Electric 2-wheeler Sales | 2024 లీపు సంవత్సరంలో ఫిబ్రవరి 29 ముగిసే వరకు ఆర్థిక సంవత్సరంలో మొదటి 11 నెలలకు ఎలక్ట్రిక్ ద్విచక్ర వాహనాల రిటైల్ అమ్మకాలు 800,000 యూనిట్లను అధిగమించాయి. భారత ప్రభుత్వ వాహన్ వెబ్‌సైట్ లో రిటైల్ అమ్మకాల డేటా ప్రకారం, ఎలక్ట్రిక్ టూ-వీలర్ ఒరిజినల్ ఎక్విప్‌మెంట్ తయారీదారులు (OEMలు) కలిసి ఫిబ్రవరి 2024లో మొత్తం 81,963 యూనిట్లను విక్రయించారు, జనవరి 2024లో కంటే కేవలం 36 యూనిట్లు (81,927 యూనిట్లు) అధిగమించారు. దాదాపు 170 ఈవీ కంపెనీల్లో ఓలా ఎలక్ట్రిక్, TVS మోటార్ కో, అథర్ ఎనర్జీ, బజాజ్ ఆటో, గ్రీవ్స్ ఎలక్ట్రిక్-ఆంపియర్ వెహికల్స్‌తో సహా ఆరు OEMలు మార్కెట్ లీడర్‌లుగా నిలిచాయి.
1. OLA Electric (ఓలా ఎలక్ట్రిక్)
ఎప్పటిలాగే ఓలా ఎలక్ట్రిక్ తన మొదటి స్థానాన్ని దక్కించుకుంది. ఓలా స్కూటర్లపై భారీగా డిస్కౌంట్ ఆఫర్లు ఇస్తుండడంతో ఓలా ఎలక్ట్రిక్ గత నెలలో రికార్డు స్థాయిలో 33,722 ఇ-స్కూటర్లను విక్రయించగలిగింది. ఇది జనవరి 2024లో 32,216 యూనిట్లు విక్రయించింది. 11-నెలల ఆర్థిక కాలానికి మొత్తం 275,485 యూనిట్లకు చేరుకుంది . ఫిబ్రవరి 2024లో మార్కెట్ వాటా 41 %, FY2024 ప్రారంభ 11 నెలల్లో 34%, Ola Electric స్థిరమైన నెలవారీ వృద్ధిని ప్రదర్శించింది.
అమ్మకాలను ప్రోత్సహించడానికి, Ola ఫిబ్రవరి 2024కి ప్రత్యేకంగా రూ. 25,000 వరకు ధర తగ్గింపును అమలు చేసింది. ఇది S1 లైనప్‌లోని ఓలా S1 Pro, S1 Air మరియు S1 X+ (3kWh) స్కూటర్లపై ప్రస్తుతం ఆఫర్లను కొనసాగిస్తోంది. ఎటువంటి అదనపు ఛార్జీ లేకుండా మొత్తం Ola స్కూటర్లపై 8-సంవత్సరాల/80,000km వారంటీని ప్రవేశపెట్టింది.
2. TVS Motor (టీవీఎస్ మోటార్)
ఈ జాబితాలో టీవీఎస్ మోటార్ రెండో స్థానంలో నిలిచింది. iQube ఇ-స్కూటర్ TVS మోటార్ కో విక్రయాల ఊపును కొనసాగిస్తోంది. ఫిబ్రవరి 2024లో ఈ కంపెనీ 14,499 యూనిట్ల అమ్మకాలను నమోదు చేసుకొని 18% మార్కెట్ వాటాను సాధించింది. మొదటి 11 నెలలకు 156,271 యూనిట్లను (19.37% మార్కెట్ వాటా) విక్రయించింది. అయితే దాని నెలవారీ వృద్ధి కాస్త తగ్గింది. టీవీఎస్ మోటార్ కంపెనీ తన EV విక్రయాల కార్యక్రమాన్ని జనవరి 2024 నుండి నేపాల్, యూరప్‌లకు విస్తరించింది.
