక డ్రమ్ బ్రేక్లు, యాంటీ-స్కిడ్ టైర్లు, సైడ్-స్టాండ్ కట్-ఆఫ్ ఫీచర్స్ను ఇందులో చూడచ్చు.
Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. అలాగే న్యూస్ అప్డేట్స్ కోసం గూగుల్ న్యూస్ (Google News), తోపాటు X , వాట్సప్ చానల్ లో జాయిన్ కండి..