Ornamental fish training | ఘంట‌శాల‌ : గ్రామీణ యువతకు స్వయం ఉఘ‌పాధి అవకాశాలను పెంపొందించే లక్ష్యంతో కృషి విజ్ఞాన కేంద్రం (KVK) ఆధ్వర్యంలో అలంకరణ చేపల (Ornamental Fish) పెంపకం యాజమాన్య పద్ధతులపై ప్రత్యేక శిక్షణా కార్యక్రమం నిర్వహించారు.
ఈ కార్యక్రమంలో కృషి విజ్ఞాన కేంద్రం సమన్వయకర్త డాక్టర్ డి. సుధారాణి మాట్లాడుతూ, అలంకరణ చేపల పెంపకం గ్రామీణ యువతకు మంచి స్వయం ఉపాధి మార్గమని తెలిపారు. తక్కువ పెట్టుబడితో, రోజువారీ పనులకు ఆటంకం లేకుండా అదనపు ఆదాయం పొందే అవకాశాలు ఉన్నాయని వివరించారు.

అలంకరణ చేపల పెంపకంపై కీలక సూచనలు

ఈ సందర్భంగా మత్స్య శాస్త్రవేత్త జె. యశ్వంత్ కుమార్ అలంకరణ చేపల పెంపకంపై సాంకేతిక అంశాలను వివరించారు. మంచినీరు, సముద్ర నీటిలో లభించే అలంకరణ చేపల రకాలు, అక్వేరియం తయారీకి అవసరమైన సామగ్రి, అక్వేరియం (Aquarium) సైజును బట్టి గాజు పలకల మందం ఎంపిక, అక్వేరియం తయారీలో తీసుకోవాల్సిన జాగ్రత్తలు, వివిధ రకాల అక్వేరియంల నిర్మాణ పద్ధతులు, చేపలకు అవసరమైన పోషక ఆహారం, నీటి నాణ్యత ప్రమాణాల ప్రాముఖ్యత, అలంకరణ చేపల పెంపకంలో నీటి నాణ్యత, సరైన ఆహారం, సరైన నిర్వహణ వంటి కీలక అంశాల గురించి వివరించారు.

ఈ శిక్షణ కార్యక్రమంలో గ్రామీణ యువత ఉత్సాహంగా పాల్గొన్నారు. ఈ శిక్షణ ద్వారా కొత్త నైపుణ్యాలు నేర్చుకుని స్వయం ఉపాధి అవకాశాలను వినియోగించుకోవాలని శాస్త్ర‌వేత్త‌లు సూచించారు.

Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. న్యూస్ అప్డేట్స్  కోసం  X , ఫేస్​బుక్​ పేజీ, వాట్సప్ చానల్ లో జాయిన్ కండి..