rooftop solar charging stations : పర్యావరణ అనుకూల ఎలక్ట్రిక్ వెహికల్ ఛార్జింగ్ ఎకోసిస్టమ్‌ను ఏర్పాటు చేసేందుకు ప‌లు పవర్ డిస్కమ్‌లు ముందుకొస్తున్నాయి. ఇందుకోసం రూఫ్‌టాప్ సోలార్ ఛార్జర్‌లను చార్జింగ్ పాయింట్ల‌కు అనుసంధానం చేయడం ప్రారంభించాయి.
పవర్ డిస్క‌మ్ BSES సౌత్ ఎక్స్‌టెన్షన్-II, భికాజీ కామా ప్లేస్‌లో రెండు సోలార్ EV ఛార్జింగ్ స్టేషన్‌ల (rooftop solar EV charging stations ) ను ఏర్పాటు చేసింది. త్వ‌ర‌లో ఇలాంటివే మ‌రో ఐదు చార్జింగ్ స్టేష‌న్ల‌ను ప్రారంభించే అవకాశం ఉంది. ఈ స్టేషన్లు రెండు, మూడు, నాలుగు చక్రాల ఎలక్ట్రిక్ వాహనాలకు చార్జింగ్ సౌక‌ర్యాన్ని అందిస్తాయి.
renewable energy
అధికారుల ప్రకారం, రూఫ్‌టాప్ సౌరశక్తితో నడిచే EV ఛార్జింగ్ స్టేషన్లు పగటిపూట EVలను ఛార్జ్ చేయడానికి పునరుత్పాదక శక్తిని ( renewable source of energy) ఉపయోగిస్తాయి, అయితే రాత్రి లేదా బాగా మేఘావృతమైన రోజున ఛార్జర్‌లు ఇతర ఛార్జింగ్ స్టేషన్‌ల మాదిరిగా గ్రిడ్ శక్తిని ఉపయోగిస్తాయి.
“గ్రిడ్ ఆధారిత ఛార్జింగ్ నెట్‌వర్క్‌కు భిన్నంగా EV ఛార్జింగ్ కోసం రూఫ్‌టాప్ సోలార్‌ను ఇన్‌స్టాల్ చేయడం వల్ల అనేక ప్రయోజనాలు ఉన్నాయి. ఇది పగటిపూట విద్యుత్ అవసరాన్ని తగ్గిస్తుంది. పునరుత్పాదక విద్యుత్ వనరుల ద్వారా EV ఛార్జింగ్ చక్రాన్ని మరింత డీకార్బోనైజ్ చేస్తుంది,” అని BSES తెలిపింది.
EVలను ఛార్జ్ చేయడానికి సౌరశక్తిని ఉపయోగించడం వల్ల ఛార్జింగ్ ఖర్చు గణనీయంగా తగ్గుతుందని అధికారులు తెలిపారు. సోలార్ ప్యానెల్స్, ఇన్‌స్టాలేషన్ ఖర్చు కాలక్రమేణా ఎన‌ర్జీ ఖర్చులలో ఆదా చేయడం ద్వారా భర్తీ చేయబడుతుంది. సౌర శక్తి అనేది స్వచ్ఛమైన, పునరుత్పాదక శక్తి వనరు కాబట్టి.. ఇది ఛార్జింగ్ EVల కార్బన్ ఉద్గారాల‌ను తగ్గించడంలో సహాయపడుతుంది. విద్యుత్తు అంతరాయం లేదా అత్యవసర సమయంలో మరింత నమ్మదగినది.
అయితే, సౌరశక్తితో నడిచే EV స్టేషన్ ధర, సాంప్రదాయ ఛార్జర్‌ల కంటే కిలోవాట్‌కు కనీసం రూ. 50,000 ఎక్కువగా ఉంటుంది. . “ఈ హైబ్రిడ్ సెటప్‌లో చేసిన పెట్టుబడులకు సుమారు 7-8 సంవత్సరాల తిరిగి చెల్లించే వ్యవధి ఉంటుందని అంచనా వేశారు. ఈ వ్యవధి తర్వాత, వాహనాన్ని ఛార్జింగ్ చేయడానికి అయ్యే ఖర్చు సున్నా అవుతుంది” అని ఒక అధికారి తెలిపారు.
ప్రైవేట్ ఛార్జింగ్ సెటప్‌ల కంటే రూఫ్‌టాప్ సోలార్ ప్యానెల్‌ల ఇన్‌స్టాలేషన్ ఖర్చు అధికంగా ఉంటుందని విద్యుత్ శాఖ అధికారులు అంగీకరించారు. పైకప్పు సౌర ఫలకాలను శక్తి ఉత్పత్తిని పెంచడానికి ఎక్కువ స్థలం అవసరం, ఇది జనసాంద్రత ఎక్కువగా ఉన్న ప్రాంతాల్లో ఇంత స్థ‌లాన్ని సేక‌రించ‌డం క‌ష్ట‌త‌ర‌మ‌వుతుంది.
2030 నాటికి 30% EV వ్యాప్తి
ఎలక్ట్రిక్ వాహనాల (Electric Vehicles) అమ్మకాలు పెరుగుదలతో ప్రభుత్వం తన ఛార్జింగ్ పర్యావరణ వ్యవస్థను బలోపేతం చేయడానికి కూడా ప్రయత్నాలు చేస్తోంది. 2022 EV నివేదిక ప్రకారం, ఢిల్లీలో 2,300 ఛార్జింగ్ పాయింట్లు. 200-ప్లస్ బ్యాటరీ మార్పిడి స్టేషన్లు (battery swaping staions) నగరంలోని వివిధ ప్రాంతాల్లో నడుస్తున్నాయి. ఈ ఏడాది మార్చిలో మొత్తం వాహన విక్రయాల్లో EVలు దాదాపు 15% వాటాను క‌లిగి ఉన్నాయి. రాజధానిలో EV అమ్మకాలు 2021తో పోలిస్తే 2022లో 141% పెరిగాయి. 2030 నాటికి 30% EV వ్యాప్తిని సాధించాల‌నే ల‌క్ష్యంతో ప్రభుత్వం చ‌ర్య‌లు చేప‌ట్టింది.
Franchis required