Organic Holi Colours : రంగుల పండుగ హోలీ అంటేనే చిన్నా, పెద్ద అనే తేడా లేకుండా అందరూ ఉత్సాహంగా కేరింతలు, సందడి వాతావరణం ఉంటుంది. అయితే మార్కెట్లో దొరికే రసాయన రంగులు మీ చర్మం, కళ్లు, జుట్టుకు తీవ్ర హాని కలిగించవచ్చు. చర్మ సమస్యలు, అలర్జీలు మాత్రమే కాదు, నీటి కాలుష్యానికి కూడా కారణమవుతున్నాయి.

ఈ నేపథ్యంలో సహజంగా ఇంట్లోనే తయారు చేసుకునే సేంద్రీయ రంగులపై ప్రజల్లో ఆసక్తి పెరుగుతోంది. పర్యావరణాన్ని కాపాడుతూ, ఆరోగ్యంగా హోలీ జరుపుకోవడానికి మీ వంటగదిలో దొరికే వస్తువులతోనే సురక్షితమైన రంగులను ఎలా తయారు చేసుకోవాలో ఈ కథనంలో తెలుసుకుందాం.

ఆర్గానిక్ రంగులనే ఎందుకు వాడాలి?

• చర్మ రక్షణ: ఇవి చర్మంపై దద్దుర్లు లేదా అలర్జీలు కలిగించవు.
• పర్యావరణ హితం: ఇవి నీటిని లేదా భూమిని కలుషితం చేయవు.
• విషరహితం: ఎలాంటి టాక్సిక్ కెమికల్స్ ఉండవు కాబట్టి గ్రహానికి, మన శరీరానికి మేలు.
• తక్కువ ఖర్చు: వంటగదిలోని పసుపు, బీట్‌రూట్ వంటి వాటితోనే తయారు చేయవచ్చు.

ఇంట్లోనే రంగుల తయారీ – స్టెప్ బై స్టెప్ గైడ్

1. ఎరుపు రంగు (బీట్‌రూట్ ద్వారా)

బీట్‌రూట్‌ను తురిమి రసం తీయండి. ఆ రసాన్ని 5-10 నిమిషాలు మరిగించి చిక్కగా చేయండి. చల్లారిన తర్వాత ఒక గుడ్డపై పోసి ఎండబెట్టండి. అది ఆరిన తర్వాత పొడి చేస్తే మంచి ప్రకాశవంతమైన ఎరుపు రంగు వస్తుంది.

2. పసుపు రంగు (పసుపు ద్వారా)

పసుపు పొడిని కొద్దిగా నీటితో కలిపి పేస్ట్‌లా చేయండి. దీనిని శుభ్రమైన గుడ్డపై ఆరబెట్టి, పొడి చేస్తే సహజమైన పసుపు రంగు సిద్ధం. మరింత బ్రైట్‌గా ఉండాలంటే కొంచెం కుంకుమపువ్వు కలపండి.

3. ఆకుపచ్చ రంగు (పాలకూర లేదా మునగాకు)

పాలకూర లేదా మునగాకులను నీటిలో వేసి నీరు పచ్చగా అయ్యేవరకు మరిగించండి. ఆ నీటిని వడకట్టి, గుడ్డపై ఆరబెట్టి పొడి చేస్తే సురక్షితమైన ఆకుపచ్చ రంగు వస్తుంది. ముదురు రంగు కోసం వేప పొడిని వాడవచ్చు.

4. గులాబీ రంగు (రెడ్ క్యాబేజీ)

రెడ్ క్యాబేజీని ముక్కలుగా కోసి మరిగించండి. ఆ నీటిని వడకట్టి చల్లబరచండి. ఇప్పుడు అందులో చిటికెడు బేకింగ్ సోడా కలపండి. అది వెంటనే అందమైన గులాబీ రంగులోకి మారుతుంది. దీనిని ఆరబెట్టి పొడి చేసుకోండి.

5. నీలి రంగు (శంఖు పూలు)

శంఖు పూలను (Butterfly Pea Flowers) ఎండబెట్టి పొడి చేయడం ద్వారా గాఢమైన నీలి రంగును పొందవచ్చు. లేదా వీటిని నీటిలో మరిగించి రంగు తీసి ఆరబెట్టవచ్చు.

6. నారింజ రంగు (బంతి పూలు)

తాజా బంతి పూలను ఎండబెట్టి మెత్తగా పొడి చేయండి. ఇది మంచి ఆరెంజ్ రంగును ఇవ్వడమే కాకుండా, పండుగ వేళ మంచి సువాసనను కూడా వెదజల్లుతుంది.

Holi 2026 : సురక్షితమైన వేడుక కోసం స్పెషల్ టిప్స్:

• ముందు జాగ్రత్త: రంగులు ఆడే ముందు చర్మానికి కొబ్బరి నూనె లేదా ఆలివ్ నూనె రాసుకోండి. ఇది రంగులు త్వరగా వదలడానికి సహాయపడుతుంది.
• దుస్తులు: పాత దుస్తులను ధరించడం ఉత్తమం.
• హైడ్రేషన్: ఎండలో రంగులు ఆడేటప్పుడు డీహైడ్రేషన్ కాకుండా ముందుగా పుష్కలంగా నీరు తాగండి.
• క్లీనింగ్: వేడుక తర్వాత గోరువెచ్చని నీరు, మైల్డ్ సోప్‌తో స్నానం చేయండి.

Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. న్యూస్ అప్డేట్స్  కోసం  X , ఫేస్​బుక్​ పేజీ, వాట్సప్ చానల్ లో జాయిన్ కండి..