LetsTransport సంస్థతో వ్యూహాత్మక భాగస్వామ్యం
ఎలక్ట్రిక్ వాహనాల కోసం బ్యాటరీ మార్పిడి సేవలను అందించే ప్రముఖ సంస్థ సన్ మొబిలిటీ ( sun mobility ), తాజాగా హైపర్ లోకల్ థర్డ్-పార్టీ లాజిస్టిక్స్ అలాగే లాస్ట్-మైల్ /మిడిల్-మైల్ డెలివరీ రంగ సంస్థ అయిన LetsTransport తో వ్యూహాత్మక భాగస్వామ్యాన్ని ప్రకటించింది.
ఇందులో భాగంగా సన్ మొబిలిటీ త‌న స్వాప్ టెక్నాల‌జీతో నడిచే 100 ఎలక్ట్రిక్ త్రీ-వీలర్ కార్గో వాహనాలు ఇప్పటికే ఢిల్లీ-ఎన్‌సిఆర్, బెంగుళూరు అంతటా విస్తరించింది. వేగంగా అభివృద్ధి చెందుతున్న EV-ఆధారిత చివరి-మైలు డెలివరీ రంగంలో వచ్చే ఏడాదిలో ఈ రెండు సంస్థ‌లు 2,000 వాహనాలకు విస్తరించాలని యోచిస్తున్నాయి.
ఇ-కామర్స్, రిటైల్, 3PL, FMCG, బ్లూచిప్ కంపెనీలు అలాగే ఇతర ఎంటర్‌ప్రైజ్ క్లయింట్‌లకు సేవ‌ల‌దించాల‌ని కూడా వారు ప్లాన్ చేస్తున్నారు. ఢిల్లీ-NCR, బెంగుళూరు త‌ర్వాత హైదరాబాద్, ముంబై, పూణే, జైపూర్, అహ్మదాబాద్ వంటి ప్రధాన నగరాల్లో తమ కార్యకలాపాలను మరింత విస్తరించ‌నున్నాయి.
LetsTransport సంస్థ సహ వ్యవస్థాపకుడు, CEO పుష్కర్ సింగ్ మాట్లాడుతూ “తక్కువ నిర్వహణ , తక్కువ నిర్వహణ ఖర్చులతో EVలు ఇంట్రా-సిటీ, లాస్ట్-మైల్ లాజిస్టిక్స్‌లో కీలక పాత్ర పోషిస్తున్నాయ‌ని, EVల ఫైనాన్సింగ్‌ను ప్రారంభించడం, వివిధ CPOలు, CSOలతో భాగస్వామ్యం చేయడంతో పాటు సమీప భవిష్యత్తులో EVల పునఃవిక్రయం కోసం మార్కెట్‌ప్లేస్‌ను ప్రారంభించడం ద్వారా EV పర్యావరణ వ్యవస్థను బలోపేతం చేయడంపై దృష్టి సారించామ‌ని తెలిపారు.
సన్ మొబిలిటీ సీఈఓ అనంత్ బడ్జాత్యా మాట్లాడుతూ “మా ఎలక్ట్రిక్ మొబిలిటీ-యాజ్-ఎ-సర్వీస్ సొల్యూషన్‌కు చివరి మైలు డెలివరీకి అఖండమైన స్పందన లభించినందుకు సంతోషిస్తున్నామ‌ని తెలిపారు. LetsTransport తో పాటు, ఇ-కామర్స్, ఎఫ్‌ఎమ్‌సిజి, బ్లూచిప్, రిటైల్ పరిశ్రమలు సరసమైన, ఎలక్ట్రిక్ లాస్ట్-మైల్ డెలివరీ సేవలను అందించ‌డ‌మే తమ ల‌క్ష్య‌మ‌ని తెలిపారు.
LetsTransport అనేది IIT-ఖరగ్‌పూర్ పూర్వ విద్యార్థులచే స్థాపించబడినబెంగళూరుకు చెందిన ఇంట్రాసిటీ లాజిస్టిక్స్ సంస్థ, ఇది చిన్న ట్రక్కులు, పెద్ద వాహనాలతో పాటు స్క్రీన్డ్ డ్రైవర్లు, ఆడిట్ చేయబడిన, GPS-ప్రారంభించబడిన వాహనాలు, పాయింట్-టు-పాయింట్ బిల్లింగ్, స్థితి అప్‌డేట్ల‌ను అందిస్తుంది.
ఇక 2017లో స్థాపించబడిన సన్ మొబిలిటీ (sun mobility ) అనేది సన్ గ్రూప్ మైనీ గ్రూప్ మధ్య జాయింట్ వెంచర్. టూ, త్రీ-వీలర్లు, బస్సులతో సహా అన్ని ప్లాట్‌ఫారమ్‌లలో ఫ్లీట్ ఆపరేటర్లు, షేర్డ్ మొబిలిటీ ప్రొవైడర్లు, నగరాలు ఆటోమోటివ్ OEMలతో కలిసి పనిచేస్తోంది. ఇది భారతదేశంలోని 17 కంటే ఎక్కువ నగరాల్లో 107కి పైగా స్వాప్ పాయింట్‌లను ఏర్పాటు చేసింది.
