భారతదేశపు మొట్టమొదటి ఆటోమేటిక్ CNG-పవర్డ్ హ్యాచ్బ్యాక్, టియాగొ iCNG AMT గురించి మీరు తెలుసుకోవలసినది ఇక్కడ ఉంది.
టాటా మోటార్స్ ఇటీవలే భారత మార్కెట్లో మొట్టమొదటి CNG ఆధారిత ఆటోమేటిక్ హ్యాచ్బ్యాక్, టియాగో iCNG AMTని విడుదల చేసింది. టాటా మోటార్స్ ఎల్లప్పుడూ తన iCNG పోర్ట్ఫోలియోలో తన పెట్రోల్ వాహనాలలో ఉన్న అన్ని ఫీచర్లతో తీసుకురావాలని చూస్తోంది. అలాగే ఇప్పుడు కొత్తగా కంపెనీ CNG AMT వేరియంట్లను కూడా ప్రారంభించింది. ఈ Tiago iCNG గురించి మీరు తెలుసుకోవలసినది ముఖ్యవిషయాలు ఇక్కడ ఉన్నాయి.
టాటా టియాగో iCNG AMT: గేర్బాక్స్ ఇంజన్ స్పెక్స్
Tiago iCNG AMT Specifications : ఆటోమేటెడ్ మాన్యువల్ ట్రాన్స్మిషన్ (AMT) సాంకేతికంగా పూర్తిగా ఆటోమేటిక్ కాదు. అయితే ఇది ఇప్పటికీ పనిని పూర్తి చేస్తుంది. క్లచ్ పెడల్-లెస్ డ్రైవ్ అనుభవాన్ని అందిస్తుంది. టియాగో 5-దశల AMTతో వచ్చిన మొదటి CNG హ్యాచ్బ్యాక్.
టియాగో CNG 1.2-లీటర్ 3-సిలిండర్ పెట్రోల్ ఇంజన్తో పనిచేస్తుంది. CNG మోడ్లో, ఇది 72bhp మరియు 95Nm అవుట్పుట్ కలిగి ఉంది. పెట్రోల్ మోడ్లో ఇది 85bhp, 113Nm టార్క్ను ఉత్పత్తి చేస్తుంది.
| 1.2-litre Engine Specs | CNG Mode | Petrol Mode |
| Power | 72bhp | 85bhp |
| Torque | 95Nm | 113Nm |
టాటా టియాగో iCNG AMT: ధర, వేరియంట్లు
TATA Tiago iCNG AMT Price : టాటా మోటార్స్ టియాగో iCNG AMTని రూ. 7.90 లక్షల నుండి రూ. 8.90 లక్షల వరకు ఎక్స్-షోరూమ్ ధరలతో ఢిల్లీలో విడుదల చేసింది. ఈ ధరల ఆధారంగా AMT దాని మాన్యువల్ వేరియంట్ల కంటే రూ. 55,000 మాత్రమే ఎక్కువగా ఉంది. Tiago iCNG AMT మూడు వేరియంట్లలో లభిస్తుంది – XTA, XZA+ మరియు XZA NRG. XZA+ DT కూడా ఉంది. ఇది డ్యూయల్-టోన్ రంగులో ఉంటుంది. టాటా మోటార్స్ టియాగోలో కొత్త టోర్నాడో బ్లూను, టియాగో ఎన్ఆర్జిలో గ్రాస్ల్యాండ్ బీజ్ను కూడా పరిచయం చేసింది.
