EV News | దేశీయ ఆటోమొబైల్ దిగ్గ‌జాలు బజాజ్ ఆటో,  TVS మోటార్ కంపెనీ ఇటీవ‌ల‌ తక్కువ ధర కలిగిన ఎలక్ట్రిక్ స్కూటర్ మోడల్‌లను విడుదల చేసిన తర్వాత, గత రెండు నెలలుగా వాటి అమ్మ‌కాలు భారీగా పెరిగాయి.
మొదటి 12 రోజుల్లో వాహన రిజిస్ట్రేషన్ల ఆధారంగా ఇ-టూ-వీలర్ సెగ్మెంట్‌లో కలిపి 38.11 శాతం మార్కెట్ వాటాను స్వాధీనం చేసుకున్నాయి. ఇది ఇప్పుడు 35.53 శాతం మార్కెట్ వాటాను కలిగి ఉన్న మార్కెట్ లీడర్ ఓలా ఎలక్ట్రిక్ కు కాస్త ఇరుకున పెట్టే అంశంగా మారింది.
జూన్‌లో, బజాజ్ ఆటో తన చేతక్ 2901ని రూ. 95,998 (ఎక్స్-షోరూమ్) ప్రారంభ ధరతో ఆవిష్కరించింది. ఇక TVS మోటార్ కంపెనీ, మే నెల‌లో రూ. 94,999 ఎక్స్ షోరూం ధ‌ర‌లో 2.2 kWh బ్యాటరీతో iQube కొత్త వేరియంట్‌ను విడుదల చేసిన విష‌యం తెలిసిందే..

ఓలా లక్షలోపు మూడు మోడళ్లు..

మ‌రోవైపు ఓలా ఎలక్ట్రిక్ కూడా రూ. 1 లక్ష (ఎక్స్-షోరూమ్) లోపు ధర కలిగిన మోడళ్ల శ్రేణిని లాంచ్ చేసింది. Ola రూ.1 లక్ష ధ‌ర‌లో S1X (రూ. 74,999), S1X+ (రూ. 84,999), మరియు S1X 4 kWh బ్యాటరీ (రూ. 97,499) ఉన్నాయి. త‌క్కువ ధ‌ర‌ల్లో వేరియంట్ల‌ను విడుదల చేసిన కార‌ణంగా జూన్ రిజిస్ట్రేషన్ల ఆధారంగా మొత్తం మార్కెట్‌లో ఓలా 47 శాతానికి పైగా వాటాను సొంతం చేసుకోగ‌లిగింది. అయితే బజాజ్, TVS సమిష్టిగా 29.7 శాతం మాత్రమే కలిగి ఉన్నాయి. జూలై 12 నాటికి, TVS 20.7 శాతం వాటాను పొందగా, బజాజ్ 17.41 శాతం వాటాను కలిగి ఉంది. Ather 10.25 శాతం మార్కెట్ వాటాతో వెనుకబడి ఉంది. ఏథ‌ర్ లో రూ.1 లక్ష విభాగంలో మోడ‌ల్ ను విడుద‌ల చేయ‌లేదు. ఇది కొత్తగా ప్రారంభించిన ఫ్యామిలీ స్కూటర్ – రిజ్టా (దీని ప్రారంభ ధర రూ. 1.1 లక్షలు) నుంచి మార్కెట్ లో అమ్మ‌కాల‌ను మెరుగు ప‌రుచుకోవాల‌ని చూస్తోంది.

చేతక్ 2901

బజాజ్ ఆటో ఎగ్జిక్యూటివ్ డైరెక్టర్ రాకేష్ శర్మ, చేతక్ 2901తో రూ. 1 లక్ష కంటే తక్కువ సెగ్మెంట్‌లో అధిక-నాణ్యత గ‌ల‌ వేరియంట్‌లను ప్రవేశపెట్టడం ద్వారా సాధించిన గణనీయమైన పురోగతిని సాధించారు. “ఇది మాకు ఎన్నో అవకాశాన్ని అందిస్తుంది. పంపిణీని విస్తరించడానికి. చేతక్ ఎలక్ట్రిక్‌తో, మేము మేలో 200 సేల్స్ పాయింట్ల నుంచి జూలై చివరి నాటికి 500కి వ‌ర‌కు ఆగస్టు చివరి నాటికి 1,000కి పెంచుతాము. ”అని శర్మ చెప్పారు.

టీవీఎస్ 2.2 kWh వేరియంట్ కు ఆదరణ

ఇక టీవీఎస్ కూడా బడ్జెట్ ఎలక్ట్రిక్ స్కూటర్‌ను విడుదల చేయడం ద్వారా తన ఎత్తుగడను వేసింది. దేశవ్యాప్తంగా iQube శ్రేణిని విక్ర‌యిస్తున్న 600 మంది డీలర్లతో, TVS iQubeని మరింత అందుబాటులోకి సరసమైన ధరకు అందించాలని లక్ష్యంగా పెట్టుకుంది. ఈ మోడల్ 2.2 kWh బ్యాటరీతో వస్తుంది. ఇది 75-కిలోమీటర్ల రేంజ్ ఇస్తుంది. అయితే దీని బ్యాట‌రీని రెండు గంటల్లోనే 0 శాతం నుండి 80 శాతానికి చార్జ్ చేసే ఛార్జర్‌ను కలిగి ఉంటుంది.

Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. అలాగే  న్యూస్ అప్డేట్స్  కోసం గూగుల్ న్యూస్ (Google News), తోపాటు  ట్విట్టర్(X) , వాట్సప్ చానల్ లో జాయిన్ కండి..