విపణిలోకి WardWizard electric scooters
55కి.మి స్పీడ్, 100 కి.మి. రేంజ్
WardWizard electric scooters గుజరాత్కు చెందిన ఎలక్ట్రిక్ టూ-వీలర్ తయారీ సంస్థ ‘వార్డ్విజార్డ్ ఇటీవల రెండు కొత్త ‘మేడ్-ఇన్-ఇండియా’ హై-స్పీడ్ స్కూటర్లను విడుదల చేస్తున్నట్లు ప్రకటించింది ఇందులో మొదటిది వోల్ఫ్ ప్లస్, రెండోది జెన్ నెక్స్ట్ నాను ప్లస్
Wolf+ ధర ₹1.10 లక్షలు (ఎక్స్-షోరూమ్) కాగా, Gen Next Nanu+ అలాగే Del Go ధర వరుసగా ₹1.06 లక్షలు, ₹1,14,500 (ఎక్స్-షోరూమ్).
హై-స్పీడ్ ఎలక్ట్రిక్ స్కూటర్ సెగ్మెంట్లోకి తాము ప్రవేశించినట్లు కంపెనీ పేర్కొంది. ‘మేక్-ఇన్-ఇండియా స్ఫూర్తితో కొత్త స్కూటర్లను రూపొందించినట్లు తెలిపింది. గుజరాత్లోని వడోదరలో ఉన్న అత్యాధునిక తయారీ కేంద్రంలో కంపెనీ స్కూటర్లను తయారు చేయనుంది.
కంపెనీ 2022 ఫిబ్రవరి 11 నుంచి ఈ కొత్త స్కూటర్ బుకింగ్లను ప్రారంభించింది. మూడు మోడల్లు 3 సంవత్సరాల వారంటీతో వస్తాయని వార్డ్విజార్డ్ ఇన్నోవేషన్స్ & మొబిలిటీ చైర్మన్ & మేనేజింగ్ డైరెక్టర్ యతిన్ గుప్తే అన్నారు.
WardWizard electric scooters Wolf+, Gen Next Nanu ఫీచర్లు ఇవీ
కొత్త Wolf+, Gen Next Nanu ఎలక్ట్రిక్ స్కూటర్లు కీలెస్ స్టార్ట్/స్టాప్, స్మార్ట్ కనెక్టివిటీ, డ్రైవింగ్ మోడ్లు, రిమోట్ అప్లికేషన్లు, రివర్స్ మోడ్, యాంటీ థెఫ్ట్ తోపాటు GPS ఎనేబుల్ వంటి స్మార్ట్ ఫీచర్లతో వస్తాయి. ఈ స్కూటర్లలో 1500W మోటార్ను వినియోగించారు. ఇది 20 Nm గరిష్ట టార్క్ను జనరేట్ చేస్తుంది. ఇది గంటకు గరిష్టంగా 55 kmph వేగంతో దూసుకుపోతుంది. అలాగే, WardWizard high-speed e-scooters లో 60V35Ah బ్యాటరీని అమర్చారు. ఈ స్కూటర్ సింగిల్ చార్జిపై సుమారు 100 కి.మీ వరకు ప్రయాణిస్తుంది.
“ వాహనదారులు ఇ-మొబిలిటీకి మారడానికి ప్రభుత్వం వివిధ ప్రోత్సాహకాలు, సబ్సిడీలను అందిస్తున్నందున అత్యాధునిక సాంకేతికత, ప్రపంచ స్థాయి ఉత్పత్తులతో ఈవీ పరిశ్రమ సామర్థ్యాన్ని బలోపేతం చేయడానికి తాము కృషి చేస్తున్నట్లు మేనేజింగ్ డైరెక్టర్ యతిన్ గుప్తే తెలిపారు. ఈ సంవత్సరం తాము మా పోర్ట్ఫోలియో, నెట్వర్క్ని విస్తరించడం, కొత్త విభాగాల్లోకి విస్తరించడంపై దృష్టి పెడుతున్నామని తెలిపారు.
