ఎలక్ట్రిక్ స్కూటర్ కొనాలనుకునేవారికి గుడ్ న్యూస్.. ఏథర్ ఎంట్రీ లెవల్ వేరియంట్ వచ్చేసింది. ధర ఎంతంటే..?
ఏథర్ ఎనర్జీ (Ather Energy) తన ఎంట్రీ వేరియంట్ 450S ఎలక్ట్రిక్ స్కూటర్ కు సంబంధించి కొత్త ధరలను ప్రకటించింది. ఈ స్కూటర్ ను మరింత మంది వినియోగదారులకు అందుబాటులోకి తీసుకురావడానికి భారీగా ధరను తగ్గించేసింది. ప్రస్తుతం ఏథర్ 450S స్కూటర్ (Ather 450S price) ను బెంగళూరులో రూ. 1,09,000 ప్రారంభ ధరతో అలాగే ఢిల్లీలో రూ. 97,500 ధరకు అందిస్తోంది.
ఏథర్ 450S ఎలక్ట్రిక్ సూటర్ సవరించిన ధరల గురించి వ్యాఖ్యానిస్తూ, ఏథర్ ఎనర్జీ చీఫ్ బిజినెస్ ఆఫీసర్ రవ్ నీత్ సింగ్ ఫోకెలా మాట్లాడుతూ.. ఎలక్ట్రిక్ స్కూటర్లపై పెరుగుతున్న డిమాండ్ ను పరిష్కరించడానికి ఏథర్ దూకుడుగా వ్యవహరిస్తోందని తెలిపారు. ఈ డిమాండ్ ను తీర్చడానికి, మేము ఈ త్రైమాసికంలో దాదాపు 100 రిటైల్ టచ్ పాయింట్ లను ప్రారంభించామని చెప్పారు. మొత్తం టచ్ పాయింట్ లను 350 వరకు తీసుకొచ్చామని తెలిపారు. దీంతో పాటు, తాము ఎంట్రీ-లెవల్ స్కూటర్ అయిన ఏథర్ 450Sని చాలా తక్కువ ధర...
