Best CNG Cars | త‌క్కువ ధ‌ర‌లో ల‌భించే అత్యుత్తమ ఈ CNG కార్లు ఇవే..
త‌క్కువ ధ‌ర‌లో ల‌భించే అత్యుత్తమ ఈ CNG కార్లు ఇవే..
Best CNG Cars : భారతదేశంలో CNG కార్ల విక్రయాలు నిరంతరం పెరుగుతూనే ఉన్నాయి. ఈ కార్లను ఎక్కువగా కొనుగోలు చేయాలనుకునే వ్యక్తులు తరచుగా రోజువారీ ప్రయాణాలు చేసేవారు. ప్రతిరోజు ఇంటి నుంచి ఆఫీసుకు వెళ్లేవారు, ప్రతిరోజూ 30 కిలోమీటర్ల కంటే ఎక్కువ దూరం ప్రయాణించాల‌నుకునేవారికి పెట్రోల్, డీజిల్‌తో నడిచే కార్ల కంటే CNG కార్లు చౌకగా ఉంటాయి. మీరు కూడా చ‌వ‌కైన CNG కారు కోసం చూస్తున్నట్లయితే, మేము మీకు కొన్ని అత్యుత్తమ కార్ల గురించి చెప్పబోతున్నాం.
మారుతి సుజుకి ఆల్టో K10 CNG
మారుతి సుజుకి ఆల్టో కె10 సిఎన్‌జి భారతదేశంలో అత్యంత చ‌వ‌కైన CNG కారు. ఈ కారు ఎక్స్-షోరూమ్ ధర రూ.5 లక్షల 96 వేలు. ఈ కారు భారీ ట్రాఫిక్‌ను కూడా సులభంగా దాటుతుంది. ఒక చిన్న కుటుంబానికి పర్ఫెక్ట్ ఆప్ష‌న్‌, ఈ కారులో 4 మంది సౌకర్యవంతంగా కూర్చుని ప్రయాణించవచ్చు.
మారుతి సుజుకి ఆల్టోలో AC, ఫ్రంట్ పవర్ విండో, పార్కింగ్ సెన్సార్, సెంట్రల్ కన్సోల్ ఆర్మ్‌రెస్ట్, గేర్ షిఫ్ట్ ఇండికేటర్, అడ్జస్టబుల్ హెడ్‌ల్యాంప్, హాలోజన్ హెడ్‌ల్యాంప్, యాంటీ లాక్ బ్రేకింగ్ సిస్టమ్, సెంట్రల్ లాకింగ్, చైల్డ్ సేఫ్టీ లాక్‌లు, డ్యూయల్ ఎయిర్‌బ్యాగ్‌లు వంటి అనేక ఫీచర్లు ఉన్నాయి.
మారుతీ సుజుకి సెలెరియో CNG
మీ కోసం రెండవ ఉత్తమ ఎంపిక మారుతి సుజుకి సెలెరియో CNG. మారుతి సుజుకి సెలెరియో CNG కార్లలో అత్యధిక మైలేజ్ ఇచ్చే కారు. ఇది 34.43 km/kg మైలేజీని ఇస్తుంది. దీని ఎక్స్-షోరూమ్ ధర రూ.6.69 లక్షలు. దీని రన్నింగ్ ఖర్చులు మోటార్ సైకిల్ రన్నింగ్ ఖర్చు కంటే తక్కువగా ఉంటాయి కాబట్టి ఇంధన ఖర్చులను తగ్గించుకోవాలనుకునే వారికి ఇది మంచి ఎంపిక. ఈ కారులో 5 మంది సులభంగా కూర్చోవచ్చు. భద్రత కోసం, ఈ కారులో మీరు యాంటీ-లాక్ బ్రేకింగ్ సిస్టమ్‌తో పాటు EBD, ఎయిర్‌బ్యాగ్‌లను పొందుతారు.
టాటా టియాగో iCNG
ఇది కాకుండా, మీ మూడవ ఉత్తమ ఎంపిక Tata Tiaogo iCNG. ఇది 27 km/kg మైలేజీని అందిస్తుంది. ఈ కారులో ఐదుగురు సౌకర్యవంతంగా ప్రయాణించవచ్చు. కారు ఇంజన్ గురించి చెప్పాలంటే, కారులో 1.2 లీటర్ ఇంజన్ ఉంది. ఇది CNG మోడ్‌లో 73hp శక్తిని, 95nm టార్క్‌ను ఉత్పత్తి చేస్తుంది. ఇంజన్‌లో 5 స్పీడ్ మ్యాన్యువల్ ట్రాన్స్‌మిషన్ గేర్‌బాక్స్ ఉపయోగించారు.
