జాతీయ ఉద్యానవన మిషన్ (NHM): పండ్లు, పూల సాగుపై భారీ సబ్సిడీలు.. రైతులకు లాభాల పంట!
National Horticulture Mission Subsidy | సంప్రదాయ వ్యవసాయం కంటే లాభసాటిగా ఉండే ఉద్యానవన పంటల వైపు రైతులను ప్రోత్సహించేందుకు కేంద్ర ప్రభుత్వం జాతీయ ఉద్యానవన మిషన్ (National Horticulture Mission) ద్వారా భారీగా ఆర్థిక సహాయం అందిస్తోంది. ఆధునిక వ్యవసాయ పద్ధతుల ద్వారా రైతుల ఆదాయాన్ని పెంచడమే ఈ పథకం ప్రధాన లక్ష్యం. ఈ పథకం ద్వారా ఉద్యానవన సాగుపై ఆసక్తి ఉన్న రైతులకు శిక్షణ, సాంకేతిక మార్గనిర్దేశం, ఆర్థిక సహాయం అందిస్తున్నారు. ఇటీవలి కాలంలో ఉద్యానవన పంటలపై రైతుల్లో ఆసక్తి పెరిగింది. చాలా మంది రైతులు పండ్లు, కూరగాయలు, పూలు, సుగంధ పంటల ద్వారా మంచి ఆదాయం సంపాదిస్తున్నారు.
ఈ నేపథ్యంలో NHM పథకం రైతులకు ఒక కీలక అవకాశంగా మారింది. ఈ పథకానికి సంబంధించిన పూర్తి వివరాలు ఇక్కడ తెలుసుకుందాం.
జాతీయ ఉద్యానవన మిషన్ అంటే ఏమిటి?
ఉద్యానవన సాగుపై ఆసక్తి ఉన్న రైతులకు సమాచారం, శిక్షణ అందించేందుకు పదవ పంచవర్ష ప్రణాళిక (2005–06) కింద జాతీయ ఉద్యానవన మిషన్ను ప్రారంభించారు. ఉద్యానవన పంటల ఉత్పాదకతను పెంచడం, స్థిరమైన అభివృద్ధిని సాధించడం ఈ పథకంలోని ప్రధాన లక్ష్యాలు.
పథకం ప్రధాన ఉద్దేశ్యాలు
ఈ పథకం ద్వారా రైతులకు మెరుగైన ఆదాయ వనరులు కల్పించడం, వ్యవసాయ ఉత్పత్తుల నాణ్యతను మెరుగుపరచడం లక్ష్యంగా పెట్టుకున్నారు. సంప్రదాయ వ్యవసాయానికి బదులుగా, రైతులను ఆధునిక ఉద్యానవన సాగు వైపు ఆకర్షించడమే ఈ పథకం ఉద్దేశ్యం. కేంద్ర ప్రభుత్వ ఈ పథకం కింద రైతులకు అధిక ఆదాయం ఇచ్చే కూరగాయలు, పండ్లు, పూలు, సుగంధ ద్రవ్యాలు సాగు చేయడానికి ప్రోత్సాహం అందిస్తోంది. దీని ఫలితంగా రైతుల ఆదాయం పెరిగి, గ్రామీణ ఆర్థిక వ్యవస్థ బలోపేతం అవుతోంది.
ఆర్థిక సహాయం – ఎంత వరకు లభిస్తుంది?
జాతీయ ఉద్యానవన మిషన్ కింద రైతులకు ఈ క్రింది మౌలిక వసతుల కోసం ఆర్థిక సహాయం అందించబడుతుంది.
- నీటిపారుదల వ్యవస్థలు
- పాలీహౌస్లు, నెట్ హౌస్లు
- నిల్వ గిడ్డంగులు
- కంచె (ఫెన్సింగ్)
- డ్రైయింగ్ షెడ్లు
ఈ పథకం కింద కేంద్ర ప్రభుత్వం 85 శాతం ఆర్థిక సహాయం అందిస్తుంది
సబ్సిడీలు ఎవరెవరికి?
SC/ST రైతులకు ఏకంగా 90 శాతం వరకు సబ్సిడీ లభిస్తుంది. ఇక చిన్న, అతి చిన్న & ఇతర రైతులకు: 50 శాతం వరకు ఆర్థిక సహాయం అందుతుంది. కనీసం అర ఎకరం నుండి గరిష్టంగా 5 ఎకరాల వరకు సబ్సిడీ పొందే అవకాశం ఉంది.
సబ్సిడీ లభించే ప్రధాన పంటలు:
పండ్లు: మామిడి, సపోటా, జామ, సిట్రస్, పైనాపిల్, బొప్పాయి, అరటి. మామిడి, సపోటా, అరటి వంటి శాశ్వత పంటలకు సబ్సిడీ లభిస్తుంది.
