Ola Roadster Price Drop | ప్రముఖ ఎలక్ట్రిక్ ద్విచక్ర వాహన తయారీ సంస్థ ఓలా ఎలక్ట్రిక్ (Ola Electric) తన కస్టమర్లకు బంపర్ ఆఫర్ ప్రకటించింది. తన ప్రీమియం మోటార్సైకిల్ రోడ్స్టర్ X+ 9.1kWh (Ola Roadster X+) ధరను ఏకంగా రూ. 60,000 తగ్గిస్తున్నట్లు వెల్లడించింది. స్వదేశీ పరిజ్ఞానంతో తయారైన బ్యాటరీ సెల్స్ వినియోగం వల్ల ఉత్పత్తి వ్యయం తగ్గడంతో, ఆ ప్రయోజనాన్ని నేరుగా వినియోగదారులకే బదిలీ చేయాలని కంపెనీ నిర్ణయించింది.
Ola Roadster ధర వివరాలు:
- పాత ధర: రూ. 1,89,999
- ప్రస్తుత ధర: రూ. 1,29,999
- మొత్తం తగ్గింపు: రూ. 60,000
4680 భారత్ సెల్ ప్రత్యేకత:
ఓలా తన గిగా ఫ్యాక్టరీలో పూర్తి స్వదేశీ సాంకేతికతతో రూపొందించిన 4680 భారత్ సెల్ను ఈ బైక్లో వాడారు. ఈ సెల్ తయారీ ప్రక్రియ వేగవంతం కావడంతో బైక్ ధరను భారీగా తగ్గించడం సాధ్యమైంది. రోడ్స్టర్ 9.1 మోడల్ను ఒక్కసారి ఛార్జ్ చేస్తే ఏకంగా 500 కిలోమీటర్ల రేంజ్ ఇస్తుందని కంపెనీ ప్రతినిధులు పేర్కొన్నారు.
రేపు సాయంత్రమే కొనుగోలు విండో:
ఈ భారీ ఆఫర్ కేవలం లిమిటెడ్ టైమ్ విండోలో మాత్రమే అందుబాటులో ఉంటుంది.
- తేదీ: ఏప్రిల్ 3, 2026
- సమయం: సాయంత్రం 6 గంటల నుండి రాత్రి 9 గంటల వరకు మాత్రమే.
- ఎక్కడ: ఓలా అధికారిక వెబ్సైట్ లేదా యాప్ ద్వారా బుక్ చేసుకోవచ్చు.
ప్రస్తుతం కొనసాగుతున్న #EndICEAge క్యాంపెయిన్ వల్ల ఈ బైక్కు డిమాండ్ ఐదింతలు పెరిగిందని కంపెనీ తెలిపింది. స్టాక్ లభ్యతను బట్టి మరిన్ని పర్చేజ్ విండో సమయాలను భవిష్యత్తులో ప్రకటించే అవకాశం ఉంది.
