రోడ్ సైడ్ అసిస్టెంట్ కోసం Global Assure ఒప్పందం
బ్రిటన్కు చెందిన One Moto India సంస్థ తన వినియోగదారులకు రోడ్సైడ్ అసిస్టెన్స్ సేవలను అందించేందుకు Global Assure అనే కంపెనీతో ఒప్పందాన్ని కుదర్చుకుంది. ఎలక్ట్రిక్ బైక్ ఎక్కడైనా బ్రేక్డౌన్ లేదా ఇతర అత్యవసర పరిస్థితుల్లో One Moto ఇండియన్ కస్టమర్లకు 24×7 సపోర్టును అందించడానికి Global Assure ముందుకు వచ్చింది.
ఏయే సేవలంటే..
వాహనం లాగడం, ఫ్లాట్ టైర్ మరమ్మతు/మార్పు, ఆన్సైట్ రిపైర్మరమ్మతు, కీ లాకౌట్ సేవలు, అంబులెన్స్ రెఫరల్
వాహనం వెలికితీత ,హోటల్ సహాయం, 24×7 రెస్పాన్స్ సెంటర్
తాజా ఒప్పందం పై వన్ మోటో ఇండియా ప్రతినిధి ఆదిత్య రెడ్డి మాట్లాడుతూ.. తమ బ్రాండ్ నాణ్యమైన ఉత్పత్తిని అందించడంతోపాటు మంచి పోస్ట్ సేల్స్ సపోర్ట్ను అందించడానికి నిర్ణయించినట్లు తెలిపారు. గ్లోబల్ అష్యూర్తో అనుబంధం తమ లక్ష్యానికి అనుగుణంగా ఉంటుందని పేర్కొన్నారు. తమ కస్టమర్లకు భద్రత, సౌకర్యాన్ని అందించడంలో ఈ సంస్థ మతకు సహాయం చేస్తుందని తెలిపారు.
Global Assure ప్రతినిధి రోహిత్ గుప్తా మాట్లాడుతూ.. “One Moto అనేది ప్రీమియం EV టూ వీలర్ బ్రాండ్. RSA కోసం వారి భాగస్వామిగా ఎంపికైనందుకు సంతోషిస్తున్నామని తెలిపారు. మా విస్తృత నెట్వర్క్, వారి కస్టమర్ పాన్ ఇండియాకు టోల్ ఫ్రీ కస్టమర్ సపోర్ట్ అందించడం వల్ల EV వినియోగదారులకు సౌకర్యంగా ఉంటుందని తెలిపారు. ఇ-మొబిలిటీ మిషన్ను విజయవంతం చేయడానికి మా వంతు కృషి చేయడానికి మేము కట్టుబడి ఉన్నట్లు తెలిపారు.
విస్తరణ దిశగా One Moto
వన్ మోటో ఇండియా భారతదేశంలో తన లైనప్ను వేగంగా విస్తరిస్తోంది. కంపెనీ ప్రస్తుతం భారతీయ మార్కెట్లో బైకా, కమ్యుటా, ఎలెక్టా అనే మూడు ఎలక్ట్రిక్ ద్విచక్ర వాహనాలను విక్రయిస్తోంది. దేశంలోని దక్షిణ భాగంలో బ్రాండ్ బలమైన నెట్వర్క్ను కలిగి ఉంది. ఇది ప్రస్తుతం 5 రాష్ట్రాల్లోని 10 నగరాల్లో ఉనికిని కలిగి ఉంది. అయితే, ఆర్థిక సంవత్సరం చివరి నాటికి 50,000 యూనిట్లకు పైగా ఉత్పత్తి చేయాలని కంపెనీ లక్ష్యంగా పెట్టుకుంది. ప్రస్తుతం తెలంగాణలోని హైదరాబాద్లో ప్రధాన కార్యాలయం కలిగి ఉంది. వన్ మోటో ఇండియా 75 టచ్పాయింట్లతో కూడిన విస్తారమైన డీలర్షిప్లను కలిగి ఉంది.