పూలు & ప్రత్యేక పంటలు : మైసూర్ జాస్మిన్, ఉడిపి జాస్మిన్, హడగలి జాస్మిన్, గులాబీ, తమలపాకు, ముత్తుగుల్ల వంకాయ, కొడగు నారింజ, దేవనహళ్లి చకోట వంటి భౌగోళిక గుర్తింపు పొందిన పంటలకు కూడా మద్దతు ఉంది.
ఔషధ మొక్కలు: అశ్వగంధ, తులసి, కలబంద, సర్పగంధ వంటి మొక్కలకు 20% నుండి 75% వరకు సబ్సిడీ.
ఇతరాలు: సుగంధ ద్రవ్యాలు, రూట్ & దుంప పంటలు, పుట్టగొడుగులు, కొబ్బరి, జీడిపప్పు, కోకో పంటలకు సబ్సిడీలు అందిస్తారు.
మౌలిక సదుపాయాలకు కూడా సాయం: కేవలం సాగుకే కాకుండా, రైతులకు అవసరమైన ఇతర వసతులకు కూడా ప్రభుత్వం చేయూతనిస్తోంది:
- నర్సరీల నిర్మాణానికి: 50% సబ్సిడీ.
- గిడ్డంగి (Warehouse) నిర్మాణానికి: 50% నుండి 100% సబ్సిడీ.
- ప్రాసెసింగ్ ప్లాంట్లు: 25% సబ్సిడీ.
- పాలీహౌస్లు, నెట్ హౌస్లు, నీటిపారుదల మరియు కంచె ఏర్పాటుకు ఆర్థిక సహాయం.
20% సబ్సిడీ: కలబంద, తులసి, ఆమ్లా, స్టెవియా, శాతవరి, బ్రాహ్మి, సఫేద్ మస్లి, గుడ్మార్, అశ్వగంధ
50% సబ్సిడీ: బెల్, సర్పగంధ, చిత్రక్, కలిహరి
75% సబ్సిడీ: గుగ్గుల పంట
పథకం అమలు విధానం
ఈ పథకం ఈశాన్య, హిమాలయ రాష్ట్రాలు మినహా దేశంలోని అన్ని రాష్ట్రాలు, కేంద్రపాలిత ప్రాంతాల్లో అమలవుతోంది.
సాగు విస్తీర్ణం: కనీసం 5 హెక్టార్లు – గరిష్టంగా 40 హెక్టార్లు ఉండాలి.
వ్యక్తిగత రైతులకు: కనీసం అర ఎకరం – గరిష్టంగా 5 ఎకరాలు.
SC / ST రైతులకు: 90% సబ్సిడీ
చిన్న & అతి చిన్న రైతులు, సాధారణ రైతులకు: 50% సబ్సిడీ, ప్రాసెసింగ్ ప్లాంట్లు, నర్సరీలు, డ్రైయింగ్ షెడ్లు, గిడ్డంగుల నిర్మాణానికి 25% నుంచి 100% వరకు సబ్సిడీ లభిస్తుంది.
అర్హులు ఎవరు?
- వ్యక్తిగత రైతులు
- రైతు సంఘాలు, రైతు ఉత్పత్తిదారుల సంఘాలు (FPOs)
- స్వయం సహాయక బృందాలు (SHGs)
- ఎన్జీఓలు
- ప్రైవేట్, ప్రభుత్వ సంస్థలు
- ఔషధ మొక్కల రంగంలోని ఇతర వాటాదారులు
అర్హత ఎవరికి? : రైతులు మాత్రమే కాకుండా, రైతు సంఘాలు, స్వయం సహాయక బృందాలు (SHGs), కార్పొరేట్ కంపెనీలు, ప్రైవేట్ సంస్థలు కూడా ఈ పథకం కింద దరఖాస్తు చేసుకోవచ్చు.
దరఖాస్తు విధానం (Step-by-Step):
- అధికారిక వెబ్సైట్ nhb.gov.in సందర్శించండి.
- హోమ్పేజీలో ‘Schemes Guide’ పై క్లిక్ చేయండి.
- NHM (National Horticulture Mission) బాక్స్ను ఎంచుకోండి.
- మీ పేరు, తండ్రి పేరు, ఐడి నంబర్ వంటి వివరాలతో దరఖాస్తు ఫారమ్ నింపండి.
- అవసరమైన భూమి పత్రాలు, ఆధార్ కార్డులను జత చేసి సబ్మిట్ చేయండి.
🌱 పర్యావరణ వార్తలు వెంటనే తెలుసుకోండి!
Green Mobility, Solar, EV, Environment కి సంబంధించిన తాజా వార్తలు కోసం Harithamitra ను Follow అవ్వండి.
♻️ Harithamitra – పర్యావరణానికి మీ డిజిటల్ మిత్రుడు
