Toyota Urban Cruiser EV | భారత ఆటోమొబైల్ మార్కెట్లో ఎలక్ట్రిక్ వాహనాల (EV) హవా పెరుగుతున్న క్ర‌మంలో ప్రముఖ కార్ల తయారీ సంస్థ టయోటా (Toyota) తన తొలి ఎలక్ట్రిక్ ఎస్యూవీ ‘అర్బన్ క్రూయిజర్ EV’ ని ప్రకటించింది. మారుతి సుజుకి భాగస్వామ్యంతో రూపొందుతున్న ఈ కారు, ఇప్పటికే గ్లోబల్ మార్కెట్లో ఉన్న మారుతి సుజుకి ఇ విటారా (e Vitara) ఆధారంగా అభివృద్ధి చేయబడింది.

డిజైన్

• Toyota Urban Cruiser EV , ఇ విటారా రెండూ ఒకే ప్లాట్‌ఫామ్, హార్డ్‌వేర్‌ను పంచుకున్నప్పటికీ, టయోటా తనదైన శైలిలో మార్పులు చేసింది:
• ఫ్రంట్ లుక్: టయోటా సిగ్నేచర్ స్టైల్‌తో కూడిన రీడిజైన్డ్ బంపర్, గ్రిల్.
• లైటింగ్: స్వెప్ట్-బ్యాక్ హెడ్‌ల్యాంప్‌లు మరియు ప్రత్యేకమైన LED DRLలు.
• లోగో: సుజుకి బ్యాడ్జ్‌ల స్థానంలో టయోటా లోగోలు ఉంటాయి.
• డైమెన్షన్స్: ఇ విటారాతో సమానంగా ఉన్నప్పటికీ, బంపర్ డిజైన్ వల్ల కొద్దిగా పొడవు మారే అవకాశం ఉంది.

ఇంటీరియర్, ఫీచర్లు

లోపల క్యాబిన్ లేఅవుట్ దాదాపు ఇ విటారాను పోలి ఉంటుంది. కానీ థీమ్స్ పరంగా మార్పులు ఉన్నాయి.
10.25-అంగుళాల భారీ టచ్‌స్క్రీన్ ఇన్ఫోటైన్‌మెంట్ మరియు అదే పరిమాణంలో డిజిటల్ ఇన్‌స్ట్రుమెంట్ క్లస్టర్ ఉంటుంది. ప్రీమియం JBL సౌండ్ సిస్టమ్, యాంబియంట్ లైటింగ్ మరియు 360-డిగ్రీ కెమెరా ఉంటుంది. ఇండియా వెర్షన్‌లో ఆల్-బ్లాక్ ఇంటీరియర్ థీమ్ ఉండే అవకాశం ఉంది.

బ్యాటరీ ప్యాక్, పనితీరు

అంతర్జాతీయ మార్కెట్ ప్రకారం, ఈ ఎలక్ట్రిక్ SUV రెండు రకాల బ్యాటరీ ఎంపికలతో రానుంది:
49 kWh బ్యాటరీ: ఇది సుమారు 142 hp శక్తిని ఉత్పత్తి చేస్తుంది (ఫ్రంట్ వీల్ డ్రైవ్).
61 kWh బ్యాటరీ: ఇది 172 hp శక్తిని అందిస్తుంది.
రేంజ్: ఒకసారి ఛార్జ్ చేస్తే సుమారు 500 కి.మీ నుండి 550 కి.మీ వరకు ప్రయాణించవచ్చని అంచనా.
విదేశాలలో ఆల్-వీల్ డ్రైవ్ (AWD) వెర్షన్ ఉన్నప్పటికీ, భారత్‌లో ఇది వస్తుందా లేదా అనేది ఇంకా స్పష్టత లేదు.

ధర, లాంచ్ ఎప్పుడు?

ఈ కారు 2026 ప్రారంభంలో (ముఖ్యంగా జనవరి-ఫిబ్రవరి నెలల్లో) భారత్‌లో అధికారికంగా విడుదలయ్యే అవకాశం ఉంది. దీని ఎక్స్-షోరూమ్ ధర ₹18 లక్షల నుండి ₹25 లక్షల మధ్య ఉండవచ్చని మార్కెట్ నిపుణులు భావిస్తున్నారు. ఇది మార్కెట్లో ఉన్న టాటా కర్వ్ EV, ఎంజీ జెడ్ఎస్ ఈవీ (MG ZS EV) మరియు రాబోయే హ్యుందాయ్ క్రెటా EV లతో గట్టిగా పోటీ పడనుంది.

Please leave this field empty

👉 “Eco friendly & environmental news updates for Free”

వ్యవసాయం, సోలార్​​ ఎనర్జీ, గ్రీన్​ మొబలిటికి సంబంధించిన అప్‌డేట్స్​ను ఉచితంగా పొందండి!"

We don’t spam! Read our privacy policy for more info.

Check your inbox or spam folder to confirm your subscription.