New FASTag Rules | నేషనల్ పేమెంట్స్ కార్పొరేషన్ ఆఫ్ ఇండియా (NPCI) FASTag వినియోగదారుల కోసం కొత్త మార్గదర్శకాలను అమలు చేస్తోంది. ఇది మీ KYC ని అప్ డేట్ చేయాల్సి ఉంటుంది. ఫాస్ట్‌ట్యాగ్ అనేది వాహనాలకు ప్రీ-పెయిడ్ ట్యాగ్ సదుపాయం, ఇది టోల్ ప్లాజాల వద్ద వేచి ఉండాల్సిన అవసరం లేకుండా ట్రాఫిక్‌ను నాన్‌స్టాప్‌గా ప్రయాణించడానికి వీలు కల్పిస్తుంది. ఎలక్ట్రానిక్ టోల్ సేకరణ వ్యవస్థ ను మెరుగుపరచడానికి, టోల్ ప్లాజాల వద్ద వాహనాలు అగిపోకుండా సాఫీగా వెళ్లిపోవడానికి FASTag KYC చెక్ ప్రవేశపెట్టారు.

KYC అప్‌డేట్: FASTag వినియోగదారులు తమ KYC వివరాలను అక్టోబర్ 31 వరకు అప్‌డేట్ చేయాలి, ప్రత్యేకించి వారి FASTag 3 నుండి 5 సంవత్సరాల మధ్య ఉంటే తప్పనిసరి.

పాత ఫాస్ట్‌ట్యాగ్‌ల భర్తీ: ఐదేళ్ల కంటే పాత ఏవైనా ఫాస్ట్‌ట్యాగ్‌లు తప్పనిసరిగా భర్తీ చేయాలి.

వాహన వివరాలను లింక్ చేయడం: వాహనం రిజిస్ట్రేషన్ నంబర్, ఛాసిస్ నంబర్ తప్పనిసరిగా ఫాస్ట్‌ట్యాగ్‌తో లింక్ చేయబడాలి

కొత్త వాహన రిజిస్ట్రేషన్ అప్‌డేట్: కొత్త వాహన యజమానులు కొనుగోలు చేసిన 90 రోజులలోపు వారి ఫాస్ట్‌ట్యాగ్‌ని వాహనం రిజిస్ట్రేషన్ నంబర్‌తో అప్‌డేట్ చేయాలి.

డేటాబేస్ ధృవీకరణ: ఫాస్ట్‌ట్యాగ్ ప్రొవైడర్లు తమ డేటాబేస్‌లను తప్పనిసరిగా ధృవీకరించాలి

ఫోటో అప్‌లోడ్ : వాహ‌నం గుర్తింపు కోసం ఫాస్ట్‌ట్యాగ్ ప్రొవైడర్లు ఇప్పుడు వాహనం యొక్క ముందు, వెనుక‌వైపు స్పష్టమైన, అధిక నాణ్యత గల ఫోటోలను అప్‌లోడ్ చేయాల్సి ఉంటుంది.

మొబైల్ నంబర్ లింకింగ్: మెరుగైన కమ్యూనికేషన్ కోసం ప్రతి ఫాస్ట్‌ట్యాగ్‌ని మొబైల్ నంబర్‌కు లింక్ చేయడం తప్పనిసరి.

FASTag గురించి

New FASTag Rules  : ఫాస్ట్‌ట్యాగ్ అనేది భారతదేశం అంతటా ఉన్న టోల్ ప్లాజాల్లో ఒక విప్లవాత్మక ప్రీ-పెయిడ్ ట్యాగ్ సౌకర్యం. ఫాస్ట్‌ట్యాగ్ ఒకే అయిన తర్వాత, అది వాహనం విండ్‌స్క్రీన్‌పై అతికిస్తారు. దానిపై ఉన్న సమాచారం టోల్ ప్లాజాలోని యాంటెన్నా ద్వారా చదువుతుంది. ఫాస్ట్‌ట్యాగ్‌కి లింక్ చేయబడిన ఒకరి బ్యాంక్ ఖాతా నుంచి టోల్ డబ్బులను డెబిట్ చేస్తుంది.

దాదాపు ఎనిమిది కోట్ల మంది వినియోగదారులతో, ఫాస్ట్‌ట్యాగ్ దేశంలోని ఎలక్ట్రానిక్ టోల్ వసూలు వ్యవస్థ బలోపేతమైంది. ఫాస్ట్ ట్యాగ్ కు లింక్ చేసిన ఖాతా నుండి నేరుగా టోల్ చెల్లింపుల కోసం ఇది రేడియో ఫ్రీక్వెన్సీ ఐడెంటిఫికేషన్ (RFID) సాంకేతికతను ఉపయోగిస్తుంది.

వినియోగదారులు టోల్ ప్లాజాలు, ఇండియన్ ఆయిల్, హిందుస్థాన్ పెట్రోలియం, భారత్ పెట్రోలియం, బ్యాంకులు, పేటీఎం, అమెజాన్ నుంచి ఫాస్ట్‌ట్యాగ్‌లను కొనుగోలు చేయవచ్చు. ఫాస్ట్‌ట్యాగ్‌ని ఉపయోగించడం అనేక ప్రయోజనాలను అందిస్తుంది. ఇది అంతరాయం లేని ట్రాఫిక్ కదలికను అందిస్తుంది, కాగితాన్ని ఆదా చేయడంలో సహాయపడుతుంది, కాలుష్యంచ ట్రాఫిక్ రద్దీని తగ్గిస్తుంది సౌకర్యవంతంగా, నగదు రహితంగా ఉంటుంది.

Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి.