Warangal Market Today Rates : వరంగల్ వ్యవసాయ మార్కెట్లో ఎర్ర బంగారం ధరలు రికార్డు క్రియేట్ చేశాయి. ఫిబ్రవరి 5, 6వ తేదీల్లో జరిగిన క్రయవిక్రయాల్లో మిర్చి రికార్డు ధరలను నమోదు చేయగా, వేరుశనగ సాగు చేసే రైతులకు కూడా అద్భుతమైన గిట్టుబాటు ధర లభిస్తోంది.
గత రెండు రోజులుగా మార్కెట్లో మిర్చి ధరలు స్థిరంగా ఉండటమే కాకుండా, కొన్ని రకాలకు డిమాండ్ భారీగా పెరిగింది. ఫిబ్రవరి 5న దేశీ రకం మిర్చి క్వింటాల్కు ఏకంగా రూ. 40,005 పలికి రికార్డు సృష్టించింది. ఫిబ్రవరి 6న దీని గరిష్ట ధర రూ. 25,000గా నమోదైంది.
వండర్ హాట్ రకం రెండు రోజులుగా క్వింటాల్కు రూ. 38,000 గరిష్ట ధర వద్ద నిలకడగా కొనసాగుతోంది. తేజ మిర్చి: ఫిబ్రవరి 5న రూ. 19,500 పలికిన తేజ రకం, ఫిబ్రవరి 6న స్వల్పంగా తగ్గి రూ. 19,200 వద్ద ఉంది. ఎల్లో మిర్చి (తేజ) రకానికి డిమాండ్ పెరిగింది. ఫిబ్రవరి 5న రూ. 35,000 ఉండగా, ఫిబ్రవరి 6 నాటికి రూ. 36,000 కు పెరిగింది.
వేరుశనగ ధరల్లో పెరుగుదల: వేరుశనగ రైతులకు ఈ వారం కలిసొచ్చింది. పల్లికాయ (తడి) ఫిబ్రవరి 5న గరిష్టంగా రూ. 9,300 పలకగా, ఈనెల 6న అది ఏకంగా రూ. 9,680 కి చేరింది. కనిష్ట ధర రూ. 5,000, మోడల్ ధర రూ. 8,700 గా ఉంది.
పత్తి, ఇతర పంటలు: పత్తి (కొత్తది): వరంగల్ మా ర్కెట్లో పత్తి ధర స్థిరంగా ఉంది. ఫిబ్రవరి 5న రూ. 7,630 ఉండగా, ఫిబ్రవరి 6న రూ. 7,620 పలికింది. సి.సి.ఐ (CCI) ద్వారా గరిష్టంగా రూ. 8,010 ధర లభిస్తోంది.
కందులు: క్వింటాల్కు గరిష్టంగా రూ. 7,876 ధర లభిస్తోంది.
మక్కలు: ప్రైవేట్ వ్యాపారుల వద్ద మక్కలు గరిష్టంగా రూ. 1,940 (బిళ్ళ రకం) పలుకుతున్నాయి.
మార్కెట్ రాకడ వివరాలు (06-02-2026):
ఫిబ్రవరి 6న మార్కెట్కు మిర్చి భారీగా వచ్చింది.
- తేజ: 4,485 బస్తాలు
- యుఎస్ 341: 1,281 బస్తాలు
- వండర్ హాట్ (ఏ/సి): 1,319 బస్తాలు
- మొత్తం మిర్చి రాకడ: 10,340 బస్తాలు
