Table of Contents

త్వ‌ర‌లో LML Electric Scooter

ఒకప్పుడు ద్విచ‌క్ర‌వాహ‌న రంగంలో ఒక వెలుగు వెలిగిన LML Scooter ఇప్పుడు మ‌ళ్లీ మ‌న ముందుకురాబోతోంది. త్వ‌ర‌లోనే
తన మొదటి ఎలక్ట్రిక్ స్కూటర్‌ను విడుదల చేయనున్న‌ట్లు కంపెనీ ప్ర‌క‌టించింది. కొన్ని ద‌శాబ్దాల క్రితం అత్యంత ప్ర‌జాద‌ర‌ణ పొందిన స్కూట‌ర్ల‌లో బ‌జాజ్ చేత‌క్, ఎల్ఎంఎల్ స్కూట‌ర్లు ముందు వరుస‌లో ఉంటాయి. ఇందులో బ‌జాజ్ చేత‌క్ ఇప్ప‌టికే ఎల‌క్ట్రిక్ వేరియంట్‌లోకి తిరిగిరాగా ఇప్పుడు LML ఎల‌క్ట్రిక్ వాహ‌న విప‌ణిలోకి వస్తోంది. అయితే ఉత్పత్తి ఇంకా ఎప్పుడు ఆవిష్కరించబడుతుందనే వివ‌రాల‌ను వెల్ల‌డించ‌లేదు.

పెట్టుబ‌డుల స‌మీక‌ర‌ణ‌

ఉత్త‌ర ప్ర‌దేశ్ కాన్పూర్‌కు చెందిన LML కంపెనీ తిరిగి మార్కెట్‌లో కనిపించడానికి అడుగులు వేస్తోది. ఇందుకోసం కంపెనీ పెద్ద మొత్తంలో పెట్టుబడులను స‌మీక‌రిస్తోంది. EV మార్కెట్లో LML ని ప్రవేశపెట్టడానికి వివిధ టెక్నాలజీ కంపెనీల నుండి నిర్వహణ ప్రతిపాదనను కూడా సేక‌రించింది.
LML పున‌రాగ‌మ‌నంపై MD & CEO డాక్టర్ యోగేష్ భాటియా మాట్లాడుతూ.. ఈవీ రంగంలోకి ప్ర‌వేశించ‌డానికి తాము ఎంతో సంతోషిస్తున్న‌ట్లు తెలిపారు. అర్బ‌న్ మొబిలిటీలో సుస్థిర స్థానాన్ని పొందేందుకు అత్యుత్తమ సాంకేతికతతో కూడిన వినూత్నమైన ఉత్పత్తిని పరిచయం చేయడానికి చురుకుగా కృషి చేస్తున్నామ‌ని తెలిపారు.

LML Scooter గురించి..

ఉత్త‌ర‌ప్ర‌దేశ్‌లోని కాన్పూర్‌కు చెందిన‌ LML (లోమియా మెషినరీస్ లిమిటెడ్‌) 1972 లో ప్రారంభ‌మైంది.

ఈ కంపెనీ పెట్రోల్ స్కూట‌ర్లు, మోటార్‌సైకిళ్లు మరియు మోపెడ్‌లతో పాటు విడిభాగాలు, ఉపకరణాలను త‌యారు చేసింది. 1983 సంవత్సరంలో కంపెనీ ఇటలీలోని పియాజియో వెస్పాతో కలిసి 100 సిసి స్కూటర్లను త‌యారు చేసింది. ఆ కంపెనీతో అనేక లైసెన్సింగ్ ఒప్పందాలను కుదుర్చుకుంది.

1984 సంవత్సరంలో కంపెనీ వార్షికంగా 200000 స్కూటర్లు, 50000 మూడు చక్రాల వాహనాలను తయారు చేయడానికి వెస్పా కార్ కంపెనీ లిమిటెడ్ పేరుతో కంపెనీని విలీనం చేసింది.
2009 సంవత్సరం LML 4 స్ట్రోక్ స్కూటర్‌ని విడుదల చేసింది. ఇది 2 స్ట్రోక్ కౌంటర్‌పార్ట్‌తో సమానంగా ఉంటుంది. కానీ 4 స్ట్రోక్ ఇంజిన్‌తో విభిన్న అంతర్గత మెకానిజం కలిగి ఉంది.

2013 సంవత్సరంలో, LML కమ్యూటర్ కేటగిరీలో 110 cc బైకు అయిన LML ఫ్రీడమ్ DX ని తిరిగి ప్రారంభించింది. 2016లో LML స్టార్ 125 లైట్ ఆటోమేటిక్ వెర్షన్‌ను చిన్న ఫ్రేమ్‌పై విడుదల చేసింది. ఇది ఆటోమేటిక్ యొక్క 150 సిసి వేరియంట్‌ను స్టార్ యూరో 150 గా కూడా ప్రారంభించింది. స్టార్ యూరో 200 నాలుగు స్ట్రోక్ యొక్క గేర్డ్ వెర్షన్ కూడా లాంచ్ చేయబడింది. అలాగే 2016 లో LML తన మూడు చక్రాల వాహనాన్ని LML బడ్డీని విడుదల చేసింది.

LML 2 జూన్ 2017 న దివాలా ప్రకటన జారీ చేసింది. ఆగష్టు 2020 నాటికి ఫ్యాక్టరీ పూర్తిగా కూల్చివేయబడింది. విడిభాగాలు, యంత్రాలు మరియు స్కూటర్లు స్క్రాప్ చేయబడ్డాయి. టూలింగ్‌లు పాక్షికంగా జర్మనీకి చెందిన SIP స్కూటర్ దుకాణానికి విక్రయించబడ్డాయి.