3. Bajaj Auto (బజాజ్ ఆటో లిమిటెడ్)
జనవరి 2020లో EV మార్కెట్‌లోకి ప్రవేశించిన పూణేకు చెందిన బజాజ్ ఆటో (TVS లాగానే) OEMS.. టాప్ 10 జాబితాలో మూడవ స్థానంలో ఉంది. బజాజ్ ఆటో ఫిబ్రవరి 2024లో 11,618 చేతక్ ఇ-స్కూటర్లను విక్రయించడం ద్వారా మార్కెట్ లో పట్టు నిలుపుకోగలిగింది. ఏప్రిల్ 2023 నుంచి ఫిబ్రవరి 2024 వరకు మొత్తం 88,331 యూనిట్లను విక్రయించింది. బజాజ్ చేతక్ కొొత్తగా అర్బన్ అనే వేరియంట్ ను ప్రారంభించడం వల్ల అమ్మకాలు పెరిగాయని చెప్పవచ్చు.
4.ATHER Energy (ఏథర్ ఎనర్జీ)
ఏథర్ ఎనర్జీ ఈ జాబితాలో నాల్గవ ప్లేయర్. ఏథర్ ఎనర్జీ ఫిబ్రవరి 2024లో 8,983 యూనిట్ల రిటైల్ అమ్మకాలను నమోదు చేసింది. 11% మార్కెట్ వాటాను సొంతం చేసుకుంది. నెలవారీగా -4 % ప్రతికూల వృద్ధిని సాధించింది. అయితే అమ్మకాలలో మూడవ ర్యాంక్ ప్లేయర్ అయినప్పటికీ, గత ఐదు నెలలుగా బజాజ్ ఆటో తో పోటీ పడి నెలవారీ విక్రయాలలో మూడవ స్థానం నుంచి నాలుగుకు పడిపోయింది. అయితే ఏథర్ తన మార్కెట్ స్థితిని కాపాడుకోవడానికి వ్యూహాత్మక చర్యలు తీసుకుంది. ఇటీవల, 450S ఇ-స్కూటర్ ధరను రూ. 20,000 తగ్గించి రూ. 109,000కి అందుబాటులోకి తీసుకొచ్చింది. అదనంగా, Ather జనవరి ప్రారంభంలో కొత్త Apex 450 ని పరిచయం చేసింది.
2024 ఏప్రిల్ 6 న షెడ్యూల్ చేయబడిన ఏథర్ కమ్యూనిటీ డే రోజున రిజ్టా పేరుతో ఏథర్ తన ఫ్యామిలీ స్కూటర్‌ను విడుదల చేయడానికి సిద్ధంగా ఉంది. దీని ధర రూ. 110,000 నుంచి రూ. 130,000 మధ్య ఉండవచ్చు.
5. GREAVES ELECTRIC (గ్రేవ్స్ ఎలక్ట్రిక్)
Electric 2-wheeler Sales ఈవీ విక్రయాల్లో గ్రీవ్స్ ఎలక్ట్రిక్ ఐదవ స్థానంలో నిలిచింది. గ్రీవ్స్ మొబిలిటీ ఫిబ్రవరిలో 2,536 నుంచి 2,606 యూనిట్ల రిటైల్ విక్రయాలనుపెంచుకుంది. 3% మార్కెట్ వాటాను స్థిరంగా కొనసాగించింది. ఫిబ్రవరి 2024లో హైదరాబాద్‌లో ఉన్న జీరో21 అనే ఎనర్జీ సొల్యూషన్స్ కంపెనీతో గ్రీవ్స్ ఎలక్ట్రిక్ మొబిలిటీ ఒప్పందాన్ని ప్రారంభించింది. చలో, తీర్ వంటి మోడళ్లతో సహా జీరో21 ఎలక్ట్రిక్ ఆటోరిక్షాల సౌలభ్యాన్ని మెరుగుపరచడం ఈ భాగస్వామ్యం ఉద్దేశం.. గ్రీవ్స్ ఎలక్ట్రిక్ మొబిలిటీ కూడా ఫిబ్రవరి 2024లో అబ్దుల్ లతీఫ్ జమీల్‌తో భాగస్వామ్యం కలిగి ఉంది . ఈ వ్యూహాత్మక ఒప్పందాలు ఎలక్ట్రిక్ మొబిలిటీ స్పేస్‌లో తన ఉనికిని విస్తరించడానికి దోహదపడనున్నాయి.