| Tiago iCNG AMT Variants | Price (Ex-showroom Delhi) |
| XTA | Rs 7.90 lakh |
| XZA+ | Rs 8.80 lakh |
| XZA+ DT (Dual Tone) | Rs 8.90 lakh |
| XZA NRG | Rs 8.80 lakh |
టియాగో ఐసీఎన్జీ AMT టెక్, కంఫర్ట్ ఫీచర్లతో వస్తున్నందున టాటా మోటార్స్ ఎటువంటి ఫీచర్ ను వదిలిపెట్టలేదు. టాప్-ఆఫ్-ది-లైన్ ట్రిమ్ హర్మాన్ నుండి 8-స్పీకర్ మ్యూజిక్ సిస్టమ్తో 7-అంగుళాల ఇన్ఫోటైన్మెంట్ సిస్టమ్ను కలిగి ఉంటుంది. ఇది ఆటోమేటిక్ క్లైమేట్ కంట్రోల్, స్టీరింగ్ మౌంటెడ్ కంట్రోల్స్, రెయిన్ సెన్సింగ్ వైపర్స్ ఫోల్డబుల్ ORVMలు, ఆటోమేటిక్ హెడ్లైట్లను పొందుతుంది. ఇది కాకుండా, Tiago iCNG AMT హైట్ అడ్జెస్్ చేసుకోగల డ్రైవర్ సీటు, టైర్ ప్రెజర్ మానిటరింగ్ సిస్టమ్తో కూడిన ఆల్-డిజిటల్ ఇన్స్ట్రుమెంట్ క్లస్టర్, వెనుక పార్కింగ్ కెమెరాతో వస్తుంది.
టాటా టియాగో iCNG AMT: స్మార్ట్ ఫంక్షన్
ఇతర టాటా మోటార్స్ CNG వాహనాల మాదిరిగానే, టియాగోను కూడా నేరుగా CNG మోడ్లో ప్రారంభించే అవకాశముంది. ఒకే ECUతో, ఇది సులభంగా CN,G పెట్రోల్ నుండి ఎటువంటి ఇబ్బంది లేకుండా మారుతుంది. ఇది మెరుగైన పనితీరు, సామర్థ్యాన్ని కూడా కలిగిఉంటుంది. టాటా మోటార్స్ ప్రకారం, టియాగో CNG AMT 28.06 km/kg మైలేజ్తి ఇస్తుంది. మెరుగైన బూట్ స్పేస్ కోసం, టియాగో 65-లీటర్ ట్విన్-సిలిండర్ CNG ట్యాంక్లను లగేజ్ ఏరియా ఫ్లోర్బోర్డ్ కింద అమర్చారు. దీనివల్ల కొంత బూట్ స్పేస్ లభిస్తుంది. ఇందులో మనం లగేజ్ ను పెట్టుకోవచ్చు.
ఈ కారు సేఫ్టీ ఫీచర్లలో రాజీలేదు..
టాటా టియాగో iCNG AMTలో ముందు భాగంలో ట్విన్ ఎయిర్బ్యాగ్లు, ఎలక్ట్రానిక్ బ్రేక్ఫోర్స్ సిస్టమ్ (EBD), యాంటీ-లాక్ బ్రేకింగ్ సిస్టమ్ (ABS), కార్నర్ స్టెబిలిటీ కంట్రోల్, ISOFIX, అన్ని సీట్ బెల్ట్ రిమైండర్లు ఉన్నాయి. ఇది CNG తో నడిచే వాహనం కాబట్టి, ఇంధన మూత తెరిచినట్లయితే దానంతట అదే కారు స్విచ్ ఆఫ్ చేసుకోవడం వంటి అదనపు భద్రతా ఫీచర్ ను కలిగి ఉంది. గ్యాస్ లీక్ అయితే CNG సిస్టమ్ ఆటోమేటిక్గా పెట్రోల్ మోడ్కి మారుతుంది. ఇది థర్మల్ ఇన్సిడెంట్ ప్రొటెక్షన్ ఫంక్షన్ను కలిగి ఉంది. ఇక్కడ సిస్టమ్ ఇంజిన్కు CNG సరఫరాను నిలిపివేస్తుంది. అలాగే పైపులో లీకేజీ ఏర్పడినప్పుడు ప్రత్యేక నాజిల్ ద్వారా నేరుగా ట్యూబ్ల నుండి గ్యాస్ ను గాలిలోకి విడుదల చేస్తుంది.
Green Mobility, Solar Energy, Organic Farming, Environment కి సంబంధించిన తాజా సమాచారం కోసం హరితమిత్ర ను సందర్శించండి.
Kiran Podishetty 
