Lectrix EV : రూ.79,999 లకే కొత్త ఎలక్ట్రిక్ స్కూటర్.. సింగిల్ చార్జిపై 98కి.మీ మైలేజీ..

Lectrix EV LXS 2.0 electric scooter price in India : భారత ఆటోమొబైల్​ మార్కెట్​లో  ఎలక్ట్రిక్​ వాహనాలకు డిమాండ్ అమాంతం పెరుగుతోంది.  ఇందులో ద్విచక్ర వాహనాలకు విపరీతమైన డిమాండ్​ కనిపిస్తోంది. మరోవైపు ఆటోమొబైల్​ సంస్థలు పోటీపడి సరికొత్త  ఈవీలనుమార్కెట్ లోకి వదులుతున్నాయి.  తాజాగా ఎస్​ఏఆర్​ ఎలక్ట్రిక్​ మొబిలిటీ (SAR Electric Mobility) లో భాగమైన టూ వీలర్​ ఎలక్ట్రిక్​ వాహనాల తయారీ సంస్థ లెక్ట్రిక్స్​ ఈవీ (Lectrix EV).. కొత్తగా LXS 2.0 పేరుతో ఒక ఎలక్ట్రిక్​ స్కూటర్​ని ప్రారంభించింది.  ఈ మోడల్​ ఫీచర్స్​, రేంజ్​, ధర తదితర  వివరాలను ఇక్కడ తెలుసుకుందాం..

లెక్ట్రిక్స్​ ఈవీ కొత్త ఎలక్ట్రిక్​ స్కూటర్​..

లెక్ట్రిక్స్​ ఈవీ కంపెనీకి  మార్కెట్​లో.. ఇప్పటికే  ఎల్​ఎక్స్​ఎస్​ 3.0  ఎలక్ట్రిక్ స్కూటర్ ఉంది. కొత్తగా  లాంచ్​ అయిన ఎల్​ఎక్స్​ఎస్​ 2.0.. దాని కింది సెగ్మెంట్ లో నిలుస్తుంది.  కొత్త Lectrix EV LXS 2.0 లో  2.3 kwh  ​ బ్యాటరీ ప్యాక్​,  బీఎల్​డీసీ హబ్​ మోటార్ఉం ఉంటుంది. దీని టాప్​ స్పీడ్​ గంటకు  60 కి.మీ​.  దీని బ్యాటరీని ఒక్కసారి ఛార్జ్​ చేస్తే.. 98 కి.మీలు ప్రయాణిస్తుందని కంపెనీ పేర్కొంది.

Lectrix EV LXS 2.0 range : 25 లీటర్ల అండర్​ సీట్ బూట్ స్పేస్ ఉంటుంది.  ఫాలో-మీ హెడ్​ల్యాంప్​ ఫంక్షన్​, 90/100 ఫ్రెంట్​- 110/90 10- ఇంచ్​ టైర్ల​తో పాటు మరిన్ని ఫీచర్లు ఇందులో ఉన్నాయి. మైలేజీతోపాటు  బిల్ట్ క్వాలిటీ, డబ్బుక తగిన విలువ కోసం చూసే వినియోగదారుల కోసం  తమ కొత్త ఎలక్ట్రిక్​ స్కూటర్​.. ఎల్​ఎక్స్​ఎస్​ 2.0 చక్కగా సరిపోతుందని  లెక్ట్రిక్స్​  ఈవీ కంపెనీ చెబుతోంది.

ఎస్​ఏఆర్​ ఎలక్ట్రిక్​ మొబిలిటీ  ఎండీ, సీఈఓ క విజయ కుమార్​  మాట్లాడుతూ..  “వాల్యూ కోసం చూసే వినియోగదారుల  ఆలోచనలను మేము  అర్థం చేసుకోగలం. అందుకే  వారికి తగిన కొత్త ఈవీని తీసుకొచ్చాం. కొత్త -స్కూటర్​..  ఇన్నోవేషన్​, క్వాలిటీ విషయంలో మేం అస్సలు రాజీపడలేదు.” అని తెలిపారు.

లెక్ట్రిక్స్​ ఎల్​ఎక్స్​ఎస్​ 2.0 ధర

Best electric scooter in India :  లెక్ట్రిక్స్​ ఎల్​ఎక్స్​ఎస్​ 2.0 ఎలక్ట్రిక్​ స్కూటర్​ ధర(ఎక్స్​షోరూం) రూ. 79,999.  బుకింగ్స్​ ప్రారంభమయ్యాయి.  మార్చ్​లో డెలివరీలు మొదలవుతాయని  సమాచారం.   ఇక ఈ స్కూటర్​ కొనుగోలు దారులకు  3ఏళ్లు లేదా 3000 కి.మీల వరకు వారెంటీని ఇస్తోంది.  ఇందులో యాంటీ థెఫ్ట్​ సిస్టెమ్​ కూడా ఉండడం విశేషం.  ఎమర్జెన్సీ ఎస్​ఓఎస్​ కూడా ఉంది.. డోర్​ స్టెప్​ సర్వీస్​ని కూడా అందిస్తామని కంపెనీ  చెబుతోంది.కాగా తన పోర్ట్​ఫోలియోలోని ఎలక్ట్రిక్ వాహనాలు ఇప్పటికే దేశవ్యాప్తంగా 10వేలకుపైగా మందికి విక్రయించామని తెలిపింది.

ఈ వెబ్ సైట్ లో ఏదైనా వార్త/స్టోరీ మీకు నచ్చినట్లయితే కామెంట్ చేయడం మర్చిపోవద్దు. అలాగే మీతోటి స్నేహితులతో ఈ వార్తను పంచుకోగలరు.. కృతజ్ఞతలు..

Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..