Kiran Podishetty Highest Range Electric Auto | పుణేకు చెందిన ప్రముఖ వాహన తయారీ సంస్థ బజాజ్ ఆటో లిమిటెడ్ (Bajaj Auto Ltd) ఎలక్ట్రిక్ వాహన రంగంలో సరికొత్త రికార్డు సృష్టించింది. ఫిబ్రవరి 9, 2026న తన నూతన ఎలక్ట్రిక్ త్రీ-వీలర్ ‘WEGO P9018’ను మార్కెట్లోకి విడుదల చేస్తున్నట్లు ప్రకటించింది. పర్యావరణ హితమైన ప్రయాణాన్ని ప్రోత్సహించడమే లక్ష్యంగా రూపొందించిన ఈ వాహనం, భారతదేశంలోనే అత్యధిక రేంజ్ ఇచ్చే ఎలక్ట్రిక్ త్రీ-వీలర్గా చరిత్ర సృష్టించింది.
WEGO P9018: టాప్ టెక్నికల్ ఫీచర్లు
ఈ వాహనం కేవలం రేంజ్ మాత్రమే కాకుండా, అత్యాధునిక టెక్నాలజీతో రూపొందించారు.
అతిపెద్ద బ్యాటరీ: ఇందులో 17.7 kWh బ్యాటరీ ప్యాక్ ఉంది, ఇది ఈ సెగ్మెంట్లో దేశంలోనే అత్యధికం(Highest Range Electric Auto).
సర్టిఫైడ్ రేంజ్: ఒక్కసారి ఛార్జ్ చేస్తే ఏకంగా 296 కిలోమీటర్ల దూరం(సర్టిఫైడ్ రేంజ్) ప్రయాణిస్తుంది.
పవర్ ఫుల్ పర్ఫార్మెన్స్: ఇందులో టూ-స్పీడ్ ట్రాన్స్మిషన్, 36% గ్రేడబిలిటీ ఉంది. దీనివల్ల కొండ ప్రాంతాలు, ఎత్తైన వంతెనలపై వాహనం సులభంగా వెళ్తుంది.
స్మార్ట్ టెక్నాలజీ: అప్గ్రేడ్ చేసిన బ్యాటరీ మేనేజ్మెంట్ సిస్టమ్ (BMS), రిజనరేటివ్ బ్రేకింగ్ సిస్టమ్ వల్ల బ్యాటరీ సామర్థ్యం మెరుగ్గా ఉంటుంది.
బజాజ్ WEGO P9018 టెక్నికల్ స్పెసిఫికేషన్స్
| ఫీచర్ | వివరాలు |
| మోడల్ పేరు | బజాజ్ WEGO P9018 |
| బ్యాటరీ సామర్థ్యం | 17.7 kWh (లిథియం-అయాన్) |
| సర్టిఫైడ్ రేంజ్ | 296 కిలోమీటర్లు (సింగిల్ ఛార్జ్పై) Highest Range Electric Auto |
| గరిష్ట వాలు సామర్థ్యం (Gradeability) | 36% |
| ట్రాన్స్మిషన్ | 2-స్పీడ్ గేర్ బాక్స్ |
| టెక్నాలజీ | అప్గ్రేడ్ చేసిన BMS & రిజనరేటివ్ బ్రేకింగ్ |
| వారంటీ | 5 సంవత్సరాలు |
| ధర (ఎక్స్-షోరూమ్) | ₹4,41,247 |
| లక్షిత మార్కెట్ | పట్టణ, సెమీ-అర్బన్, గ్రామీణ ప్రాంతాలు |
వ్యాపార వినియోగదారులకు లాభదాయకం
బజాజ్ ఆటో ఇంట్రా-సిటీ బిజినెస్ యూనిట్ ప్రెసిడెంట్ సమర్దీప్ సుబంధ్ మాట్లాడుతూ.. పట్టణ, గ్రామీణ ప్రాంతాల్లో ప్రయాణికుల సామాగ్రిని మోసే సామర్థ్యం, ఎక్కువ దూరం ప్రయాణించే వెసులుబాటు కావాలనుకునే ఆపరేటర్ల కోసం దీనిని ఈ ఆటోను డిజైన్ చేసినట్లు తెలిపారు. ఈ వాహనంపై కంపెనీ 5 ఏళ్ల వారంటీని కూడా అందిస్తోంది.
ధర, లభ్యత
బజాజ్ WEGO P9018 ఎక్స్-షోరూమ్ ధర (పాన్-ఇండియా) ₹4,41,247 గా నిర్ణయించబడింది. ప్రపంచవ్యాప్తంగా ₹2 ట్రిలియన్ల మార్కెట్ క్యాపిటలైజేషన్ సాధించిన తొలి ద్విచక్ర వాహన సంస్థగా బజాజ్ ఇప్పటికే గుర్తింపు సాధించింది. ఇప్పుడు ఈ కొత్త లాంచ్తో ఎలక్ట్రిక్ విభాగంలోనూ తన ఆధిపత్యాన్ని చాటుకుంటోంది.
“మీరు మీ పాత డీజిల్ లేదా పెట్రోల్ ఆటోను మార్చాలనుకుంటున్నారా? మీ అభిప్రాయాన్ని కామెంట్ చేయండి”
మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. న్యూస్ అప్డేట్స్ కోసం X , ఫేస్బుక్ పేజీ, వాట్సప్ చానల్ లో జాయిన్ కండి..
