Telangana Agriculture Pre Budget 2026 : రాష్ట్రంలో వ్యవసాయ రంగాన్ని బలోపేతం చేసే దిశగా తెలంగాణ ప్రభుత్వం కీలక అడుగులు వేస్తోంది. శుక్రవారం డాక్టర్ బి.ఆర్. అంబేద్కర్ సచివాలయంలో నిర్వహించిన ప్రీ-బడ్జెట్ సమావేశంలో డిప్యూటీ సీఎం భట్టి విక్రమార్క (Bhatti Vikramarka), మంత్రులు తుమ్మల నాగేశ్వరరావు, ఉత్తమ్ కుమార్ రెడ్డి వ్యవసాయ శాఖ ప్రతిపాదనలపై సుదీర్ఘంగా చర్చించారు.

Table of Contents

మహిళా సంఘాల ద్వారా ప్రకృతి వ్యవసాయం

ఆర్గానిక్ ప్రకృతి వ్యవసాయంలో (Natural Farming) మహిళా స్వయం సహాయక సంఘాలను (SHGs) భాగస్వాములను చేయాలని డిప్యూటీ సీఎం అధికారులను ఆదేశించారు. మహిళా సంఘాల ద్వారా కూరగాయలు, పూల సాగు చేయించాలి. ఈ ఉత్పత్తులకు ప్రభుత్వం తరపున సరైన మార్కెటింగ్ సౌకర్యాలు కల్పించాలి.

Agriculture Pre Budget 2026 : సోలార్ విద్యుత్ కేంద్రాలుగా రైతు వేదికలు

వ్యవసాయ శాఖకు విద్యుత్ ఖర్చులు తగ్గించడంతో పాటు ఆదాయాన్ని పెంచేందుకు డిప్యూటీ సీఎం ఒక అద్భుతమైన సూచన చేశారు:

రైతు వేదికలు, అగ్రికల్చర్ మార్కెట్ గోడౌన్లు, వేర్ హౌసింగ్ గోదాములపై సోలార్ రూఫ్ టాప్స్ (Solar Rooftop) ఏర్పాటు చేయాలి.
దీనికోసం రెడ్కో (REDCO) సంస్థతో సంప్రదింపులు జరపాలని అధికారులను ఆదేశించారు.
ఈ విధానం ద్వారా ఉత్పత్తి అయిన విద్యుత్తును వాడుకోవడమే కాకుండా, మిగిలిన విద్యుత్తును విక్రయించి ఆర్థికంగా బలోపేతం కావచ్చని తెలిపారు.

రైతు సంక్షేమమే ధ్యేయం – మంత్రి తుమ్మల

గత ప్రభుత్వ హయాంలో లేని విధంగా ప్రస్తుతం ప్రజా ప్రభుత్వం రైతులకు పెద్దపీట వేస్తోందని మంత్రి తుమ్మల నాగేశ్వరరావు పేర్కొన్నారు. రైతులకు పెద్ద సంఖ్యలో సబ్సిడీపై యంత్ర పరికరాలు పంపిణీ చేస్తున్నాం. విత్తనాలను సైతం రాయితీపై రైతులకు సకాలంలో అందజేస్తున్నాం. ఈ సంక్షేమ పథకాల గురించి రైతులకు క్షేత్రస్థాయిలో పూర్తి అవగాహన కల్పించాలని మంత్రులు సూచించారు.

సాగు, ధాన్యం సేకరణపై చర్చ

రాష్ట్రంలో ఎత్తిపోతల పథకాల కింద పంటల సాగు, నీటి సరఫరా, యాసంగి వరి సాగు, మరియు రాబోయే ధాన్యం సేకరణ తదితర అంశాలపై మంత్రులు ఉత్తమ్ కుమార్ రెడ్డి, తుమ్మల నాగేశ్వరరావు సమీక్షించారు.

పర్యావరణ పరిరక్షణలో భాగస్వాములు అవుదాం.. హరిత భారతాన్ని నిర్మిద్దాం!

గ్రీన్ మొబిలిటీ, సోలార్ ఎనర్జీ మరియు పర్యావరణానికి సంబంధించిన తాజా విశేషాల కోసం హరితమిత్రను సందర్శిస్తూ ఉండండి. నిరంతర వార్తా అప్‌డేట్స్ కోసం మా సోషల్ మీడియా వేదికలపై కనెక్ట్ అవ్వండి: