Snake Fruit farming Telugu | ప్రకృతిలో లభించే వింతైన పండ్లలో ‘స్నేక్ ఫ్రూట్’ ఒకటి. దీనిని శాస్త్రీయంగా ‘సలక్కా జటక్కా’ (Salacca zalacca) అని పిలుస్తారు. చూడటానికి పాము పొలుసుల మాదిరిగా ఉండే ఈ పండు, తన విలక్షణమైన రుచి, పోషక విలువల కారణంగా ఇప్పుడు ప్రపంచవ్యాప్తంగా ప్రాచుర్యం పొందుతోంది.

Table of Contents

పుట్టుపూర్వోత్తరాలు – సాగు చేసే దేశాలు

ఈ పండు ప్రధానంగా ఇండోనేషియా, మలేషియా, థాయ్‌లాండ్ వంటి ఆగ్నేయాసియా దేశాలకు చెందినది. ప్రస్తుతం చైనా, స్పెయిన్, ఫిజి, ఆస్ట్రేలియా మరియు ఫిలిప్పీన్స్ వంటి దేశాల్లో వాణిజ్యపరంగా సాగు చేస్తున్నారు. ఇండోనేషియాలో దీనిని ప్రధాన ఆహార పంటగా పండిస్తారు.

మొక్క స్వరూపం మరియు ప్రత్యేకతలు

చెట్టు: స్నేక్ ఫ్రూట్ చెట్టు కాండం చిన్నదిగా ఉన్నప్పటికీ, కొమ్మలు 20 అడుగుల ఎత్తు వరకు పెరుగుతాయి. ప్రతీ కొమ్మకు 6 అంగుళాల పొడవు గల ముళ్లు ఉంటాయి.
పూత – పరాగ సంపర్కం: ఇందులో ఆడ మరియు మగ చెట్లు వేర్వేరుగా ఉంటాయి. కొన్ని రకాల్లో (సలక్ బాలి) రెండూ ఒకే చెట్టుపై ఉంటాయి. అధిక దిగుబడి కోసం కూలీలతో హ్యాండ్ పోలినేషన్ (చేతులతో పరాగ సంపర్కం) చేయించడం ఈ పంట ప్రత్యేకత.
దిగుబడి: నాటిన 3-4 ఏళ్లలో కాపు మొదలవుతుంది. ఒక్కసారి నాటితే 50 ఏళ్ల పాటు దిగుబడిని ఇస్తుంది. హెక్టారుకు సగటున 5-15 టన్నుల దిగుబడి వస్తుంది.

vecteezy person peeling exotic fruit with white flesh 73858166 69a46f84c35f2 1

రుచి మరియు రకాలు

స్నేక్ ఫ్రూట్ పైన పెళుసైన చర్మం ఉంటుంది. లోపల వెల్లుల్లి రెబ్బల మాదిరిగా తెల్లని గుజ్జు ఉంటుంది. దీని రుచి తీపి మరియు వగరు కలయికగా ఉంటుంది.

ప్రధాన రకాలు: ఎస్‌.గ్లాబెరెసెన్స్ (లోకల్ సలక్), ఎస్‌. ఎడ్యులిస్, ఎస్‌.సుమత్రాన, పోందో, బాలి వంటి 21 జాతులు సాగులో ఉన్నాయి.

Salacca zalacca benefits : పుష్కలమైన పోషక విలువలు (ప్రతి 100 గ్రాములకు)

ఈ పండు ఆరోగ్యానికి ఎంతో మేలు చేస్తుంది. ఇందులో యాంటీ ఆక్సిడెంట్లు పుష్కలంగా ఉంటాయి.

కేలరీలు: 77 కిలో కేలరీలు
ఫైబర్ (పీచు): 1.7 గ్రా.
కాల్షియం: 220 ఎంజి/కేజీ
పొటాషియం: 11.339 ఎంజి/కేజీ
విటమిన్లు: అస్కార్బిక్ యాసిడ్ (విటమిన్ సి), థయామిన్, నియాసిన్ మరియు ఫొలేట్.

సాగుకు అనుకూలమైన పరిస్థితులు

నేల: పిహెచ్ (pH) 4.7 నుండి 7.5 వరకు ఉన్న నేలల్లో పెరుగుతుంది.
నీడ: లేత మొక్కలకు నీడ అవసరం. అందుకే వీటిని కొబ్బరి లేదా డ్యూరియన్ తోటల్లో అంతర పంటగా సాగు చేస్తారు.
నీటి యాజమాన్యం: పూత దశలో మరియు వేసవిలో తగుమాత్రంగా నీరు అందించాలి. ఎక్కువ నీరైతే పండ్లు కుళ్లిపోయే ప్రమాదం ఉంది.
కత్తిరింపులు: ప్రతి రెండు నెలలకోసారి కొమ్మ కత్తిరింపులు, కలుపు తీత చేపట్టాలి.

ఉపయోగాలు – మార్కెటింగ్

ఆహారంగా: (Snake fruit health benefits) పండును నేరుగా తినొచ్చు లేదా జ్యూస్‌గా తీసుకోవచ్చు. ఊరగాయలు, చిప్స్, డ్రై ఫ్రూట్స్ తయారీలో వాడుతున్నారు.
వైన్ తయారీ: షుగర్ మరియు ఈస్ట్ కలిపి స్నేక్ ఫ్రూట్ వైన్ తయారు చేస్తారు.
ఇతరాలు: ఈ చెట్టు ఆకులను, రెమ్మలను బుట్టలు, చాపల అల్లికకు ఉపయోగిస్తారు.

ముగింపు: తక్కువ పెట్టుబడితో, దీర్ఘకాలిక దిగుబడిని ఇచ్చే స్నేక్ ఫ్రూట్ సాగు రైతులకు మంచి లాభసాటి మార్గం. మన దేశంలోని వాతావరణ పరిస్థితులకు అనుగుణంగా ప్రయోగాత్మకంగా సాగు చేస్తే పండ్ల తోటల రైతులకు ఇది కొత్త ఆదాయ వనరుగా మారుతుంది.