New Delhi : ఢిల్లీ ప్రభుత్వం పాత డీజిల్, పెట్రోల్ వాహనాల వాడకంపై ఆంక్షలను ఎత్తివేసిన కొద్ది రోజులకే, నవంబర్ 1 నుంచి అటువంటి వాహనాలకు ఇంధనం అమ్మకాలపై కొత్త ఆదేశాలు ఇప్పుడు అమల్లోకి వచ్చాయి. ఇంధన నిషేధం దిల్లీలోనే కాకుండా జాతీయ రాజధాని ప్రాంతం (NCR)లోని ఐదు జిల్లాల్లో కూడా అమలు చేయనున్నారు. రాజధాని పరిసర ప్రాంతాలలో పెరుగుతున్న వాయు కాలుష్య స్థాయిలను అరికట్టేందుకు ప్రభుత్వం ఈ చర్యలు చేపట్టింది.
కొత్త నిబంధనల ప్రకారం, పెట్రోల్ పంపులు వీటికి ఇంధనాన్ని అందించవు:
- 10 సంవత్సరాల కంటే పాత డీజిల్ వాహనాలు
- 15 ఏళ్లు పైబడిన పెట్రోల్ వాహనాలు
నివేదికల ప్రకారం, ఢిల్లీ (New Delhi)లో వాహనం చెల్లుబాటు అయిపోయిన (EOL) వాహనాలపై ఇంధన నిషేధం అమలును కమిషన్ ఫర్ ఎయిర్ క్వాలిటీ మేనేజ్మెంట్ (CAQM) నవంబర్ 1 వరకు నిలిపివేసింది. ఈ విధానాన్ని అమలు చేయడంలో కార్యాచరణ గురించి ఢిల్లీ ప్రభుత్వం ఆందోళన వ్యక్తం చేసిన తర్వాత ఈ నిర్ణయం తీసుకుంది.
ఢిల్లీ ప్రభుత్వం రాసిన లేఖ అమలులో సవాళ్లను ఎత్తి చూపింది, ఆటోమేటెడ్ నంబర్ ప్లేట్ రికగ్నిషన్ (ANPR) వ్యవస్థలో “సాంకేతిక లోపాలు, కెమెరా ప్లేస్మెంట్, సెన్సార్లు, స్పీకర్ల పనితనం వంటి సమస్యలు ప్రస్తుతం ఎదురువుతున్నాయి. పొరుగున ఉన్న Delhi NCR రాష్ట్రాల డేటాబేస్తో ఈ వ్యవస్థ ఇంకా పూర్తిగా అనుసంధానించబడలేదని అధికారులుచెబుతున్నారు. ఢిల్లీ పర్యావరణ మంత్రి మంజిందర్ సింగ్ సిర్సా గతంలో CAQM ఆర్డర్లో “సవాళ్లు, అమలు లోపాలు” అని ఎత్తి చూపారు, ఈ ప్రక్రియ న్యాయంగా ఉండాలని పేర్కొన్నారు. చెల్లుబాటు పూర్తయిన వాహనాలపై ఇంధన నిషేధానికి సంబంధించిన కమిషన్ ఫర్ ఎయిర్ క్వాలిటీ మేనేజ్మెంట్ (CAQM) ఆదేశాలను అమలు చేయడంలో కార్యాచరణ మౌలిక సదుపాయాల సవాళ్లు ఉన్నాయని ఢిల్లీ మంత్రి అన్నారు.
ఈ నిర్ణయం లక్షలాది కుటుంబాల దైనందిన జీవితాలు, జీవనోపాధికి సంబంధించినదని పేర్కొంటూ, ఢిల్లీ ప్రభుత్వం CAQM తన ఆదేశాల అమలును నిలిపివేయాలని కోరింది. పునఃపరిశీలన అవసరం ఉందని ముఖ్యమంత్రి రేఖ గుప్తా అన్నారు. జూలై 1 నుండి దిల్లీలోని ఇంధన స్టేషన్లలో 10 సంవత్సరాల కంటే పాత డీజిల్ వాహనాలు, 15 సంవత్సరాల కంటే పాత పెట్రోల్ వాహనాలకు ఇంధనం అందించబోరని CAQM ఆదేశాలు జారీ చేసింది. ఢిల్లీలోని ఇంధన స్టేషన్లలో ఏర్పాటు చేసిన ఆటోమేటిక్ నంబర్ ప్లేట్ రికగ్నిషన్ (ANPR) కెమెరాల ద్వారా గుర్తించబడిన అన్ని ఎండ్-ఆఫ్-లైఫ్ (EoL) వాహనాలకు ఇంధనం నింపడానికి అనుమతి లేదని ఆ ఆదేశం పేర్కొంది. CAQM అధికారిక ప్రకటన ప్రకారం, నవంబర్ 1 వరకు EOL వాహనాలు పంపుల నుండి ఇంధనాన్ని స్వీకరించడానికి వీలుగా డైరెక్షన్ 89 సవరించబడుతుంది.
హరితమిత్ర వెబ్ సైట్ పర్యావరణం, సేంద్రియ వ్యవసాయం, గ్రీన్ మొబిలిటీ, సోలార్ ఎనర్జీ (Solar Energy) కి సంబంధించిన తాజా వార్తలను అందిస్తుంది. సరికొత్త వార్తలను కోసం మా గూగుల్ న్యూస్ (Google News), తోపాటు ట్విట్టర్(X) , వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..