Union Budget 2026 : : కేంద్ర బడ్జెట్ 2026-27 విడుదలకు సమయం దగ్గర పడుతోంది. ఆర్థిక మంత్రి నిర్మలా సీతారామన్ ఈసారి ఎలక్ట్రిక్ వాహనాల స్వీకరణను వేగవంతం చేసేలా విప్లవాత్మక చర్యలు తీసుకుంటారని పరిశ్రమ వర్గాలు ఎంతో ఆశగా ఎదురుచూస్తున్నాయి. భారతదేశాన్ని గ్లోబల్ EV హబ్‌గా మార్చే దిశగా వ‌చ్చే బడ్జెట్ కీలకం కానుంది. ప్రముఖ విశ్లేషణ సంస్థ ‘డెలాయిట్ ఇండియా’ ప్రకారం, ఈసారి బడ్జెట్‌లో ప్రభుత్వం ప్రధానంగా దేశీయ తయారీ, ఆవిష్కరణలు, దిగుమతుల తగ్గింపుపై దృష్టి సారించనుంది.

PLI పథకంలో మార్పులు: స్టార్టప్‌లకు ఊతం

ప్రస్తుతం ఉన్న ఉత్పత్తి అనుసంధానిత ప్రోత్సాహక పథకం (PLI) నిబంధనలు కఠినంగా ఉండటం వల్ల చాలా చిన్న కంపెనీలు, స్టార్టప్‌లు ప్రయోజనం పొందలేకపోతున్నాయి.

అయితే పెట్టుబడి పరిమితులను తగ్గించడం, దేశీయ విలువ జోడింపు నిబంధనలను సరళీకరించడం వంటి చ‌ర్య‌లుచే ప‌ట్టాల‌ని ప‌రిశ్ర‌మ‌లు కోరుకుంటున్నాయి. దీనివల్ల మరిన్ని స్వదేశీ కంపెనీలు సబ్సిడీలను పొందగలుగుతాయి.

2.R&D, కీలక భాగాల స్థానికీకరణ

బ్యాటరీలు, పవర్ ఎలక్ట్రిక్స్‌, మోటార్ల తయారీలో మనం ఇప్పటికీ దిగుమతులపైనే ఆధారపడుతున్నాం. బడ్జెట్ అంచనా: పరిశోధన, అభివృద్ధి (R&D) చేసే కంపెనీలకు పన్ను మినహాయింపులు ఇవ్వడం. దీనివల్ల స్వదేశీ సాంకేతికత పెరుగుతుంది. ముడి చమురు దిగుమతి బిల్లు తగ్గి, విదేశీ మారకద్రవ్యం ఆదా అవుతుంది.

3.GST హేతుబద్ధీకరణ, పన్ను ఉపశమనం

జీఎస్టీ 2.0 సంస్కరణల తర్వాత రేట్ల తగ్గింపుపై పరిమితులు ఉన్నప్పటికీ, ఇన్‌పుట్ టాక్స్ క్రెడిట్ విషయంలో ఉపశమనం లభిస్తుందని రంగం ఆశిస్తోంది. మూలధన వస్తువులు, సేవలపై చెల్లించిన పన్నులను వాపసు (Refunds) చేయడం వల్ల వాహనాల ధరలు తగ్గే అవకాశం ఉంది. ఇది సామాన్యులకు EVలు మరింత అందుబాటులోకి రావడానికి సహాయపడుతుంది.

4.మూలధన వస్తువుల తయారీకి ప్రోత్సాహం

EV తయారీకి అవసరమైన భారీ యంత్రాలు (Capital Goods) ప్రస్తుతం విదేశాల నుండి వస్తున్నాయి. దేశీయంగా ఈ యంత్రాల తయారీని ప్రోత్సహించేందుకు ప్రత్యేక పథకాన్ని ప్రవేశపెట్టడం. దీనివల్ల మొత్తం EV వాల్యూ చైన్ బలపడుతుంది.

5.సులభతరమైన కస్టమ్స్ విధానాలు

విదేశీ కంపెనీలతో అనుబంధం ఉన్న సంస్థలు (Related Parties) విడిభాగాలను దిగుమతి చేసుకునేటప్పుడు స్పెషల్ వాల్యుయేషన్ బ్రాంచ్ (SVB) నిబంధనలు అడ్డంకిగా మారుతున్నాయి. వీటిని సరళీకరిస్తే సప్లై చైన్ వేగవంతం అవుతుంది.

ముగింపు: క్లీన్ ఎనర్జీ దిశగా అడుగులు

కేవలం కార్బన్ పన్నుల ద్వారా కాకుండా, CAFE (Corporate Average Fuel Efficiency) నిబంధనల ద్వారా ఆటోమొబైల్ రంగాన్ని విద్యుదీకరణ వైపు నడిపించాలని ప్రభుత్వం భావిస్తోంది. ఈ బడ్జెట్‌లో సరైన ప్రోత్సాహకాలు అందితే, భారతదేశం శిలాజ ఇంధనాలపై ఆధారపడటాన్ని తగ్గించుకుని, స్వచ్ఛమైన ఇంధన భవిష్యత్తు వైపు దూసుకెళ్తుంది.

Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. న్యూస్ అప్డేట్స్ కోసం గూగుల్ న్యూస్ (Google News), తోపాటు X , వాట్సప్ చానల్ లో జాయిన్ కండి..