Drone Based Agriculture : మీ పొలంలో ప్రధానంగా పంటలు పండిస్తే, ఖచ్చితమైన పంటల సాగు కోసం డ్రోన్‌ల ప్రయోజనాల గురించి మీరు తెలుసుకోవాలి. ఎందుకంటే డ్రోన్‌ల వల్ల అనేక ఉపయోగాలు ఉన్నాయి. డ్రోన్ ఆధారిత వ్యవసాయంలో ఖర్చులు గణనీయంగా తగ్గించుకోవడమే కాకుండా సమయాన్ని ఆదా చేసుకోవచ్చు. తక్కువ శ్రమతో ఎక్కువ లాభాలను పొందవచ్చు. వ్యవసాయంలో డ్రోన్ టెక్నాలజీని ఉపయోగించి పంటల పరిశీలించడంతోపాటు నీటి పారుదల, ఫెర్టిలైజేషన్, పంటల ఆరోగ్యాన్ని విశ్లేషించడం వంటి కార్యక్రమాలను అత్యంత సులభంగా నిర్వహించుకోవచ్చు. ఇది రైతులకు పంటల స్థితిని వేగంగా ఖచ్చితంగా అంచనా వేయడంలో సాయపడుతుంది.

డ్రోన్ వల్ల ఉపయోగాలు ఇవీ..

• మ్యాపింగ్, సర్వేయింగ్ : GPSని ఉపయోగించి, డ్రోన్‌లు 3D మ్యాప్‌లను సృష్టించగలవు. భూమిని, పంటలను కూడా సర్వే చేయగలవు కాబట్టి మీరు మీ పొలాన్ని ఖచ్చితంగా పర్యవేక్షించే సామర్థ్యం కలిగి ఉంటాయి.
• పశువుల నిర్వహణ – పశువులు, గొర్రెల మందలను ఈ డ్రోన్ల ద్వారా సమర్థవంతంగా పర్యవేక్షించవచ్చు
• పంట పర్యవేక్షణ, పిచికారీ – మీ పంటలపై ఒక కన్నేసి ఉంచవచ్చు. ఎక్కువ విస్తీర్ణంలో గల వ్యవసాయ క్షేత్రాల్లో వేగంగా పిచికారీ చేయవచ్చు.
• నేల విశ్లేషణ – మీ నేల నాణ్యతపై డేటాను సేకరించవచ్చు. ఫలితంగా, మీ పంటల ఆరోగ్యాన్ని ఎప్పటికప్పుడు తెలుసుకోవచ్చు.
• నీటిపారుదల – డ్రోన్‌లు థర్మల్ సెన్సార్‌లను ఉపయోగించి ఏ వ్యవసాయ భూములకు ఎక్కువ లేదా తక్కువ నీరు అవసరమో గుర్తించడానికి ఉపయోగిస్తారు.
• సుస్థిరతను మెరుగుపరచడం – సాంప్రదాయ యంత్రాల కంటే తక్కువ ఉద్గారాలు వెలువడుతాయి.
• సాంప్రదాయ స్ప్రేయర్‌లతో పోలిస్తే డ్రోన్లు పెద్ద వ్యవసాయ క్షేత్రాలను ఒకే రోజులో కవర్ చేస్తాయి.
• తక్కువ కార్మికుల అవసరం : ఎరువుల వాడకంలో సమయాన్ని ఆదా చేయడంతోపాటు కార్మికుల వినియోగం చాలావరకు తగ్గిపోతుంది.

డ్రోన్ల పనితీరు..

డ్రోన్లు సాధారణంగా 50 నుంచి 100 మీటర్ల ఎత్తులో పనిచేస్తాయి. వ్యవసాయ స్ప్రే కోసం, ఈ డ్రోన్లను పంటపై 2-3 మీటర్ల ఎత్తులో ఉంచవచ్చు. 50 మీ కంటే ఎక్కువ ఎగురవేసేందుకు ప్రత్యేక అనుమతి అవసరం ఉంటుంది.

వాతావరణ పరిస్థితులను పరిశీలిస్తు.. డ్రోన్‌లు ఎలాంటి వాతావరణంలోనైనా ఎగురుతాయి. అయితే వర్షం సమయంలో చిత్ర నాణ్యత దెబ్బతింటుంది. ఇక డ్రోన్ కవర్ చేసే దూరం వాటి సామర్థ్యంపై ఆధారపడి ఉంటుంది.. ఫిక్స్‌డ్-వింగ్ డ్రోన్‌లు ఒక్కో విమానానికి ఎక్కువ ప్రాంతాన్ని కవర్ చేస్తాయి (ఉదా. 50 నిమిషాల ఫ్లైట్ సమయం 12 కి.మీ వరకు ఉంటుంది.

ఇక డ్రోన్లకు లైసెన్స్ విషయానికొస్తే.. వాణిజ్యేతర ఉపయోగం కోసం, ప్రభుత్వ నిబంధనల ప్రకారం నానో, మైక్రో డ్రోన్‌లకు పైలట్ లైసెన్స్ అవసరం లేదు.

హరితమిత్ర వెబ్ సైట్ పర్యావరణం, సేంద్రియ వ్యవసాయం, గ్రీన్ మొబిలిటీ, సోలార్ ఎనర్జీ కి సంబంధించిన తాజా వార్తలను అందిస్తుంది. సరికొత్త వార్తలను కోసం మా గూగుల్ న్యూస్ (Google News), తోపాటు  ట్విట్టర్(X) , వాట్సప్ చానల్ లో కనెక్ట్ అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..