మే 2023లో Ola Electric ఘనత
పెరిగిన S1, S1 ప్రో వాహనాల ధరలు
బెంగళూరుకు చెందిన ఎలక్ట్రిక్ టూ వీలర్ స్టార్టప్ ఓలా ఎలక్ట్రిక్ (Ola Electric) మే 2023 నెలలో తన విక్రయాల గణాంకాలను వెల్లడించింది. గత నెలలో 35,000 ఎలక్ట్రిక్ స్కూటర్లను విక్రయించినట్లు కంపెనీ పేర్కొంది. ఇది 303 శాతం వృద్ధిని నమోదు చేసింది. గతేడాది ఇదే కాలంలో ఓలా ఈవీ కేవలం 8,681 యూనిట్లను మాత్రమే విక్రయించింది.
303శాతం వృద్ధి
మే 2023లో 35,000కు పైగా ఎలక్ట్రిక్ స్కూటర్లను విక్రయించినట్లు ఓలా ఎలక్ట్రిక్ పేర్కొంది, అమ్మకాలలో 303 శాతం , 16.6 శాతం MoM వృద్ధిని నమోదు చేసింది. మే 2022లో, దాని అమ్మకాలు 8,681 యూనిట్లుగా ఉండగా, ఈ ఏడాది ఏప్రిల్లో కంపెనీ 30,000 యూనిట్లకు పైగా విక్రయించింది. Ola ఇటీవల భారతదేశంలో తన 500వ ఎక్స్ పీరియన్స్ సెంటర్ను ప్రారంభించింది. ఈ సంవత్సరం ఆగస్టు నాటికి 1,000 రిటైల్ అవుట్లెట్లను ఏర్పాటు చేయాలని లక్ష్యంగా పెట్టుకుంది.
పెరిగిన Ola S1, S1 Pro ధరలు
FAME 2 సబ్సిడీలలో సవరణల నేపథ్యంలో Ola Electric S1 అలాగే ఓలా S1 ప్రో ధరలను రూ. 15,000 పెంచింది . అయితే, ఎంట్రీ-లెవల్ S1 ఎయిర్ ధరలు మారవు. Ola S1 ఎయిర్ సిరీస్ ధర ప్రస్తుతం రూ. 84,999 నుండి రూ. 1.10 లక్షల వరకు ఉంది. S1 ధర రూ. 1.30 లక్షలు. టాప్-స్పెక్ S1 ప్రో ధర రూ. 1.40 లక్షలుగా ఉంది.
కంపెనీ ఏం చెబుతోంది..?
Ole Electric Scooters పనితీరుపై ఓలా ఎలక్ట్రిక్ వ్యవస్థాపకుడు/ CEO భవిష్ అగర్వాల్ మాట్లాడుతూ “నెల తర్వాత మా అమ్మకాలు విపరీతమైన వృద్ధిని సాధించాయి. Ola భారతదేశంలో EV విప్లవానికి స్థిరంగా నాయకత్వం వహిస్తోంది. ఈ విశేషమైన ఫీట్ మా బ్రాండ్పై అచంచలమైన కస్టమర్ విశ్వాసాన్ని ప్రతిబింబించడమే కాకుండా దేశంలో సాంకేతికంగా అభివృద్ధి చెందిన EVల కోసం పెరుగుతున్న డిమాండ్ ను కూడా సూచిస్తుంది’ అని పేర్కొన్నారు
Electric Vehicles అప్డేట్ల కోసం హరితమిత్రను చూస్తూ ఉండండి, తాజా తెలుగు వార్తల కోసం మా వందేభారత్ వెబ్ సైట్,
టెక్ వార్తల కోసం టెక్ ఈనాడును సందర్శించండి