6. Hero Motocorp (హీరో మోటర్‌కార్ప్)
టాప్ 10 జాబితాలో ఆరవ స్థానాన్ని దక్కించుకున్న హీరో మోటార్‌కార్ప్ లిమిటెడ్ .. ఫిబ్రవరిలో 1,750 యూనిట్ల రిటైల్ విక్రయాలను నమోదు చేసింది. జనవరిలో 1,494 యూనిట్లను విక్రయించింది. ఇది 2% మార్కెట్ వాటా, 17% MOM వృద్ధి సాధించింది. కంపెనీ 2024 లో ఎలక్ట్రిక్ వెహికల్ (EV) డొమైన్‌లో తన ఉనికిని పెంచుకోవడానికి సిద్ధమవుతోంది. సీఈఓ, నిరంజన్ గుప్తా, ‘మిడ్,’ ‘తక్కువ ధరలో ,’ మరియు ‘బిజినెస్-టు-బిజినెస్ (B2B)’ విభాగాలకు అనుగుణంగా మూడు ఎలక్ట్రిక్ స్కూటర్లను విడుదల చేయబోతున్నట్లు ప్రకటించారు. ప్రస్తుతం, కంపెనీ అక్టోబర్ 2022లో ప్రవేశపెట్టిన ‘విడా’ ఎలక్ట్రిక్ స్కూటర్‌ను ప్రత్యేకంగా విక్రయిస్తోంది.
భారతదేశంలోని ప్రైవేట్ రంగ బీమా సంస్థ ACKO , ఎలక్ట్రిక్ వాహనాల (EVలు) తొలగించగల బ్యాటరీలపై ప్రత్యేకంగా రూపొందించబడిన బ్యాటరీ వారంటీ ప్లాన్ ను ప్రవేశపెట్టింది. ఈ ప్లాన్ VIDA V1 కి వర్తిస్తుంది. ఈ బీమా ప్లాన్ నాల్గవ, ఐదవ సంవత్సరాలు లేదా 60,000 కి.మీ వరకు వాహనాన్ని కవర్ చేస్తుంది.
7. BGaus Auto (బిగాస్ ఆటో)
జాబితాలో ఏడవ ప్లేయర్‌గా, ముంబైకి చెందిన BGauss ఆటో ఫిబ్రవరి 2024లో 1,349 అమ్మకాలను నివేదించింది. గత నెలలో 1,487 నుండి స్వల్ప తగ్గుదలను చవిచూసింది. నెలవారీ వృద్ధి రేటు -9%, మార్కెట్ వాటా 2 %తో, BGaus Auto దాని అమ్మకాలను పెంచుకోవడంలో కొన్ని సవాళ్లను ఎదుర్కొంటుంది. అయితే కంపెనీ ఇటీవలే BG C12i EX ఇ-స్కూటర్‌ను విడుదల చేసింది. ఇది 85 కిమీ రేంజ్ ఇస్తుంది.
అమ్మకాలను పెంచడానికి, స్థానాన్ని మెరుగుపరచుకోవడానికి , అధునాతన ఫీచర్లు గల కొత్త మోడల్‌లను విడుదల చేయడంపై దృష్టి పెట్టాల్సి ఉంది. అలాగే కంపెనీల ఎలక్ట్రిక్ స్కూటర్ల ప్రయోజనాలను హైలైట్ చేయడానికి బలమైన మార్కెటింగ్ ప్రచారాలు అవసరం. కస్టమర్ సంతృప్తి కోసం నమ్మకమైన అమ్మకాల తర్వాత సర్వీస్ నెట్‌వర్క్ కూడా కీలకం.
