Warangal Market Prices Today | వరంగల్ మార్కెట్ కమిటీ కార్యాలయం వెల్లడించిన గణాంకాల ప్రకారం, ప్రధాన పంటలైన మిర్చి, పత్తి ధరల్లో నిలకడ కనిపిస్తోంది. నేటి ధరల వివరాలు ఇలా ఉన్నాయి.

మిర్చి ధరల హవా

నేటి మార్కెట్‌లో మిర్చి (Chilli Rates) క్రయవిక్రయాలు భారీగా జరిగాయి. మొత్తం 28,127 బస్తాల మిర్చి రాగా, వివిధ రకాల మిర్చికి గరిష్ట ధరలు ఇలా ఉన్నాయి: వండర్ హాట్ ర‌కానికి మార్కెట్‌లో అత్యధికంగా క్వింటాల్‌కు 37,000/- గరిష్ట ధర పలికింది. తేజ మిర్చి ధర క్వింటాల్‌కు గరిష్టంగా 18,100/-, కనిష్టంగా 12,000/- గా నమోదైంది.
US 341ర‌కం రూ. 23,500/- పలకగా, మోడల్ ధర 19,000/- వద్ద ఉంది. ఇక దీపిక & దేశి: ఈ రకాలు క్వింటాల్‌కు 25,000/- వరకు ధర పలికాయి. తేజ ఏసీ క్వింటాల్‌కు గరిష్టంగా 17,000/- పలికింది.

పత్తి, అపరాలు

వ‌రంగ‌ల్ ఏనుమాముల మార్కెట్‌కు మొత్తం 1,315 బస్తాల పత్తి రాగా, సీసీఐ (CCI) ద్వారా గరిష్ట ధర 8,010/- పలికింది. వ్యాపారస్తుల వద్ద గరిష్ట ధర 7,510/- గా నమోదైంది. పత్తి కనీస మద్దతు ధర (MSP) ప్రస్తుతం 8,110/- గా ఉంది.
కందులు క్వింటాల్‌కు గరిష్టంగా 7,359/- పలికింది. దీని కనీస మద్దతు ధర 8,000/- గా ఉన్నప్పటికీ, రైతులు అంతకంటే తక్కువ ధరకే విక్రయించాల్సి వస్తోంది.
పెసర్లు గరిష్టంగా 8,212/- పలికినప్పటికీ, ఇది మద్దతు ధర (8,768/-) కంటే తక్కువగా ఉండటం గమనార్హం.
మినుములు: క్వింటాల్ గరిష్ట ధర 8,301/- పలికింది.

మొత్తానికి వరంగల్ మార్కెట్‌లో మిర్చికి మంచి డిమాండ్ కొనసాగుతోంది, ముఖ్యంగా వండర్ హాట్ రకం అత్యధిక ధరను సొంతం చేసుకుంది. అయితే, పత్తి, కొన్ని అపరాల ధరలు కనీస మద్దతు ధర కంటే కొంచెం తక్కువగా ఉండటం రైతుల్లో కొంత ఆందోళన కలిగిస్తోంది. ఈ ధరలు మార్కెట్ ఒడిదుడుకులకు అనుగుణంగా మారుతుంటాయి, రైతులు విక్రయించే ముందు మార్కెట్ అధికారులను సంప్రదించాలి”

Please leave this field empty

👉 “Eco friendly & environmental news updates for Free”

వ్యవసాయం, సోలార్​​ ఎనర్జీ, గ్రీన్​ మొబలిటికి సంబంధించిన అప్‌డేట్స్​ను ఉచితంగా పొందండి!"

We don’t spam! Read our privacy policy for more info.

Check your inbox or spam folder to confirm your subscription.