70నగరాల్లో Revolt RV 400 బుకింగ్స్..
వరంగల్, వైజాగ్, గుంటూరు, విజయవాడలో షోరూంలు
రివోల్ట్ మోటార్స్ సంస్థ కొత్త Revolt RV 400 బుకింగ్లను అక్టోబర్ 21న తిరిగి ప్రారంభిస్తున్నట్లు ప్రకటించింది. ఈ ఎలక్ట్రిక్ మోటార్సైకిల్ ఇప్పుడు భారతదేశ వ్యాప్తంగా 70 నగరాల్లో అందుబాటులో ఉంటుంది.
రివోల్ట్ మోటార్స్ భారతదేశంలో మొట్టమొదటి ఎలక్ట్రిక్ మోటార్సైకిల్ రివోల్ట్ RV 400 ను 2019 సంవత్సరంలో మర్కెట్లోకి విడుదల చేసింది. ఇది దేశంలో వెంటనే ప్రాచుర్యం పొందింది. అయితే ఇప్పటి వరకు ఈ ఎలక్ట్రిక్ మోటార్సైకిల్ కేవలం 6 భారతీయ నగరాల్లో మాత్రమే అందుబాటులో ఉన్నందున దాని పరిధి చాలా పరిమితంగా ఉండేది. అంతేకాకుండా గత కొన్ని నెలలుగా దాని బుకింగ్లను మూసివేశారు. ఎందుకంటే పరిమితికి మించి బుకింగ్స్ రావడంతో కస్టమర్లకు సరైన సమయంలో డెలివరీ చేయని పరిస్థితి నెలకొంది. దీంతో కంపెనీ తన రివోల్ట్ RV 400 బుకింగ్లు అక్టోబర్ 21, 2021 న మధ్యాహ్నం 12 గంటలకు తిరిగి ప్రారంభిస్తామని ప్రకటించింది.
70 నగరాల్లో Revolt RV 400
రివోల్ట్ మోటార్స్ కొత్త రివాల్ట్ ఆర్వి 400 బుకింగ్లు భారతదేశంలో అక్టోబర్ 21 న తిరిగి ప్రారంభమవుతాయని ప్రకటించింది. ఈ ఎలక్ట్రిక్ మోటార్సైకిల్ ఇప్పుడు మొత్తం 70 భారతీయ నగరాల్లో అందుబాటులో ఉంటుంది. రివోల్ట్ యొక్క ఫ్లాగ్షిప్ ఎలక్ట్రిక్ మోటార్సైకిల్, RV 400 యొక్క కొత్త బ్యాచ్ బుకింగ్లు ఈ గురువారం కంపెనీ అధికారిక వెబ్సైట్లో ప్రారంభమవుతాయి. బుకింగ్లు ప్రారంభమైనప్పుడు కంపెనీ వెబ్సైట్కు లాగిన్ అవ్వవచ్చు. కొన్ని వారాల క్రితం, రత్తన్ ఇండియా ఎంటర్ప్రైజెస్ రివోల్ట్ కంపెనీలో గణనీయమైన వాటాను పొందడానికి 150 కోట్ల రూపాయల పెట్టుబడిని ప్రకటించింది. దీతో కంపెనీ ఇప్పుడు దేశవ్యాప్తంగా తన ఉనికిని విస్తరిస్తోంది. ఇంతకు ముందు, రివోల్ట్ RV 400 ఆరు నగరాల్లో మాత్రమే ఉండేది, కానీ ఇప్పుడు, ఏకంగా 70 భారతీయ నగరాల్లో అందుబాటులో ఉండనుంది.
ఏయే నగరాలంటే..
- హైదరాబాద్
- వరంగల్
- విజయవాడ
- గుంటూరు
- నెల్లూరు
- కర్నాల్
- ఢిల్లీ
- చెన్నై
- అహ్మదాబాద్
- పూణే
- ముంబై
- బెంగళూరు
- సూరత్
- జైపూర్
- కోల్కతా
- జోధ్పూర్
- ఆగ్రా
- వైజాగ్
- చండీగఢ్
- ఇండోర్
- లక్నో
- కోయంబత్తూర్
- రాయ్పూర్
- హుబ్లీ
- మధురై
- హిసార్
- అమృత్ సర్
- హల్ద్వానీ
- గురుగ్రామ్
- గౌహతి
- రాంచీ
- పాట్నా
- భువనేశ్వర్
- వడోదర
- గోవా
- నాగపూర్
- భోపాల్
- తిరుచిరాపల్లి
- బెల్గాం
- తిరుపతి
- జమ్మూ
- తిరువనంతపురం
- కొచ్చి
- డెహ్రాడూన్
- త్రిస్సూర్
- అలహాబాద్
- ఉదయ్పూర్
- వారణాసి
- లుధియానా
- నోయిడా
- ఫరీదాబాద్
- పానిపట్
- అంబాలా
- కాన్పూర్
- సిలిగురి
- కొల్హాపూర్
- ఔరంగాబాద్
- రాజ్కోట్
- నవీ ముంబై
- నాసిక్
- సేలం
- మంగళూరు
- మైసూర్
- మీరట్
- ఘజియాబాద్
- వాపి
- సోలన్
- కాలికట్
- పుదుచ్చేరి
- కోటా
రివాల్ట్ షోరూమ్లతో పాటు, తమ కస్టమర్ల అమ్మకాల అనంతర అవసరాలను తీర్చడానికి ఈ ప్రదేశాలలో సర్వీస్ టచ్పాయింట్లను తెరవనున్నట్లు రివోల్ట్ కంపెనీ ప్రకటించింది. అలాగే, కాబోయే కస్టమర్లు రివాల్ట్ ఎలక్ట్రిక్ మోటార్సైకిల్ టచ్ రైడ్లను దాని టచ్ పాయింట్లన్నింటిలోనూ పొందగలరు. రివాల్ట్ RV 400 ఎలక్ట్రిక్ బైక్లో 3kW ఎలక్ట్రిక్ మోటార్ను పొందుపరిచారు. ఇది గరిష్టంగా 80 kmph వేగతో దూసుకెళ్తుంది. అలాగే, ఇది సింగిల్ ఛార్జ్పై ARAI- సర్టిఫైడ్ రేంజ్ 156 కిమీ కలిగి ఉంది. దీని బ్యాటరీని సాధారణ ఛార్జర్ ద్వారా 4.5 గంటల్లో చార్జ్ చేయవచ్చు. రివోల్ట్ RV 400 ధర ప్రస్తుతం రాష్ట్ర సబ్సిడీలతో కలిపి రూ .1.25 లక్షలు.
