Kinetic Green నుంచి జింగ్ హైస్పీడ్ ఎలక్ట్రిక్ స్కూటర్
Zing High Speed Scooter :
60కి.మి టాప్ స్పీడ్, 120కి.మి రేంజ్, ధర .85,000
ప్రముఖ ఎలక్ట్రిక్ వాహనాల తయారీ సంస్థ Kinetic Green Energy and Power Solutions ( కైనెటిక్ గ్రీన్ ఎనర్జీ అండ్ పవర్ సొల్యూషన్స్) రూ. 85,000 ధరలో Zing High Speed Scooter (జింగ్ హై స్పీడ్ స్కూటర్) ను విడుదల చేసింది.
ఈ స్కూటర్ సింగిల్ చార్జిపై గరిష్టంగా 125కిమీ ప్రయాణిస్తుంది. అలాగే గరిష్ట వేగం గంటకు 60కిమీ. ఇది మూడు స్పీడ్ మోడ్తో వస్తుంది.అవి నార్మల్, ఎకో, పవర్. ఇందులో పార్ట్ ఫెయిల్యూర్ ఇండికేటర్ ఉంటుంది.
Zing ఎలక్ట్రిక్ స్కూటర్లో 3.4 KwH లిథియం-అయాన్ బ్యాటరీ ను అమర్చారు. ఇది 3 గంటలలోపు పూర్తిగా ఛార్జ్ చేయబడుతుందని కంపెనీ పేర్కొంది. ఇది 3-దశల అడ్జెస్టబుల్ సస్పెన్షన్, రీ-జెనరేటివ్ బ్రేకింగ్ సిస్టమ్ కలిగి ఉంది.
అదనపు ఫీచర్ల విషయానికొస్తే..ఇందులో క్రూయిజ్ కంట్రోల్, మల్టీ-ఫంక్షనల్ డ్యాష్బోర్డ్, USB పోర్ట్, డిటాచబుల్ బ్యాటరీ స్మార్ట్ రిమోట్ కీ ఉంటుంది.
Kinetic Green Zing స్కూటర్పై 3 సంవత్సరాల వారంటీని అందిస్తోంది. ఇది తన కస్టమర్లకు సులభమైన ఫైనాన్సింగ్ స్కీంలను అందించడానికి శ్రీరామ్ సిటీ యూనియన్, ఐడిఎఫ్సి ఫస్ట్ బ్యాంక్, టాటా క్యాపిటల్ ఫైనాన్షియల్ సర్వీసెస్, ఇండస్ఇండ్ బ్యాంక్, ఇతరులతో ఒప్పందం కుదుర్చుకుంది.
Zing హైస్పీడ్ ఎలక్ట్రిక్ స్కూటర్ లాంచ్పై కైనెటిక్ గ్రీన్ వ్యవస్థాపకుడు, CEO సులజ్జ ఫిరోడియా మోత్వాని మాట్లాడుతూ “Zing ఎలక్ట్రిక్ స్కూటర్ను విడుదల చేయడం ప్రపంచ స్థాయి EV సాంకేతికతను అందించే తమ నిబద్ధతకు నిదర్శనమని తెలిపారు. 125 కిమీల అత్యుత్తమ శ్రేణితో ఈ మోడల్ను విడుదల చేయడం గర్వంగా ఉందని తెలిపారు. లక్షణాలు.
“కైనెటిక్ గ్రూప్కి ద్విచక్ర వాహన రంగంలో అద్భుతమైన అనుభవం ఉంది. కైనెటిక్ లూనా, కైనెటిక్ హోండా స్కూటర్, కైనెటిక్ గ్రీన్ వంటి అధునాతన ద్విచక్ర వాహనాలను అభివృద్ధి చేయడంలో రాబోయే సంవత్సరాల్లో ఎలక్ట్రిక్ టూ-వీలర్ స్పేస్లో చాలా దుకుడును ప్రదర్శించేందుకు సిద్ధమైంది. భారతదేశంలో ఎలక్ట్రిక్ ద్విచక్ర వాహనాల రంగంలో విప్లవాత్మక మార్పులు తీసుకురావాలని ఈ బ్రాండ్ భావిస్తోంది.
ఎలక్ట్రిక్ త్రీ-వీలర్ సెగ్మెంట్లో విజయం సాధించిన తర్వాత ఎలక్ట్రిక్ ద్విచక్ర వాహనాలతో మాస్ మార్కెట్ సెగ్మెంట్లో సత్తా చాటాలని లక్ష్యంగా పెట్టుకున్నట్లు కంపెనీ తెలిపింది. కంపెనీ 2021లో 2 మోడళ్లను విడుదల చేసింది. ఇప్పటివరకు 40,000 స్కూటర్లను విక్రయించింది. Zing High Speed Scooter భారతదేశంలోని దాని 300కి పైగా ప్రత్యేకమైన కైనెటిక్ గ్రీన్ డీలర్ల వద్ద అందుబాటులో ఉంటుంది.
🌱 పర్యావరణ వార్తలు వెంటనే తెలుసుకోండి!
Green Mobility, Solar, EV, Environment కి సంబంధించిన తాజా వార్తలు కోసం Harithamitra ను Follow అవ్వండి.
♻️ Harithamitra – పర్యావరణానికి మీ డిజిటల్ మిత్రుడు
