Hyderabad : గ్రీన్ ఇండియా ఛాలెంజ్ (జిఐసి) ఎనిమిదో ఎడిషన్‌ను జీఐసీ వ్యవస్థాపకుడు, మాజీ ఎంపీ జోగినపల్లి సంతోష్ కుమార్ ఆదివారం ప్రారంభించారు. కీసరగుట్ట (Keesaragutta ) లోని రామలింగేశ్వర స్వామి ఆలయం ఆవరణంలోమొక్కలు నాటడం ద్వారా మాజీ ఎంపీ ఈ కార్యక్రమాన్ని లాంఛనంగా ప్రారంభించారు. ఆయనతో పాటు మాజీ మంత్రి మల్లారెడ్డి కూడా పాల్గొన్నారు . వారు కొత్త ఎడిషన్ లోగోను కూడా ఆవిష్కరించారు. నా జీవితాంతం కొనసాగించాలనే ఉద్దేశ్యంతోనే నేను గ్రీన్ ఇండియా ఛాలెంజ్‌ను ప్రారంభించాను” అని సంతోష్ కుమార్ పేర్కొన్నారు,
ఏడు సంవత్సరాలుగా ఎంతో ఉత్సాహంగా సాగిన GIC (Green India Challenge), తన ఎనిమిదవ ఎడిషన్‌ను రెట్టించిన ఉత్సాహంతో ప్రారంభించింది. మొదట్లో ఒక వ్యక్తి మూడు మొక్కలు నాటడం.. మరో ముగ్గురు దానిని పునరావృతం చేయడానికి గాను సవాలు చేయడంతో ప్రారంభమైన ఈ కార్యక్రమం ఒక హరిత ఉద్యమంగా మారిపోయింది. ఫలితంగా 20 కోట్లకు పైగా మొక్కలు నాటారు. కొన్నేళ్లుగా సాధారణ పౌరులు, సినీ ప్రముఖులు, కవులు, కళాకారులు, విభిన్న రాజకీయ నేపథ్యాల నుండి వచ్చిన వ్యక్తులతో సహా అన్ని వర్గాల ప్రజలు ఈ కార్యక్రమంలో పాల్గొన్నారు.
ఈ సందర్భంగా సంతోష్ కుమార్ మాట్లాడుతూ, ఈ చొరవ BRS చీఫ్ కల్వకుంట్ల చంద్రశేఖర్ రావు నుండి ప్రేరణ పొందిందని, దానికి తన జీవితకాల నిబద్ధతను పునరుద్ఘాటించారని అన్నారు. కీసర అడవిని మరింత అభివృద్ధి చేయడానికి తాను దత్తత తీసుకున్నట్లు ప్రకటించారు.
“ప్రతి ఒక్కరూ పుట్టినరోజులు, వివాహ వార్షికోత్సవాలు లేదా పెద్దల జ్ఞాపకార్థం మూడు మొక్కలు నాటాలి. దీనిని ముందుకు తీసుకెళ్లడంలో సహాయపడాలి” అని సంతోష్ కుమార్ విజ్ఞప్తి చేశారు.
మాజీ మంత్రి మల్లారెడ్డి మాట్లాడుతూ.. సంతోష్ కుమార్ హరితహారం, గ్రీన్ ఇండియా ఛాలెంజ్‌లకు పర్యాయపదమని అన్నారు. “పచ్చని చెట్లను చూడటం అపారమైన ఆనందాన్ని ఇస్తుంది” అని ఆయన వ్యాఖ్యానిస్తూ, ఈ చొరవ ఏడు సంవత్సరాలు పూర్తి చేసుకుని ఎనిమిదవ సంవత్సరంలోకి అడుగుపెడుతున్న సందర్భంగా శుభాకాంక్షలు తెలిపారు. గ్రీన్ ఇండియా ఛాలెంజ్ సంవత్సరాలుగా ప్రపంచవ్యాప్తంగా ప్రశంసలు పొందిందని ఆయన పేర్కొన్నారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.