ఆసియాలోనే అతిపెద్ద వ్యవసాయ మార్కెట్లలో ఒకటిగా పేరొందిన వరంగల్ ఏనుమాముల మార్కెట్ యార్డులో ఎర్ర బంగారం మరోసారి రికార్డులను తిరగరాసింది. గురువారం (05-02-2026) జరిగిన క్రయవిక్రయాల్లో మిర్చి ధరలు ఆకాశాన్నంటాయి. ముఖ్యంగా దేశీ రకం మిర్చి క్వింటాల్‌కు ఏకంగా రూ. 40,000 మార్కు (Desi Chilli Record Price) ను దాటేసి సరికొత్త చరిత్ర సృష్టించింది.

నేటి మార్కెట్‌లో వివిధ రకాల మిర్చి ధరల వివరాలు ఇలా ఉన్నాయి:

Today Chilli Prices : దేశీ మిర్చి నేడు మార్కెట్‌లో అత్యధికంగా క్వింటాల్‌కు రూ. 40,005 పలికింది. దీని మోడల్ ధర రూ. 25,000 గా నమోదైంది.
వండర్ హాట్: ఈ రకం మిర్చి గరిష్టంగా రూ. 38,000 పలికి రైతులను ఆశ్చర్యపరిచింది. దీని మోడల్ ధర రూ. 23,000.
యుఎస్ 341: క్వింటాల్‌కు గరిష్టంగా రూ. 26,700 పలికింది.
తేజ మిర్చి: మార్కెట్‌కు అత్యధికంగా 3,992 బస్తాల రాకడ రాగా, గరిష్ట ధర రూ. 19,500 వద్ద స్థిరంగా ఉంది.
దీపిక: ఈ రకం గరిష్టంగా రూ. 27,000 పలికింది.

పత్తి, ఇతర పంటల ధరలు:

కొత్త పత్తి గరిష్టంగా రూ. 7,630 పలకగా, సి.సి.ఐ (CCI) ద్వారా కొనుగోలు చేసిన పత్తికి రూ. 8,010 లభించింది. పల్లికాయ (తడి) రకానికి గరిష్టంగా రూ. 9,300 ధర లభించింది.
చిరుధాన్యాలు & ఇతరాలు: కందులు రూ. 7,978, పెసర్లు రూ. 8,352, మినుములు రూ. 8,602 గా నమోదయ్యాయి.

Warangal AMC Market Report | Feb 5, 2026

ఈరోజు మార్కెట్‌కు మొత్తం 12,893 బస్తాల మిర్చి రాకడ వచ్చింది. అంతర్జాతీయ మార్కెట్‌లో ఉన్న డిమాండ్, స్థానిక మార్కెట్‌లో తక్కువ రాకడ ఉండటం వల్లే ధరలు ఇంత భారీగా పెరుగుతున్నాయని ప‌లువురు భావిస్తున్నారు. ముఖ్యంగా నాణ్యమైన దేశీ, వండర్ హాట్ రకాలకు వ్యాపారులు ఎగబడుతున్నారు.

Please leave this field empty

👉 “Eco friendly & environmental news updates for Free”

వ్యవసాయం, సోలార్​​ ఎనర్జీ, గ్రీన్​ మొబలిటికి సంబంధించిన అప్‌డేట్స్​ను ఉచితంగా పొందండి!"

We don’t spam! Read our privacy policy for more info.

Check your inbox or spam folder to confirm your subscription.