MG మోటార్ ఇండియా తన రెండో ఎలక్ట్రిక్ కారు 2022 ZS EV ని విడుదల చేసింది. MG కంపెనీ తన మొదటి ఎలక్ట్రిక్ కారు ZS EV ని 2019లో విడుదల చేయగా, ఇప్పుడు ఈ వాహనానికి చాలా మార్పులు చేసి 2022 ZS EV తాజాగా ప్రవేశపెట్టింది.
ఇందులో రెండు వేరియంట్లు ఉన్నాయి. మొదటిది ఎక్సైట్ ( Excite) రెండోది ఎక్స్క్లూజివ్( Exclusive). 2022 ZS EV ధరలు రూ. 21.99 లక్షల (ఎక్సైట్) నుంచి ప్రారంభమవుతాయి. 2022 ZS EV Exclusive వేరియంట్కి 25.88 లక్షల వరకు ఉంటుంది. ఎక్స్క్లూజివ్ వేరియంట్ ప్రస్తుతం అందుబాటులో ఉండగా, ఈ ఏడాది జూలై నుంచి ఎక్సైట్ వేరియంట్ అందుబాటులో వస్తుందని కంపెనీ ప్రకటించింది. గతంతో ZS EV భారతదేశంలో ₹ 19.88 లక్షల నుంచి ప్రారంభమైంది.
ఎక్స్టీరియర్
MG ZS EV వెలుపలి భాగం లో చాలా మార్పులు చేశారు. ముందుభాగం గ్రిల్పై చార్జింగ్ సాకెట్ MG లోగో వెనుక నుండి MG లోగో యొక్క ఎడమ వైపుకు మార్చారు. ఫ్రంట్ బంపర్ పదునైన డిజైన్తో, రెండు చివర్లలో వర్టికల్ ఇన్టేక్స్తో విశాలమైన సెంట్రల్ ఎయిర్ డ్యామ్తో రీడిజైన్ చేశారు. MG ZS EV 17-అంగుళాల అల్లాయ్ వీల్స్ ఉన్నాయి. వెనుక భాగంలో కొత్త టెయిల్-లైట్ డిజైన్, రిఫ్రెష్ చేయబడిన బంపర్లు ఉంటాయి. LED DRLలు, LED టైల్లైట్లు, రూఫ్ రెయిల్లు, వెనుక స్పాయిలర్, సైడ్ ఇండికేటర్లతో.. ORVMలతో కూడిన లండన్-ఐ ప్రొజెక్టర్ హెడ్ల్యాంప్లు ఉన్నాయి.
ఇంటీరియర్
వాజ్ఞనం క్యాబిన్ MG ఆస్టర్ తరహాలో అప్డేట్ చేశారు. ఇన్స్ట్రుమెంట్ క్లస్టర్తో కూడా కొత్తగా ఉంటుంది. ZS EV వెనుక సీట్ల కోసం సెంటర్ ఆర్మ్రెస్ట్, కప్-హోల్డర్లు, సెంటర్ హెడ్రెస్ట్, వెనుక AC వెంట్లను కూడా ఏర్పాటు చేశారు.
పవర్ట్రెయిన్
MG ZS EV కూడా 50.3 kWh బ్యాటరీ ప్యాక్ ద్వారా శక్తిని పొందుతుంది. ఇది మాగ్నెట్ సింక్రోనస్ మోటార్కు పవర్ను అందిస్తుంది. 174 bhpని శక్తిని విడుదల చేస్తుంది. ఇది సింగిల్ ఛార్జ్పై 461 కిమీ పరిధి అందిస్తుందని కంపెనీ పేర్కొంది. ఇది మునుపటి వెర్షన్తో పోల్చితే చాలా ఎక్కువ. , ఎందుకంటే గత వాహనం రేంజ్ 419 కిమీ. ఇది కేవలం 8.5 సెకన్లలోనే 0-100 kmph వేగాన్ని అందుకుంటుంది.
MG ZS EV ఫీచర్లు
MG ZS EV పాత 8-అంగుళాల టచ్స్క్రీన్ ఇన్ఫోటైన్మెంట్ సిస్టమ్ స్థానంలో కొత్త 10.1-అంగుళాల టచ్స్క్రీన్ ఇన్ఫోటైన్మెంట్ సిస్టమ్ను ఏర్పాటు చేశారు. సెగ్మెంట్-మొదటి ఆండ్రాయిడ్ ఆటో, ఆపిల్ కార్ప్లే కనెక్టివిటీ ఫీచర్లు ఉన్నాయి. ఇది పనోరమిక్ సన్రూఫ్, పవర్డ్ డ్రైవర్ సీటు, వైపర్లతో కూడిన ఆటోమేటిక్ హెడ్ల్యాంప్లు, కనెక్ట్ చేయబడిన కార్ టెక్నాలజీ, ఆరు ఎయిర్బ్యాగ్లు, హిల్ స్టార్ట్/డీసెంట్ కంట్రోల్, ఎలక్ట్రానిక్ స్టెబిలిటీ కంట్రోల్ వంటి ఫీచర్లను అందిస్తున్నారు.
Good
[…] కీలకమైనది EV పర్యావరణ వ్యవస్థ. 2020లో ZS EVని ప్రారంభించినప్పటి నుంచి MG బలమైన EV […]
[…] EV నేపథ్యాన్ని కలిగి ఉంది. ఈ కంపెనీ MG ZS EVని విడుదల చేసింది. ఇప్పుడు, కొత్త MG […]
[…] మోటార్ ఇటీవల భారతదేశంలో తన ZS EV ఆల్-ఎలక్ట్రిక్ SUVని విడుదల చేసింది. దాని హెక్టర్ […]