8. Wardwizard (వార్డ్‌విజార్డ్ మొబిలిటీ)
జాబితాలో ఎనిమిదో స్థానాన్ని దక్కించుకున్న వార్డ్‌విజార్డ్ ఇన్నోవేషన్స్ అండ్ మొబిలిటీ లిమిటెడ్.. ఫిబ్రవరి 2024లో అమ్మకాల క్షీణతను ఎదుర్కొంది. జనవరి 976 యూనిట్లతో పోలిస్తే కేవలం 840 వాహనాలను మాత్రమే నమోదు చేసింది. ఈ తగ్గుదల కేవలం 1% మార్కెట్ వాటాకు పడిపోయింది. దీంతో పాటు నెలవారీ ప్రతికూల వృద్ధి -14% నమోదుచేసుకుంది. దీన్ని సరిచేయడానికి, Wardwizard కొత్త మార్గాలను అన్వేషించాలి. వినియోగదారుల ఆసక్తిని పెంచడానికి అప్‌గ్రేడ్ చేసిన మోడల్‌లను ప్రారంభించాలి.
9. Okinawa Autotech (ఓకినావా ఆటోటెక్)
జాబితాలో ఒకినావా ఆటోటెక్ తొమ్మిదవ స్థానాన్ని ఆక్రమించింది. ఫిబ్రవరి 2024లో కేవలం 600 వాహనాలను మాత్రమే విక్రయించగలిగింది. ఇది జనవరి అమ్మకాల సంఖ్య 683 పోలిస్తే స్వల్పంగా తగ్గింది. నెలవారీ సానుకూల వృద్ధి, మార్కెట్ వాటాను సాధించడంలో అడ్డంకులను ఎదుర్కొంటోంది. 1% మార్కెట్ వాటా , నెలవారీ ప్రతికూల వృద్ధి -3% తో , Okinawa Autotech తన విక్రయ విధానాన్ని వ్యూహాత్మకంగా పునఃపరిశీలించుకోవాల్సి ఉంది.
10. OKAYA EV (ఒకాయా ఈవీ)
టాప్ 10 జాబితాలో చివరగా Okaya EV Pvt Limited నిలిచింది. ఫిబ్రవరి 2024లో సవాళ్లను ఎదుర్కొంది. కేవలం 657 వాహనాల విక్రయాలను మాత్రమే సాధించింది. ఇది జనవరి నాటి 581 వాహనాల అమ్మకాల నుండి స్వల్ప పెరుగుదలను సూచిస్తున్నప్పటికీ, కంపెనీ గణనీయమైన మార్కెట్ వాటాను పొందడంలో అడ్డంకులను ఎదుర్కొంది, ప్రస్తుతం మార్కెట్ వాటా 1% వద్ద ఉంది. Okaya EV Pvt Limited నెలవారీగా 13% వృద్ధిని ప్రదర్శించింది. ఎలక్ట్రిక్ వాహనాల మార్కెట్లో తన స్థానాన్ని పటిష్టం చేసుకోవడానికి, Okaya EV Pvt Limited మరిన్ని అత్యాధునిక ఈవీల ఉత్పత్తిపై దృష్టి సారించాల్సి ఉంటుంది.
ఈ వెబ్ సైట్ లో ఏదైనా వార్త/స్టోరీ మీకు నచ్చినట్లయితే కామెంట్ చేయడం మర్చిపోవద్దు. అలాగే మీతోటి స్నేహితులతో ఈ వార్తను పంచుకోగలరు.. కృతజ్ఞతలు..
అలాగే న్యూస్ అప్డేట్స్ కోసం గూగుల్ న్యూస్ (Google News), తోపాటు ట్విట్టర్ లో జాయిన్ కండి.
